म. टा. प्रतिनिधी, पुणे शहरातील प्रलंबित प्रकल्पांसाठी कोट्यवधींच्या निधीच्या वर्गीकरणाचा प्रस्ताव प्रशासनानेच सादर केला असताना, महापालिकेचे पहिले आयुक्त स. गो. बर्वे यांच्या पुतळ्यासाठी मात्र निधीच उपलब्ध नसल्याची धक्कादायक बाब समोर आली आहे. बर्वे यांच्या पुतळ्यासाठी तरतूद उपलब्ध असतानाही, भवन विभागाकडून चुकीची माहिती दिली जात असल्याचा आरोप माजी उपमहापौर आबा बागूल यांनी केला. महापालिकेच्या मुख्य इमारतीसमोरील उद्यानाच्या नूतनीकरणाचे काम गेल्या काही महिन्यांपासून सुरू आहे. या उद्यानात शहराचे पहिले महापौर बाबूराव सणस आणि पहिले आयुक्त स. गो. बर्वे यांचे पुतळे बसविले जाणार आहेत. तसेच, महात्मा फुले यांच्या पुतळ्यापाशी हायड्रोलिक शिडी बसविण्यात येणार आहे. ही सर्व कामे अजून अपूर्ण असून, ती तातडीने पूर्ण केली जावीत, अशी मागणी बागूल यांनी केली. बाबूराव सणस यांचा पुतळा यापूर्वीच महापालिकेला प्राप्त झाला आहे; परंतु बर्वे यांच्या पुतळ्यासाठी तरतूद नसल्याचा कांगावा भवन विभागातर्फे केला जात असल्याची टीका बागूल यांनी केली. संपूर्ण प्रकल्पासाठी आवश्यक असलेल्या निधीमध्ये पुतळ्याची तरतूदही करून ठेवण्यात आली होती. त्यामुळे त्यासाठीचा आवश्यक निधी त्वरेने उपलब्ध करून द्यावा, अशी मागणी बागूल यांनी आयुक्तांकडे केली आहे.
‘बर्वे पुतळ्यासाठी निधीच नाही’
शहरातील प्रलंबित प्रकल्पांसाठी कोट्यवधींच्या निधीच्या वर्गीकरणाचा प्रस्ताव प्रशासनानेच सादर केला असताना, महापालिकेचे पहिले आयुक्त स. गो. बर्वे यांच्या पुतळ्यासाठी मात्र निधीच उपलब्ध नसल्याची धक्कादायक बाब समोर आली आहे. बर्वे यांच्या पुतळ्यासाठी तरतूद उपलब्ध असतानाही, भवन विभागाकडून चुकीची माहिती दिली जात असल्याचा आरोप माजी उपमहापौर आबा बागूल यांनी केला.
महाराष्ट्र टाइम्स.कॉम 2 Jul 2016, 4:15 am
म. टा. प्रतिनिधी, पुणे शहरातील प्रलंबित प्रकल्पांसाठी कोट्यवधींच्या निधीच्या वर्गीकरणाचा प्रस्ताव प्रशासनानेच सादर केला असताना, महापालिकेचे पहिले आयुक्त स. गो. बर्वे यांच्या पुतळ्यासाठी मात्र निधीच उपलब्ध नसल्याची धक्कादायक बाब समोर आली आहे. बर्वे यांच्या पुतळ्यासाठी तरतूद उपलब्ध असतानाही, भवन विभागाकडून चुकीची माहिती दिली जात असल्याचा आरोप माजी उपमहापौर आबा बागूल यांनी केला. महापालिकेच्या मुख्य इमारतीसमोरील उद्यानाच्या नूतनीकरणाचे काम गेल्या काही महिन्यांपासून सुरू आहे. या उद्यानात शहराचे पहिले महापौर बाबूराव सणस आणि पहिले आयुक्त स. गो. बर्वे यांचे पुतळे बसविले जाणार आहेत. तसेच, महात्मा फुले यांच्या पुतळ्यापाशी हायड्रोलिक शिडी बसविण्यात येणार आहे. ही सर्व कामे अजून अपूर्ण असून, ती तातडीने पूर्ण केली जावीत, अशी मागणी बागूल यांनी केली. बाबूराव सणस यांचा पुतळा यापूर्वीच महापालिकेला प्राप्त झाला आहे; परंतु बर्वे यांच्या पुतळ्यासाठी तरतूद नसल्याचा कांगावा भवन विभागातर्फे केला जात असल्याची टीका बागूल यांनी केली. संपूर्ण प्रकल्पासाठी आवश्यक असलेल्या निधीमध्ये पुतळ्याची तरतूदही करून ठेवण्यात आली होती. त्यामुळे त्यासाठीचा आवश्यक निधी त्वरेने उपलब्ध करून द्यावा, अशी मागणी बागूल यांनी आयुक्तांकडे केली आहे.