इतिहासप्रेमींसाठी मुजुमदार वाड्यात खजिना खुला
म. टा. प्रतिनिधी, पुणे
सूरसिंगार, सूरबहार, स्वरमंडळ ही वाद्ये तुम्ही कधी पाहिली आहेत का ? नाही ना? ही दुर्मिळ वाद्ये आणि पेशवाईतील वस्त्रे पाहायची आहेत का? तुम्ही संगीत आणि इतिहासप्रेमी असाल किंवा या सर्व परंपरेविषयी तुम्हाला कुतूहल वाटत असेल तर कसबा पेठेतील ऐतिहासिक सरदार मुजुमदारवाड्याला नक्की भेट द्या. गणेशोत्सवानिमित्त खुला झालेला हा अनमोल ठेवा तुम्हाला नक्कीच समृद्ध करील.
चौसष्ठ कलांचा अधिपती असणाऱ्या गणरायाच्या उत्सवानिमित्त ही अतिदुर्मिळ वाद्ये पाहण्याची संधी संगीतरसिकांना आणि जाणकारांना खुली झाली आहे. निमित्त ठरले आहे ते मुजुमदारवाड्यातील २५२ व्या गणेशोत्सवाचे.. पेशवेकाळापासून आगळी परंपरा जपलेल्या सरदार आबासाहेब मुजुमदार यांच्या मुजुमदार वाड्यातील गणेशोत्सवाला मंगळवारी भाद्रपद शुद्ध प्रतिपदेपासून दिमाखात सुरुवात झाली. दररोज सकाळी सनईवादन आणि सायंकाळी कीर्तन अशा पारंपरिक पद्धतीने गणेशोत्सव साजरा होणार असून, शनिवारी ऋषिपंचमीला उत्सवाची सांगता होईल. आबासाहेब मुजुमदार यांचे नातू प्रताप मुजुमदार आणि नातसून अनुपमा मुजुमदार यंदा उत्सवी परंपरेत सहभागी होत आहेत.
‘मुजुमदार वाडा १७७० मध्ये बांधण्यात आला. या उत्सवाला गाण्याच्या बैठकींची परंपरा लाभली आहे. पं. रामकृष्णबुवा वझे, पं. भास्करबुवा बखले, मास्तर कृष्णराव, उस्ताद बडे गुलाम अली खाँ, अमानत अली खाँ, बालगंधर्व, छोटा गंधर्व, सनईसम्राट प्रभाशंकर गायकवाड, पं. भीमसेन जोशी अशा दिग्गज कलाकारांच्या गायन मैफली या गणरायाच्या चरणी सेवा रुजू करण्याच्या उद्देशातून तसेच कलाकारांना व्यासपीठ देण्यासाठी झाल्या आहेत. या उत्सवाबरोबरीनेच गणेश चतुर्थीलाही शाडू मातीची मूर्ती आणून तिची प्रतिष्ठापना केली जाते. या गणपतीचे गौरींबरोबर विसर्जन होते. अशा पद्धतीने दोनदा गणेशोत्सव साजरा केला जातो,‘ अशी माहिती अनुपमा मुजुमदार यांनी दिली.
उत्सवामध्ये दररोज सकाळी नऊ वाजता प्रमोद गायकवाड यांचे सनईवादन होणार आहे. तर सायंकाळी वासुदेवबुवा बुरसे, मिलिंदबुवा बडवे, मोरेश्वरबुवा जोशी चऱ्होलीकर, शेखरबुवा व्यास यांचे कीर्तन होणार आहे. मंगळवारी पुंडलिकबुवा हळबे यांचे कीर्तन झाले. यंदाच्या उत्सवात दुर्मिळ वाद्यांसह वस्त्रे पेशवाईतील हे प्रदर्शन ऋषिपंचमीपर्यंत दररोज सायंकाळी पाच ते सात या वेळात पाहता येईल.
- अनुपमा मुजुमदार
म. टा. प्रतिनिधी, पुणे
सूरसिंगार, सूरबहार, स्वरमंडळ ही वाद्ये तुम्ही कधी पाहिली आहेत का ? नाही ना? ही दुर्मिळ वाद्ये आणि पेशवाईतील वस्त्रे पाहायची आहेत का? तुम्ही संगीत आणि इतिहासप्रेमी असाल किंवा या सर्व परंपरेविषयी तुम्हाला कुतूहल वाटत असेल तर कसबा पेठेतील ऐतिहासिक सरदार मुजुमदारवाड्याला नक्की भेट द्या. गणेशोत्सवानिमित्त खुला झालेला हा अनमोल ठेवा तुम्हाला नक्कीच समृद्ध करील.
चौसष्ठ कलांचा अधिपती असणाऱ्या गणरायाच्या उत्सवानिमित्त ही अतिदुर्मिळ वाद्ये पाहण्याची संधी संगीतरसिकांना आणि जाणकारांना खुली झाली आहे. निमित्त ठरले आहे ते मुजुमदारवाड्यातील २५२ व्या गणेशोत्सवाचे.. पेशवेकाळापासून आगळी परंपरा जपलेल्या सरदार आबासाहेब मुजुमदार यांच्या मुजुमदार वाड्यातील गणेशोत्सवाला मंगळवारी भाद्रपद शुद्ध प्रतिपदेपासून दिमाखात सुरुवात झाली. दररोज सकाळी सनईवादन आणि सायंकाळी कीर्तन अशा पारंपरिक पद्धतीने गणेशोत्सव साजरा होणार असून, शनिवारी ऋषिपंचमीला उत्सवाची सांगता होईल. आबासाहेब मुजुमदार यांचे नातू प्रताप मुजुमदार आणि नातसून अनुपमा मुजुमदार यंदा उत्सवी परंपरेत सहभागी होत आहेत.
‘मुजुमदार वाडा १७७० मध्ये बांधण्यात आला. या उत्सवाला गाण्याच्या बैठकींची परंपरा लाभली आहे. पं. रामकृष्णबुवा वझे, पं. भास्करबुवा बखले, मास्तर कृष्णराव, उस्ताद बडे गुलाम अली खाँ, अमानत अली खाँ, बालगंधर्व, छोटा गंधर्व, सनईसम्राट प्रभाशंकर गायकवाड, पं. भीमसेन जोशी अशा दिग्गज कलाकारांच्या गायन मैफली या गणरायाच्या चरणी सेवा रुजू करण्याच्या उद्देशातून तसेच कलाकारांना व्यासपीठ देण्यासाठी झाल्या आहेत. या उत्सवाबरोबरीनेच गणेश चतुर्थीलाही शाडू मातीची मूर्ती आणून तिची प्रतिष्ठापना केली जाते. या गणपतीचे गौरींबरोबर विसर्जन होते. अशा पद्धतीने दोनदा गणेशोत्सव साजरा केला जातो,‘ अशी माहिती अनुपमा मुजुमदार यांनी दिली.
उत्सवामध्ये दररोज सकाळी नऊ वाजता प्रमोद गायकवाड यांचे सनईवादन होणार आहे. तर सायंकाळी वासुदेवबुवा बुरसे, मिलिंदबुवा बडवे, मोरेश्वरबुवा जोशी चऱ्होलीकर, शेखरबुवा व्यास यांचे कीर्तन होणार आहे. मंगळवारी पुंडलिकबुवा हळबे यांचे कीर्तन झाले. यंदाच्या उत्सवात दुर्मिळ वाद्यांसह वस्त्रे पेशवाईतील हे प्रदर्शन ऋषिपंचमीपर्यंत दररोज सायंकाळी पाच ते सात या वेळात पाहता येईल.
- अनुपमा मुजुमदार