म. टा. प्रतिनिधी, पुणे
पक्षप्रमुख राज ठाकरे यांचा रोड शो रद्द झाल्यानंतर महाराष्ट्र नवनिर्माण सेनेच्या कार्यकर्त्यांना आता ठाकरे यांच्या सभेचे वेध लागले आहेत. ठाकरे यांची सभा १६ फेब्रुवारी रोजी होणार आहे. सभेचे स्थान निश्चित नसले, तरी सभा यशस्वी करण्यासाठी आतापासूनच नियोजन करण्यात येत आहे. सध्या अन्य कोणतेही नेते अथवा स्टार प्रचारकांचा कार्यक्रम निश्चित झालेला नाही.
पक्षाच्या उमेदवारांनी यादी जाहीर होण्यापूर्वीच प्रचाराला सुरुवात केली आहे. राज ठाकरे यांच्या ‘रोड शो’द्वारे पक्षाच्या प्रचाराचा औपचारिक नारळ दहा फेब्रुवारी रोजी फोडण्यात येणार होता. तसेच पक्षाचा जाहीरनामाही प्रकाशित होणार होता; मात्र काही कारणांमुळे राज ठाकरे यांचा पुणे दौराच रद्द झाला. त्यामुळे आता ठाकरे फक्त सभेसाठीच पुण्यात येणार आहेत. पक्षाचे स्टार प्रचारक, तसेच सिनेअभिनेत्यांचेही दौरे येत्या दोन-तीन दिवसांत निश्चित झालेले नाहीत. त्यामुळे पक्षाचे उमेदवार स्वतःचा प्रभाग पिंजून काढण्यावर भर देत आहेत.
प्रभाग मोठा असल्याने उमेदवार एकत्रित पदयात्रा काढून मतदारांसमोर जात आहेत. दुसरीकडे कार्यकर्त्यांच्या माध्यमातून कार्यअहवाल, नाशिकमध्ये पक्षाने केलेल्या सुधारणांचा अहवाल मतदारांपर्यंत पोहोचवण्यात येत आहे. स्पीकर बसवलेल्या रिक्षांच्या माध्यमातून पक्षाची प्रचारगीते वाजवून मतदारांना आवाहन केले जात आहे.
पक्षप्रमुख राज ठाकरे यांची सभा १६ तारखेला होईल. त्यासाठीची तयारी सध्या सुरू आहे. सभेचे नियोजन करण्यासाठी सोमवारी बैठक घेण्यात येणार आहे. सभेपर्यंत प्रभाग स्तरावर प्रचार सुरू ठेवण्यात येणार आहे. तसेच काही छोट्या कोपरा सभाही घेण्याबाबत चाचपणी सुरू आहे, असे शहराध्यक्ष अजय शिंदे यांनी सांगितले.
पक्षप्रमुख राज ठाकरे यांचा रोड शो रद्द झाल्यानंतर महाराष्ट्र नवनिर्माण सेनेच्या कार्यकर्त्यांना आता ठाकरे यांच्या सभेचे वेध लागले आहेत. ठाकरे यांची सभा १६ फेब्रुवारी रोजी होणार आहे. सभेचे स्थान निश्चित नसले, तरी सभा यशस्वी करण्यासाठी आतापासूनच नियोजन करण्यात येत आहे. सध्या अन्य कोणतेही नेते अथवा स्टार प्रचारकांचा कार्यक्रम निश्चित झालेला नाही.
पक्षाच्या उमेदवारांनी यादी जाहीर होण्यापूर्वीच प्रचाराला सुरुवात केली आहे. राज ठाकरे यांच्या ‘रोड शो’द्वारे पक्षाच्या प्रचाराचा औपचारिक नारळ दहा फेब्रुवारी रोजी फोडण्यात येणार होता. तसेच पक्षाचा जाहीरनामाही प्रकाशित होणार होता; मात्र काही कारणांमुळे राज ठाकरे यांचा पुणे दौराच रद्द झाला. त्यामुळे आता ठाकरे फक्त सभेसाठीच पुण्यात येणार आहेत. पक्षाचे स्टार प्रचारक, तसेच सिनेअभिनेत्यांचेही दौरे येत्या दोन-तीन दिवसांत निश्चित झालेले नाहीत. त्यामुळे पक्षाचे उमेदवार स्वतःचा प्रभाग पिंजून काढण्यावर भर देत आहेत.
प्रभाग मोठा असल्याने उमेदवार एकत्रित पदयात्रा काढून मतदारांसमोर जात आहेत. दुसरीकडे कार्यकर्त्यांच्या माध्यमातून कार्यअहवाल, नाशिकमध्ये पक्षाने केलेल्या सुधारणांचा अहवाल मतदारांपर्यंत पोहोचवण्यात येत आहे. स्पीकर बसवलेल्या रिक्षांच्या माध्यमातून पक्षाची प्रचारगीते वाजवून मतदारांना आवाहन केले जात आहे.
पक्षप्रमुख राज ठाकरे यांची सभा १६ तारखेला होईल. त्यासाठीची तयारी सध्या सुरू आहे. सभेचे नियोजन करण्यासाठी सोमवारी बैठक घेण्यात येणार आहे. सभेपर्यंत प्रभाग स्तरावर प्रचार सुरू ठेवण्यात येणार आहे. तसेच काही छोट्या कोपरा सभाही घेण्याबाबत चाचपणी सुरू आहे, असे शहराध्यक्ष अजय शिंदे यांनी सांगितले.