म. टा. प्रतिनिधी, पुणे
पुणे-मुंबई रेल्वे मार्गावर मंकी हिल ते कर्जत या दरम्यान 'अप लाइन'च्या देखभाल दुरुस्तीसाठी १६ ते २० जानेवारी या कालावधीत ब्लॉक घेण्यात येणार आहे. त्यामुळे पुणे-पनवेल पॅसेंजरसह चार गाड्या रद्द करण्यात आल्या असून, दोन गाड्यांच्या सेवेवर परिणाम होणार आहे.
पुणे-पनवेल आणि पनवेल-पुणे पॅसेंजर रद्द केली आहे. तर, आठवड्यातून तीन दिवस धावणारी मुंबई-पंढरपूर (५१००२७) एक्स्प्रेस १६ ते १८ जानेवारीला रद्द केली आहे. तर, पंढरपूर-मुंबई एक्स्प्रेस १७ ते १९ जानेवारी या कालावधीत रद्द केली आहे. मुंबई-विजापूर-मुंबई (५१०२९/५१०३०) ही गाडी १५, १६ आणि २० जानेवारी रोजी रद्द करण्यात आली आहे. भुसावळ-पुणे-भुसावळ एक्स्प्रेस १६ ते २० जानेवारी या कालावधीत दौंड-मनमाडमार्गे धावणार आहे. तर, मुंबई-कोल्हापूर-मुंबई ही गाडी कोल्हापूर ते पुणे या दरम्यान धावणार आहे. या बदलाची प्रवाशांनी नोंद घेऊन प्रवासाचे नियोजन करावे, असे आवाहन रेल्वे प्रशासनाने केले आहे.