म. टा. प्रतिनिधी, पुणे
पुण्यासह, कोकण किनारपट्टी आणि मध्य महाराष्ट्रात गेल्या चार दिवसांत धुमाकूळ घातलेल्या पावसाने शुक्रवारी विश्रांती घेतली. पुणेकरांनाही तीन दिवसांनंतर सकाळी सूर्यदर्शन झाले. दिवसभरात बहुतांश वेळ आकाश निरभ्र होते. पुढील दोन दिवस पावसाच्या सरी पडण्याची शक्यता हवामान विभागाने वर्तवली आहे.
गेल्या आठवड्यात परतीच्या मान्सूनची अपेक्षा असताना मध्य-पूर्व अरबी समुद्रात कमी दाबाचा पट्टा तयार झाला आणि त्याने कोकण किनारपट्टी व्यापली. याच वेळी बंगालच्या उपसागरातही निर्माण झालेल्या कमी दाबाच्या पट्ट्याने पश्चिम बंगाल, छत्तीसगड भाग व्यापला. परिणामी महाराष्ट्राच्या बहुतांश भागात पावसाने जोरदार हजेरी लावली होती. कोकण किनारपट्टीत अतिवृष्टीही झाली होती.
पुणेकरांनी सोमवार ते बुधवार संततधार पावसाचा अनुभव घेतला. गुरुवारी पावसाचा जोर काही प्रमाणात ओसरला आणि शुक्रवारी पावसाने विश्रांती घेतली. राज्यात दिवसभरात मध्य महाराष्ट्रात बहुतांश भागात पावसाची नोंद झाली नाही. किरकोळ ठिकाणी पावसाच्या सरी पडल्या. कोकण आणि मराठवाड्यातही पावसाने उघडीप दिली. विदर्भात अकोल्यात ९ मिमी आणि अमरावतीमध्ये ६ मिमी पावसाची नोंद झाली. पुढील दोन दिवसात कोकण आणि मध्य महाराष्ट्रात काही ठिकाणी तसेच मराठवाडा विदर्भात पाऊस पडण्याची शक्यता हवामान विभागाने वर्तवली आहे.
पुण्यासह, कोकण किनारपट्टी आणि मध्य महाराष्ट्रात गेल्या चार दिवसांत धुमाकूळ घातलेल्या पावसाने शुक्रवारी विश्रांती घेतली. पुणेकरांनाही तीन दिवसांनंतर सकाळी सूर्यदर्शन झाले. दिवसभरात बहुतांश वेळ आकाश निरभ्र होते. पुढील दोन दिवस पावसाच्या सरी पडण्याची शक्यता हवामान विभागाने वर्तवली आहे.
गेल्या आठवड्यात परतीच्या मान्सूनची अपेक्षा असताना मध्य-पूर्व अरबी समुद्रात कमी दाबाचा पट्टा तयार झाला आणि त्याने कोकण किनारपट्टी व्यापली. याच वेळी बंगालच्या उपसागरातही निर्माण झालेल्या कमी दाबाच्या पट्ट्याने पश्चिम बंगाल, छत्तीसगड भाग व्यापला. परिणामी महाराष्ट्राच्या बहुतांश भागात पावसाने जोरदार हजेरी लावली होती. कोकण किनारपट्टीत अतिवृष्टीही झाली होती.
पुणेकरांनी सोमवार ते बुधवार संततधार पावसाचा अनुभव घेतला. गुरुवारी पावसाचा जोर काही प्रमाणात ओसरला आणि शुक्रवारी पावसाने विश्रांती घेतली. राज्यात दिवसभरात मध्य महाराष्ट्रात बहुतांश भागात पावसाची नोंद झाली नाही. किरकोळ ठिकाणी पावसाच्या सरी पडल्या. कोकण आणि मराठवाड्यातही पावसाने उघडीप दिली. विदर्भात अकोल्यात ९ मिमी आणि अमरावतीमध्ये ६ मिमी पावसाची नोंद झाली. पुढील दोन दिवसात कोकण आणि मध्य महाराष्ट्रात काही ठिकाणी तसेच मराठवाडा विदर्भात पाऊस पडण्याची शक्यता हवामान विभागाने वर्तवली आहे.