म. टा. प्रतिनिधी, पुणे
सावित्रीबाई फुले पुणे विद्यापीठाने येत्या एप्रिल महिन्याच्या शेवटच्या आठवड्यात दुसरा पदवीप्रदान समारंभ आयोजित केला आहे. यासाठी विद्यार्थ्यांकडून येत्या एप्रिलपर्यंत ऑनलाइन अर्ज विद्यापीठाच्या प्रशासनाने मागविले आहेत.
विद्यापीठाने विद्यापीठस्तरावरील पदवी प्रमाणपत्र प्रदान समारंभ वर्षातून दोन वेळा आयोजित करण्याचा निर्णय घेतला आहे. त्यानुसार दुसरा पदवीप्रदान समारंभ एप्रिल महिन्याच्या शेवटच्या आठवड्यात होणार आहे. विद्यार्थ्यांना पदवी प्रमाणपत्र मिळण्यासाठी ऑनलाइन अर्ज करावा लागणार आहे.
या सोहळ्यात पदव्युत्तर पदवीची प्रमाणपत्रे देण्यात येणार असून पदवी प्रमाणपत्रांचे वितरण हे संबंधित कॉलेजांमध्ये करण्यात येणार आहे. येत्या एप्रिलपर्यंत विना विलंब शुल्कासह अर्ज करता येईल. तर, ५ ते १२ एप्रिल या कालावधीत विद्यापीठाकडून विलंब शुल्कासह अर्ज स्वीकारले जातील. ऑनलाइन अर्जासोबत अंतिम वर्षाच्या गुणपत्रिकेची छायांकित प्रत अपलोड करणे आवश्यक आहे. विद्यार्थ्यांनी अधिक माहितीसाठी www.unipune.ac.in या वेबसाइटवर संपर्क साधावा.
आधार क्रमांक नमूद करा
पदवी प्रमाणपत्र मिळण्यासाठी अर्ज करताना विद्यार्थ्यांनी आधार क्रमांक नमूद करणे आवश्यक आहे. त्यामुळे कागदपत्रांची पडताळणी करणे शक्य होणार आहे. सध्या आधार क्रमांक बंधनकारक केलेला नाही. परंतु, यापुढील काळात आधार क्रमांक सक्तीचा करण्यात येणार आहे, असे प्रशासनाने सांगितले.
सावित्रीबाई फुले पुणे विद्यापीठाने येत्या एप्रिल महिन्याच्या शेवटच्या आठवड्यात दुसरा पदवीप्रदान समारंभ आयोजित केला आहे. यासाठी विद्यार्थ्यांकडून येत्या एप्रिलपर्यंत ऑनलाइन अर्ज विद्यापीठाच्या प्रशासनाने मागविले आहेत.
विद्यापीठाने विद्यापीठस्तरावरील पदवी प्रमाणपत्र प्रदान समारंभ वर्षातून दोन वेळा आयोजित करण्याचा निर्णय घेतला आहे. त्यानुसार दुसरा पदवीप्रदान समारंभ एप्रिल महिन्याच्या शेवटच्या आठवड्यात होणार आहे. विद्यार्थ्यांना पदवी प्रमाणपत्र मिळण्यासाठी ऑनलाइन अर्ज करावा लागणार आहे.
या सोहळ्यात पदव्युत्तर पदवीची प्रमाणपत्रे देण्यात येणार असून पदवी प्रमाणपत्रांचे वितरण हे संबंधित कॉलेजांमध्ये करण्यात येणार आहे. येत्या एप्रिलपर्यंत विना विलंब शुल्कासह अर्ज करता येईल. तर, ५ ते १२ एप्रिल या कालावधीत विद्यापीठाकडून विलंब शुल्कासह अर्ज स्वीकारले जातील. ऑनलाइन अर्जासोबत अंतिम वर्षाच्या गुणपत्रिकेची छायांकित प्रत अपलोड करणे आवश्यक आहे. विद्यार्थ्यांनी अधिक माहितीसाठी www.unipune.ac.in या वेबसाइटवर संपर्क साधावा.
आधार क्रमांक नमूद करा
पदवी प्रमाणपत्र मिळण्यासाठी अर्ज करताना विद्यार्थ्यांनी आधार क्रमांक नमूद करणे आवश्यक आहे. त्यामुळे कागदपत्रांची पडताळणी करणे शक्य होणार आहे. सध्या आधार क्रमांक बंधनकारक केलेला नाही. परंतु, यापुढील काळात आधार क्रमांक सक्तीचा करण्यात येणार आहे, असे प्रशासनाने सांगितले.