पुणे : शिवकालीन इतिहासावर आधारित चित्रपटांमध्ये इतिहासाची मोडतोड केली जात असल्याचा आरोप करत संभाजीराजे छत्रपती यांनी आक्रमक भूमिका घेतली. यासंदर्भात त्यांनी काल पुणे इथे पत्रकार परिषद घेत आक्रमक इशाराही दिला आहे. 'ऐतिहासिक चित्रपटांमध्ये इतिहासाची मोडतोड केली जात आहे. अशा स्वरूपाच्या चित्रपटांमध्ये इतिहासाचा विपर्यास करण्यात येत असून, 'हर हर महादेव' आणि 'वेडात मराठे वीर दौडले सात' या दोन चित्रपटांवर आक्षेप आहे,' असं संभाजीराजे छत्रपती यांनी रविवारी पत्रकार परिषदेत सांगितले. इतिहासाची मोडतोड कराल तर माझ्याशी गाठ आहे, असा आक्रमक पवित्रा त्यांनी घेतला. यावेळी बोलताना संभाजीराजेंनी खासदार उदयनराजे भोसले यांच्यासोबतच्या ट्युनिंगवरही भाष्य केलं आहे.
'माझा आणि उदयनराजेंचा या चित्रपटांना पाठिंबा असल्याचं खोटं चित्र काही निर्मात्यांनी उभं केलं. मात्र आम्ही दोघे अशा चित्रपटांविरोधात आहोत. दोघांचेही ट्युनिंग चांगले आहे. त्यांचे मत मला मान्य असते आणि माझे मतही त्यांना मान्य असते. या विषयावर आम्ही दोघेही कट्टर आहोत,' असं संभाजीराजेंनी स्पष्ट केलं आहे.
''हर हर महादेव' चित्रपटामध्ये इतिहासाची मोडतोड करण्यात आली आहे. या चित्रपटात इतिहासाचा विपर्यास केला आहे. असे चित्रपट आपण लोकांपुढे घेऊन जायचे का? 'सिनेमॅटिक लिबर्टी'च्या नावाखाली चित्रपटात काहीही दाखवायचे? स्वातंत्र्य असले तरी इतिहासाचा गाभा सोडून हे लोक चित्रपट निर्मिती करत आहेत,' असा प्रश्न संभाजीराजेंनी उपस्थित केला.
'वेडात मराठे वीर दौडले सात' या चित्रपटातील कलाकारांचे छायाचित्र दाखवून संभाजीराजे छत्रपती म्हणाले, 'त्यांचा पोषाख पाहिल्यानंतर हे काय मावळे वाटतात का, असा प्रश्न पडतो. दौऱ्यामध्ये असल्यामुळे मी अजून 'हर, हर, महादेव' चित्रपट पाहिला नाही. चांगले चित्रपट केले, तर मी स्वतः दिग्दर्शकाला कौतुकाची थाप देईन; पण इतिहासाची मोड तोड केली तर गाठ माझ्याशी आहे.'
दरम्यान, या प्रकरणी चित्रपट निर्माते, मुख्यमंत्री, उपमुख्यमंत्री आणि सेन्सॉर बोर्डाला पत्र पाठवणार असून, गरज पडल्यास व्यक्तीश: भेट घेईन, असेही संभाजीराजेंनी स्पष्ट केले.
'ऐतिहासिक चित्रपटांसाठी समिती हवी'
छत्रपती शिवाजी महाराजांची पुस्तके वाचत नाही, ही आपलीदेखील चूक आहे. त्यामुळे हे लोक इतिहासाची मोडतोड करून आपल्या समोर मांडतात. सेन्सॉर बोर्डामध्ये ऐतिहासिक चित्रपटांसाठी समिती असावी, अशी केंद्र आणि राज्य सरकारकडे माझी मागणी आहे, असे संभाजीराजे छत्रपती यांनी म्हटलं आहे.
'माझा आणि उदयनराजेंचा या चित्रपटांना पाठिंबा असल्याचं खोटं चित्र काही निर्मात्यांनी उभं केलं. मात्र आम्ही दोघे अशा चित्रपटांविरोधात आहोत. दोघांचेही ट्युनिंग चांगले आहे. त्यांचे मत मला मान्य असते आणि माझे मतही त्यांना मान्य असते. या विषयावर आम्ही दोघेही कट्टर आहोत,' असं संभाजीराजेंनी स्पष्ट केलं आहे.
''हर हर महादेव' चित्रपटामध्ये इतिहासाची मोडतोड करण्यात आली आहे. या चित्रपटात इतिहासाचा विपर्यास केला आहे. असे चित्रपट आपण लोकांपुढे घेऊन जायचे का? 'सिनेमॅटिक लिबर्टी'च्या नावाखाली चित्रपटात काहीही दाखवायचे? स्वातंत्र्य असले तरी इतिहासाचा गाभा सोडून हे लोक चित्रपट निर्मिती करत आहेत,' असा प्रश्न संभाजीराजेंनी उपस्थित केला.
'वेडात मराठे वीर दौडले सात' या चित्रपटातील कलाकारांचे छायाचित्र दाखवून संभाजीराजे छत्रपती म्हणाले, 'त्यांचा पोषाख पाहिल्यानंतर हे काय मावळे वाटतात का, असा प्रश्न पडतो. दौऱ्यामध्ये असल्यामुळे मी अजून 'हर, हर, महादेव' चित्रपट पाहिला नाही. चांगले चित्रपट केले, तर मी स्वतः दिग्दर्शकाला कौतुकाची थाप देईन; पण इतिहासाची मोड तोड केली तर गाठ माझ्याशी आहे.'
दरम्यान, या प्रकरणी चित्रपट निर्माते, मुख्यमंत्री, उपमुख्यमंत्री आणि सेन्सॉर बोर्डाला पत्र पाठवणार असून, गरज पडल्यास व्यक्तीश: भेट घेईन, असेही संभाजीराजेंनी स्पष्ट केले.
'ऐतिहासिक चित्रपटांसाठी समिती हवी'
छत्रपती शिवाजी महाराजांची पुस्तके वाचत नाही, ही आपलीदेखील चूक आहे. त्यामुळे हे लोक इतिहासाची मोडतोड करून आपल्या समोर मांडतात. सेन्सॉर बोर्डामध्ये ऐतिहासिक चित्रपटांसाठी समिती असावी, अशी केंद्र आणि राज्य सरकारकडे माझी मागणी आहे, असे संभाजीराजे छत्रपती यांनी म्हटलं आहे.