म. टा. प्रतिनिधी, पुणे
राज्याच्या सांस्कृतिक संचलनालयातर्फे घेण्यात येणाऱ्या मराठी राज्य नाट्य स्पर्धेच्या अंतिम फेरीत पुण्याच्या ‘एमएच १२ जे १६’ या नाटकाने प्रथम क्रमांक पटकावून यंदाचे विजेतेपद मिळवले आहे. नाशिकच्या ‘गांधीहत्या आणि मी' या नाटकास द्वितीय आणि ओम क्रिएशन, पुणे या संस्थेच्या ‘डेहिल्स क्लॉ’ या नाटकाला तृतीय क्रमांकाचे पारितोषिक प्राप्त झाले आहे.
२२ फेब्रुवारी ते ४ मार्च दरम्यान पुण्यातील भरत नाट्य मंदिर व टिळक स्मारक मंदिर येथे ही स्पर्धा पार पडली. त्यामध्ये राज्यातील आणि बृहन्महाराष्ट्रातील अनेक केंद्रांवर प्राथमिक फेरीत प्रथम क्रमांक पटकावलेले २२ संघ अंतिम फेरीत सहभागी झाले होते. त्यातून परीक्षकांनी तीन नाटकांची निवड केली. स्पर्धेसाठी परीक्षक म्हणून विश्वास मेहेंदळे, मनोहर जोशी, सुरेश गायधनी, हेमंत एदलाबादकर आणि वसुधा देशपांडे यांनी काम पाहिले. सर्व पुरस्कार विजेत्यांचे सांस्कृतिक कार्यमंत्री विनोद तावडे यांनी अभिनंदन केले आहे. लवकरच राज्य शासनातर्फे होणाऱ्या कार्यक्रमात स्पर्धेचे पारितोषिक वितरण केले जाणार आहे. भरत डाके यांनी पुण्याच्या स्पर्धेचे समन्वयक म्हणून काम पाहिले.
सागर रौप्यपदकाचा मानकरी पण...
यंदाच्या राज्य नाट्य स्पर्धेच्या अंतिम फेरीत चटका लावून जाणारी एक घटना घडली. कोल्हापूर केंद्रातून अंतिम फेरीत दाखल झालेल्या सागर चौगुले या कलाकाराचा टिळक स्मारक मंदिर येथे ऐन प्रयोगात हृदयविकाराच्या झटक्याने मृत्यू झाला. नाटकाचे सादरीकरण सुरू असताना त्याच्या अभिनयाचे कौतुक होत होते. अंतिम फेरीतील अभिनयाचे रौप्यपदकाचा तो मानकरी ठरेल अशी, चर्चा होती. पण काळाने त्याच्यावर रंगमंचावरच घाला घातला. मात्र, त्याच्या दमदार अभिनयासाठी सागरला स्पर्धेचे रौप्यपदक देऊन सन्मानित करण्यात आले. मात्र, दुर्दैवाने ते स्वीकारण्यासाठी सागर या जगात नाही.
सविस्तर निकाल पुढीलप्रमाणे
दिग्दर्शन : प्रथम - सुबोध पंडे (एमएच - १२ जे १६), द्वितीय - मिलन राठोड (डेहिल्स क्लॉ), तृतीय - अनिल बांदोडकर (काठाघोडा), नेपथ्य : प्रथम - अरुण कदम (कॅप्टन-कॅप्टन), द्वितीय हिंदुराव पाटील (अग्निदिव्य), तृतीय- दीपक ओहोळ (मानसीचा शिल्पकार तो), प्रकाश योजना : प्रथम शीतल तळपदे (काठा घोडा), द्वितीय गोरक्षनाथ राणे (काळीमा), तृतीय - मिलन पाटील (विठ्ठल विठ्ठल), संगीत दिग्दर्शन : प्रथम - भानुदास गायकवाड (बैल अबोलबाला), द्वितीय - तेजस बिल्दिकर (गांधी हत्या आणि मी), तृतीय - नितीन काशीकर (एमएच- १२ जे-१६), उत्कृष्ट अभिनय : (रौप्यपदक) सागर चौगुले (अग्निदिव्य), जयदीप मुजुमदार (एमएच-१२ जे-१६), गोपाळ जोशी (नाटक- एझिट), शिवशैलेश कोरडे (एक परी), स्त्री कलाकार :- सोनल शिंदे (कॅप्टन-कॅप्टन), ज्योती राऊळ (विठ्ठल विठ्ठल), वैशाली पिंपळखरे (एमएच-१२ जे-१६), अश्विनी तडवळकर (वारुठ), सुप्रिया उकिडवे (एक्झिट)
राज्याच्या सांस्कृतिक संचलनालयातर्फे घेण्यात येणाऱ्या मराठी राज्य नाट्य स्पर्धेच्या अंतिम फेरीत पुण्याच्या ‘एमएच १२ जे १६’ या नाटकाने प्रथम क्रमांक पटकावून यंदाचे विजेतेपद मिळवले आहे. नाशिकच्या ‘गांधीहत्या आणि मी' या नाटकास द्वितीय आणि ओम क्रिएशन, पुणे या संस्थेच्या ‘डेहिल्स क्लॉ’ या नाटकाला तृतीय क्रमांकाचे पारितोषिक प्राप्त झाले आहे.
२२ फेब्रुवारी ते ४ मार्च दरम्यान पुण्यातील भरत नाट्य मंदिर व टिळक स्मारक मंदिर येथे ही स्पर्धा पार पडली. त्यामध्ये राज्यातील आणि बृहन्महाराष्ट्रातील अनेक केंद्रांवर प्राथमिक फेरीत प्रथम क्रमांक पटकावलेले २२ संघ अंतिम फेरीत सहभागी झाले होते. त्यातून परीक्षकांनी तीन नाटकांची निवड केली. स्पर्धेसाठी परीक्षक म्हणून विश्वास मेहेंदळे, मनोहर जोशी, सुरेश गायधनी, हेमंत एदलाबादकर आणि वसुधा देशपांडे यांनी काम पाहिले. सर्व पुरस्कार विजेत्यांचे सांस्कृतिक कार्यमंत्री विनोद तावडे यांनी अभिनंदन केले आहे. लवकरच राज्य शासनातर्फे होणाऱ्या कार्यक्रमात स्पर्धेचे पारितोषिक वितरण केले जाणार आहे. भरत डाके यांनी पुण्याच्या स्पर्धेचे समन्वयक म्हणून काम पाहिले.
सागर रौप्यपदकाचा मानकरी पण...
यंदाच्या राज्य नाट्य स्पर्धेच्या अंतिम फेरीत चटका लावून जाणारी एक घटना घडली. कोल्हापूर केंद्रातून अंतिम फेरीत दाखल झालेल्या सागर चौगुले या कलाकाराचा टिळक स्मारक मंदिर येथे ऐन प्रयोगात हृदयविकाराच्या झटक्याने मृत्यू झाला. नाटकाचे सादरीकरण सुरू असताना त्याच्या अभिनयाचे कौतुक होत होते. अंतिम फेरीतील अभिनयाचे रौप्यपदकाचा तो मानकरी ठरेल अशी, चर्चा होती. पण काळाने त्याच्यावर रंगमंचावरच घाला घातला. मात्र, त्याच्या दमदार अभिनयासाठी सागरला स्पर्धेचे रौप्यपदक देऊन सन्मानित करण्यात आले. मात्र, दुर्दैवाने ते स्वीकारण्यासाठी सागर या जगात नाही.
सविस्तर निकाल पुढीलप्रमाणे
दिग्दर्शन : प्रथम - सुबोध पंडे (एमएच - १२ जे १६), द्वितीय - मिलन राठोड (डेहिल्स क्लॉ), तृतीय - अनिल बांदोडकर (काठाघोडा), नेपथ्य : प्रथम - अरुण कदम (कॅप्टन-कॅप्टन), द्वितीय हिंदुराव पाटील (अग्निदिव्य), तृतीय- दीपक ओहोळ (मानसीचा शिल्पकार तो), प्रकाश योजना : प्रथम शीतल तळपदे (काठा घोडा), द्वितीय गोरक्षनाथ राणे (काळीमा), तृतीय - मिलन पाटील (विठ्ठल विठ्ठल), संगीत दिग्दर्शन : प्रथम - भानुदास गायकवाड (बैल अबोलबाला), द्वितीय - तेजस बिल्दिकर (गांधी हत्या आणि मी), तृतीय - नितीन काशीकर (एमएच- १२ जे-१६), उत्कृष्ट अभिनय : (रौप्यपदक) सागर चौगुले (अग्निदिव्य), जयदीप मुजुमदार (एमएच-१२ जे-१६), गोपाळ जोशी (नाटक- एझिट), शिवशैलेश कोरडे (एक परी), स्त्री कलाकार :- सोनल शिंदे (कॅप्टन-कॅप्टन), ज्योती राऊळ (विठ्ठल विठ्ठल), वैशाली पिंपळखरे (एमएच-१२ जे-१६), अश्विनी तडवळकर (वारुठ), सुप्रिया उकिडवे (एक्झिट)