पुणे:
२७ वर्षांच्या मृत मुलाच्या जतन करून ठेवलेल्या वीर्यातून आयव्हीएफ आणि सरोगसीद्वारे जुळ्या मुलांचा जन्म झाला आहे. एका वृद्ध जोडप्यानं यासाठी पुढाकार घेऊन आजी-आजोबा होण्याचं समाधान मिळवलं आहे. वीर्य आणि दात्याकडून घेतलेल्या अंड्याद्वारे तयार झालेले भ्रूण उसनं मातृत्व घेतलेल्या महिलेच्या गर्भाशयात सोडण्यात आलं. त्यातून तिनं जुळ्या मुलांना जन्म दिला.
जर्मनीत शिक्षण घेणाऱ्या एका तरुणाला २०१३ मध्ये ब्रेन ट्युमर झाला होता. डॉक्टरांनी त्याच्यावर केमोथेरपी करण्याआधी त्याचे वीर्य जतन करून ठेवले. सप्टेंबरमध्ये त्याच्यावर केमोथेरपी केली. २०१६ मध्ये त्याची प्रकृती ढासळली आणि पुण्यात असताना मृत्यू झाला. त्याच्या आईनं जर्मनीतील स्पर्म बँकेशी संपर्क साधला आणि त्याचं जतन करून ठेवलेलं वीर्य पुण्यातील सह्याद्री हॉस्पिटलमध्ये आणलं. तेथील डॉक्टरांनी सरोगेट मातेची वैद्यकीय तपासणी केल्यानंतर वीर्यापासून तयार केलेलं भ्रूण गेल्या वर्षी तिच्या गर्भाशयात सोडलं.
सह्याद्री हॉस्पिटलमधील डॉ. पुराणिक म्हणाल्या, की 'महिलेची वैद्यकीय तपासणी केल्यानंतर गेल्या वर्षी भ्रूण गर्भाशयात सोडण्यात आलं. ही प्रक्रिया यशस्वी झाली. दैनंदिन चाचण्यांनंतर तिनं सोमवारी जुळ्या मुलांना जन्म दिला.'
२७ वर्षांच्या मृत मुलाच्या जतन करून ठेवलेल्या वीर्यातून आयव्हीएफ आणि सरोगसीद्वारे जुळ्या मुलांचा जन्म झाला आहे. एका वृद्ध जोडप्यानं यासाठी पुढाकार घेऊन आजी-आजोबा होण्याचं समाधान मिळवलं आहे. वीर्य आणि दात्याकडून घेतलेल्या अंड्याद्वारे तयार झालेले भ्रूण उसनं मातृत्व घेतलेल्या महिलेच्या गर्भाशयात सोडण्यात आलं. त्यातून तिनं जुळ्या मुलांना जन्म दिला.
जर्मनीत शिक्षण घेणाऱ्या एका तरुणाला २०१३ मध्ये ब्रेन ट्युमर झाला होता. डॉक्टरांनी त्याच्यावर केमोथेरपी करण्याआधी त्याचे वीर्य जतन करून ठेवले. सप्टेंबरमध्ये त्याच्यावर केमोथेरपी केली. २०१६ मध्ये त्याची प्रकृती ढासळली आणि पुण्यात असताना मृत्यू झाला. त्याच्या आईनं जर्मनीतील स्पर्म बँकेशी संपर्क साधला आणि त्याचं जतन करून ठेवलेलं वीर्य पुण्यातील सह्याद्री हॉस्पिटलमध्ये आणलं. तेथील डॉक्टरांनी सरोगेट मातेची वैद्यकीय तपासणी केल्यानंतर वीर्यापासून तयार केलेलं भ्रूण गेल्या वर्षी तिच्या गर्भाशयात सोडलं.
सह्याद्री हॉस्पिटलमधील डॉ. पुराणिक म्हणाल्या, की 'महिलेची वैद्यकीय तपासणी केल्यानंतर गेल्या वर्षी भ्रूण गर्भाशयात सोडण्यात आलं. ही प्रक्रिया यशस्वी झाली. दैनंदिन चाचण्यांनंतर तिनं सोमवारी जुळ्या मुलांना जन्म दिला.'