म. टा. प्रतिनिधी, पुणे
गेल्या पाच महिन्यांपासून शहरात करोनाचा संसर्ग पसरत असला, तरी मार्च ते जून या चार महिन्यांच्या तुलनेत जुलैमध्ये करोनाबाधित आणि त्यामुळे दगाविणाऱ्या रुग्णांमध्ये दुपटीहून अधिक वाढ झाली आहे. त्याच वेळी केवळ जुलै महिन्यातच तब्बल २५ हजार रुग्ण करोनामुक्त होऊन घरी परतल्याने दिलासा मिळाला आहे. करोनाची रुग्णसंख्या दिवसेंदिवस वाढत असल्याने पुणेकरांनी दक्ष राहण्याची गरज आहेच; पण दुसरीकडे करोनामुक्त झालेल्या रुग्णांचीही संख्या वाढत असल्याने करोनाच्या चिंतेत करोनामुक्त रुग्णांच्या रूपाने आशेचा किरणही दिसत आहे.
शहरात मार्चच्या सुरुवातीला करोनाचा पहिला रुग्ण सापडला. त्यानंतर शहराच्या काही मोजक्या भागांमध्ये करोनाचे रुग्ण मोठ्या संख्येने आढळून येत होते. मात्र, गेल्या महिन्याभरामध्ये हे संपूर्ण चित्र पालटले असून, संपूर्ण शहरातच करोनाचा फैलाव झाला आहे. त्यामुळे जूनच्या शेवटी १७ हजारांवर असणारी करोनाची रुग्णसंख्या जुलैअखेरीस थेट ५४ हजारांवर पोहोचली. गेल्या महिन्यात रोजच रुग्णसंख्येचे आकडे पंधराशे किंवा त्याहून अधिक प्रमाणात वाढत होते. त्यामुळे महापालिका आणि खासगी रुग्णालयांमध्ये केली जाणारी करोना रुग्णांवरील उपचाराची व्यवस्था तोकडी पडू लागली. त्यातून करोना रुग्णांना शहरातील रुग्णालयांत वेळेवर खाटा अथवा ऑक्सिजन, व्हेंटिलेटर उपलब्ध होऊ न शकल्याने काहींना जीव गमवावा लागला. त्यामुळे करोनाच्या वाढत्या रुग्णसंख्येला सामोरे जाण्यासाठी शहराच्या वेगवेगळ्या भागांमध्ये तीन जंबो रुग्णालये उभारण्याचे आदेश मुख्यमंत्री उद्धव ठाकरे यांना द्यावे लागले. शहरातील सक्रिय रुग्णांची संख्या सध्या १७ हजारांवर पोहोचल्याने आगामी काळात सर्वांना योग्य प्रमाणात खाटा आणि ऑक्सिजन/व्हेंटिलेटर मिळावे, यासाठीच जंबो रुग्णालयांची निर्मिती केली जाणार आहे. येत्या १५ ऑगस्टपर्यंत त्यांचे काम पूर्ण करण्याचे उद्दिष्ट आहे.
शहरात जुलैमध्ये रुग्णसंख्या आणि करोना मृत्यूंमध्ये सर्वाधिक वाढ झाल्याचे दिसून आले असले, तरी योग्य उपचारांनंतर करोनामुक्त होणाऱ्या रुग्णांचे प्रमाण लक्षणीय आहे. जूनपर्यंतच्या पहिल्या चार महिन्यांत १० हजार नागरिकांनी करोनावर मात केली होती. जुलैमध्ये २५ हजार नागरिक करोनातून बरे झाल्याने शहरात आतापर्यंत बऱ्या झालेल्यांची संख्या ३५ हजारांवर पोहोचली आहे.
शहरातील करोनाबाधित रुग्ण
तारीख रुग्णसंख्या सक्रिय रुग्ण करोनामुक्त मृत्यू
३० जून १७,२२८ ६,१३४ १०,४५१ ६४३
१५ जुलै ३०,५२३ १०,०६४ १९,५७० ८८९
३१ जुलै ५४,२५५ १७,८२० ३५,१२३ १,३१२
महिन्यात दीड लाख चाचण्या
शहरामध्ये जूनअखेरपर्यंत एक लाख १५ हजार चाचण्या घेण्यात आल्या होत्या. जुलैमध्ये घेण्यात आलेल्या दहा दिवसांच्या लॉकडाउनमध्ये चाचण्यांची संख्या मोठ्या प्रमाणात वाढविण्यात आली. स्वॅबसह अँटिजेन चाचण्यांमुळे करोनाबाधितांचे निदान लवकर व्हायला लागले. जुलैच्या संपूर्ण महिन्यात महापालिकेने दीड लाखांहून अधिक चाचण्या घेतल्या आहेत. ३१ जुलैपर्यंत शहरातील एकूण चाचण्यांची संख्या पावणेतीन लाखांवर पोहोचली.
गेल्या पाच महिन्यांपासून शहरात करोनाचा संसर्ग पसरत असला, तरी मार्च ते जून या चार महिन्यांच्या तुलनेत जुलैमध्ये करोनाबाधित आणि त्यामुळे दगाविणाऱ्या रुग्णांमध्ये दुपटीहून अधिक वाढ झाली आहे. त्याच वेळी केवळ जुलै महिन्यातच तब्बल २५ हजार रुग्ण करोनामुक्त होऊन घरी परतल्याने दिलासा मिळाला आहे. करोनाची रुग्णसंख्या दिवसेंदिवस वाढत असल्याने पुणेकरांनी दक्ष राहण्याची गरज आहेच; पण दुसरीकडे करोनामुक्त झालेल्या रुग्णांचीही संख्या वाढत असल्याने करोनाच्या चिंतेत करोनामुक्त रुग्णांच्या रूपाने आशेचा किरणही दिसत आहे.
शहरात मार्चच्या सुरुवातीला करोनाचा पहिला रुग्ण सापडला. त्यानंतर शहराच्या काही मोजक्या भागांमध्ये करोनाचे रुग्ण मोठ्या संख्येने आढळून येत होते. मात्र, गेल्या महिन्याभरामध्ये हे संपूर्ण चित्र पालटले असून, संपूर्ण शहरातच करोनाचा फैलाव झाला आहे. त्यामुळे जूनच्या शेवटी १७ हजारांवर असणारी करोनाची रुग्णसंख्या जुलैअखेरीस थेट ५४ हजारांवर पोहोचली. गेल्या महिन्यात रोजच रुग्णसंख्येचे आकडे पंधराशे किंवा त्याहून अधिक प्रमाणात वाढत होते. त्यामुळे महापालिका आणि खासगी रुग्णालयांमध्ये केली जाणारी करोना रुग्णांवरील उपचाराची व्यवस्था तोकडी पडू लागली. त्यातून करोना रुग्णांना शहरातील रुग्णालयांत वेळेवर खाटा अथवा ऑक्सिजन, व्हेंटिलेटर उपलब्ध होऊ न शकल्याने काहींना जीव गमवावा लागला. त्यामुळे करोनाच्या वाढत्या रुग्णसंख्येला सामोरे जाण्यासाठी शहराच्या वेगवेगळ्या भागांमध्ये तीन जंबो रुग्णालये उभारण्याचे आदेश मुख्यमंत्री उद्धव ठाकरे यांना द्यावे लागले. शहरातील सक्रिय रुग्णांची संख्या सध्या १७ हजारांवर पोहोचल्याने आगामी काळात सर्वांना योग्य प्रमाणात खाटा आणि ऑक्सिजन/व्हेंटिलेटर मिळावे, यासाठीच जंबो रुग्णालयांची निर्मिती केली जाणार आहे. येत्या १५ ऑगस्टपर्यंत त्यांचे काम पूर्ण करण्याचे उद्दिष्ट आहे.
शहरात जुलैमध्ये रुग्णसंख्या आणि करोना मृत्यूंमध्ये सर्वाधिक वाढ झाल्याचे दिसून आले असले, तरी योग्य उपचारांनंतर करोनामुक्त होणाऱ्या रुग्णांचे प्रमाण लक्षणीय आहे. जूनपर्यंतच्या पहिल्या चार महिन्यांत १० हजार नागरिकांनी करोनावर मात केली होती. जुलैमध्ये २५ हजार नागरिक करोनातून बरे झाल्याने शहरात आतापर्यंत बऱ्या झालेल्यांची संख्या ३५ हजारांवर पोहोचली आहे.
शहरातील करोनाबाधित रुग्ण
तारीख रुग्णसंख्या सक्रिय रुग्ण करोनामुक्त मृत्यू
३० जून १७,२२८ ६,१३४ १०,४५१ ६४३
१५ जुलै ३०,५२३ १०,०६४ १९,५७० ८८९
३१ जुलै ५४,२५५ १७,८२० ३५,१२३ १,३१२
महिन्यात दीड लाख चाचण्या
शहरामध्ये जूनअखेरपर्यंत एक लाख १५ हजार चाचण्या घेण्यात आल्या होत्या. जुलैमध्ये घेण्यात आलेल्या दहा दिवसांच्या लॉकडाउनमध्ये चाचण्यांची संख्या मोठ्या प्रमाणात वाढविण्यात आली. स्वॅबसह अँटिजेन चाचण्यांमुळे करोनाबाधितांचे निदान लवकर व्हायला लागले. जुलैच्या संपूर्ण महिन्यात महापालिकेने दीड लाखांहून अधिक चाचण्या घेतल्या आहेत. ३१ जुलैपर्यंत शहरातील एकूण चाचण्यांची संख्या पावणेतीन लाखांवर पोहोचली.