म. टा. प्रतिनिधी, हडपसर
रहिवासी सोसायटीमध्ये भटके कुत्रे घुसल्याने सुरक्षारक्षक व त्याच्या साथीदाराने कुत्र्याला निर्दयीपणे लोखंडी गजाने गंभीर मारहाण केल्याने कुत्र्याचा जागीच मृत्यू झाला. ही घटना हांडेवाडी रस्त्यावरील श्रीराम चौकातील रुणवाल सीगल सोसायटीमध्ये घडली. या प्रकरणी मुक्या प्राण्यांच्या सुरक्षिततेसाठी काम करणाऱ्या संस्थेने तक्रार दिल्याने वानवडी पोलिस ठाण्यात गुन्हा दाखल झाला आहे.
'वीवा' या प्राणी स्वयंसेवी संस्थेच्या विनिता असीन टंडन (वय ५०, रा. कोद्रे नगर, मांजरी फार्म, ता. हवेली, जि. पुणे) यांनी तक्रार दाखल केली आहे. वानवडी पोलिसांनी दिलेल्या माहितीनुसार, हांडेवाडी रोड रुणवाल सीगल सोसायटीमध्ये एक भटके कुत्रे घुसले होते. या वेळी सोसायटीचे सुरक्षा पर्यवेक्षक तुकाराम (पूर्ण नाव माहीत नाही) व त्याच्या एका साथीदाराने कुत्र्याला लोखंडी गजाने मारहाण करून जखमी केले. जखमी असलेल्या कुत्र्याला त्याच सोसायटीमागील मोकळ्या जागेत फेकून दिले. कुत्र्याला बेदम मारहाण झाल्याचे प्राणी मित्र नागरिकाने पाहिले होते. त्याने तत्काळ प्राण्यांच्या सुरक्षेविषयी काम करणाऱ्या संस्थेला झालेली हकीकत फोन करून सांगितली. त्यानंतर संस्थेच्या टंडन यांनी कुत्र्याला सोपान बागेतील 'रेन ट्री' सोसायटीत उपचारांसाठी दाखल केले. मात्र, उपचार चालू असताना त्याचा मृत्यू झाला. भटकी कुत्रे तसेच जनावरे यांच्यावर कोणी अत्याचार करीत असेल, तर वीवा संस्था अशा जनावरांना अत्याचारांपासून वाचविण्याचे काम करते; तसेच प्राण्यांवर अत्याचार करून त्याला निर्दयतेने कोणी मारून टाकले तर त्याबाबत पोलिसांच्या मदतीने कायदेशीर कारवाई करते. त्यानुसार वीवा संस्थेने वानवडी पोलिस ठाण्यात मारहाण करणाऱ्यांविरोधात तक्रार दाखल केली आहे.
रहिवासी सोसायटीमध्ये भटके कुत्रे घुसल्याने सुरक्षारक्षक व त्याच्या साथीदाराने कुत्र्याला निर्दयीपणे लोखंडी गजाने गंभीर मारहाण केल्याने कुत्र्याचा जागीच मृत्यू झाला. ही घटना हांडेवाडी रस्त्यावरील श्रीराम चौकातील रुणवाल सीगल सोसायटीमध्ये घडली. या प्रकरणी मुक्या प्राण्यांच्या सुरक्षिततेसाठी काम करणाऱ्या संस्थेने तक्रार दिल्याने वानवडी पोलिस ठाण्यात गुन्हा दाखल झाला आहे.
'वीवा' या प्राणी स्वयंसेवी संस्थेच्या विनिता असीन टंडन (वय ५०, रा. कोद्रे नगर, मांजरी फार्म, ता. हवेली, जि. पुणे) यांनी तक्रार दाखल केली आहे. वानवडी पोलिसांनी दिलेल्या माहितीनुसार, हांडेवाडी रोड रुणवाल सीगल सोसायटीमध्ये एक भटके कुत्रे घुसले होते. या वेळी सोसायटीचे सुरक्षा पर्यवेक्षक तुकाराम (पूर्ण नाव माहीत नाही) व त्याच्या एका साथीदाराने कुत्र्याला लोखंडी गजाने मारहाण करून जखमी केले. जखमी असलेल्या कुत्र्याला त्याच सोसायटीमागील मोकळ्या जागेत फेकून दिले. कुत्र्याला बेदम मारहाण झाल्याचे प्राणी मित्र नागरिकाने पाहिले होते. त्याने तत्काळ प्राण्यांच्या सुरक्षेविषयी काम करणाऱ्या संस्थेला झालेली हकीकत फोन करून सांगितली. त्यानंतर संस्थेच्या टंडन यांनी कुत्र्याला सोपान बागेतील 'रेन ट्री' सोसायटीत उपचारांसाठी दाखल केले. मात्र, उपचार चालू असताना त्याचा मृत्यू झाला. भटकी कुत्रे तसेच जनावरे यांच्यावर कोणी अत्याचार करीत असेल, तर वीवा संस्था अशा जनावरांना अत्याचारांपासून वाचविण्याचे काम करते; तसेच प्राण्यांवर अत्याचार करून त्याला निर्दयतेने कोणी मारून टाकले तर त्याबाबत पोलिसांच्या मदतीने कायदेशीर कारवाई करते. त्यानुसार वीवा संस्थेने वानवडी पोलिस ठाण्यात मारहाण करणाऱ्यांविरोधात तक्रार दाखल केली आहे.