म. टा. प्रतिनिधी, पिंपरी
पिंपरी-चिंचवड महापालिकेतर्फे महिला पोलिसांना सॅनिटरी नॅपकीन पुरविण्यात येणार आहेत. त्यासाठी शहरातील सर्वच पोलिस स्टेशन व चौक्यांमध्ये सॅनिटरी नॅपकीन व्हेडींग व डिस्पोजल मशिन बसविण्यात येणार आहेत. नुकत्याच झालेल्या सर्वसाधारण सभेत उपसूचनेद्वारे या विषयास मान्यता देण्यात आली. आमदार महेश लांडगे हे भोसरी विधानसभा मतदार संघातील सर्व पोलिस ठाणी आणि सर्व चौक्यांमध्ये महिला पोलिसांसाठी चेजिंग रूम व स्वतंत्र स्वच्छतागृह बांधून देणार आहेत.
शहर पोलिस दलातील महिला कर्मचारी-अधिकाऱ्यांसाठी स्वतंत्र स्वच्छतागृह आणि चेंजिंग रूम नसल्याची बाब 'मटा'ने उजेडात आणली. त्यानंतर पुणे आणि पिंपरी-चिंचवड महापालिकेतील महिला बालकल्याण समितीकडून पोलिसांसाठी नॅपकीन व्हेंडिंग मशिन बसवून देणार असल्याचे सांगितले होते. त्यावर पिंपरी-चिंचवड महापालिका बालकल्याण समितीने ठराव मंजूर करून तो सर्वसाधारण सभेपुढे ठेवला होता. त्याला देखील आता मंजुरी देण्यात आली आहे.
पोलिसदलात पुणे आणि पिंपरी-चिंचवड परिसरात २२४५ महिला कर्मचारी-अधिकारी कार्यरत आहेत. त्या काम करीत असलेल्या पोलिस ठाणे, चौकी, कार्यालय अथवा अन्य विभागात स्वतंत्र स्वच्छतागृहाची व्यवस्था नाही. त्यामुळे पोलिस कर्मचारी-अधिकाऱ्यांना अनेक गंभीर आजाराला तोंड द्यावे लागत आहे. ही बाब 'मटा'ने उजेडात आणली. त्यानंतर पोलिस दलात याबाबत मोठी चर्चा झाली होती.
कायदा व सुव्यवस्था कायम ठेवण्यासाठी पिंपरी-चिंचवड शहरामध्ये पोलिस दल कार्यरत आहे. त्यामध्ये महिला पोलिसांची संख्या लक्षणीय आहे. परंतु, शहरातील बऱ्याचशा पोलिस स्टेशन व चौक्यांमध्ये महिला पोलिसांसाठी स्वतंत्र शौचालयाची व्यवस्था उपलब्ध नाही. जेव्हा शहरामध्ये विविध सण-समारंभ, सोहळे, महापुरुषांच्या जयंत्या, अनेक सार्वजनिक कार्यक्रम असतात, तेव्हा अन्य पोलिसांबरोबर महिला पोलिसांनाही चोवीस-चोवीस तास 'ऑन ड्यूटी' राहावे लागते. सार्वजनिक शौचालय नसल्यामुळे खासगी शौचालयांचा वापर करण्यासाठी विनवणी करावी लागते. काही ठिकाणी तिही सोय नसल्यामुळे महिला पोलिसांच्या आरोग्याचा गंभीर प्रश्न निर्माण होतो. मासिक पाळीच्या काळात ही परिस्थिती अधिकच गंभीर असते, असे हा ठराव मांडताना राष्ट्रवादी काँग्रेसच्या नगरसेविका सुलक्षणा शिलवंत-धर व निकिता कदम यांनी सभागृहाच्या निदर्शनास आणले होते.
सर्वसाधारण सभेत मान्यता
पिंपरी-चिंचवड महापालिकेतर्फे महिला पोलिसांना सॅनिटरी नॅपकीन पुरविण्याचा निर्णय घेण्यात आला आहे. सध्या महापालिकेतर्फे शहरातील महाविद्यालये, शाळा आदी ठिकाणी मुली, विद्यार्थिनींसाठी सॅनिटरी नॅपकीन पुरविण्यात येत आहेत. त्याच धर्तीवर महिला पोलिसांनाही ही सुविधा उपलब्ध करून देण्याचा निर्णय महापालिकेतर्फे घेण्यात आला आहे. त्यासाठी पिंपरी-चिंचवड शहरातील सर्वच पोलिस स्टेशन आणि चौक्यांमध्ये सॅनिटरी नॅपकीन व्हेंडींग मशिन व डिस्पोजल मशिन बसविण्यात येणार आहेत. नुकत्याच झालेल्या सर्वसाधारण सभेत उपसूचनेद्वारे या विषयास मान्यता देण्यात आली.
पिंपरी-चिंचवड महापालिकेतर्फे महिला पोलिसांना सॅनिटरी नॅपकीन पुरविण्यात येणार आहेत. त्यासाठी शहरातील सर्वच पोलिस स्टेशन व चौक्यांमध्ये सॅनिटरी नॅपकीन व्हेडींग व डिस्पोजल मशिन बसविण्यात येणार आहेत. नुकत्याच झालेल्या सर्वसाधारण सभेत उपसूचनेद्वारे या विषयास मान्यता देण्यात आली. आमदार महेश लांडगे हे भोसरी विधानसभा मतदार संघातील सर्व पोलिस ठाणी आणि सर्व चौक्यांमध्ये महिला पोलिसांसाठी चेजिंग रूम व स्वतंत्र स्वच्छतागृह बांधून देणार आहेत.
शहर पोलिस दलातील महिला कर्मचारी-अधिकाऱ्यांसाठी स्वतंत्र स्वच्छतागृह आणि चेंजिंग रूम नसल्याची बाब 'मटा'ने उजेडात आणली. त्यानंतर पुणे आणि पिंपरी-चिंचवड महापालिकेतील महिला बालकल्याण समितीकडून पोलिसांसाठी नॅपकीन व्हेंडिंग मशिन बसवून देणार असल्याचे सांगितले होते. त्यावर पिंपरी-चिंचवड महापालिका बालकल्याण समितीने ठराव मंजूर करून तो सर्वसाधारण सभेपुढे ठेवला होता. त्याला देखील आता मंजुरी देण्यात आली आहे.
पोलिसदलात पुणे आणि पिंपरी-चिंचवड परिसरात २२४५ महिला कर्मचारी-अधिकारी कार्यरत आहेत. त्या काम करीत असलेल्या पोलिस ठाणे, चौकी, कार्यालय अथवा अन्य विभागात स्वतंत्र स्वच्छतागृहाची व्यवस्था नाही. त्यामुळे पोलिस कर्मचारी-अधिकाऱ्यांना अनेक गंभीर आजाराला तोंड द्यावे लागत आहे. ही बाब 'मटा'ने उजेडात आणली. त्यानंतर पोलिस दलात याबाबत मोठी चर्चा झाली होती.
कायदा व सुव्यवस्था कायम ठेवण्यासाठी पिंपरी-चिंचवड शहरामध्ये पोलिस दल कार्यरत आहे. त्यामध्ये महिला पोलिसांची संख्या लक्षणीय आहे. परंतु, शहरातील बऱ्याचशा पोलिस स्टेशन व चौक्यांमध्ये महिला पोलिसांसाठी स्वतंत्र शौचालयाची व्यवस्था उपलब्ध नाही. जेव्हा शहरामध्ये विविध सण-समारंभ, सोहळे, महापुरुषांच्या जयंत्या, अनेक सार्वजनिक कार्यक्रम असतात, तेव्हा अन्य पोलिसांबरोबर महिला पोलिसांनाही चोवीस-चोवीस तास 'ऑन ड्यूटी' राहावे लागते. सार्वजनिक शौचालय नसल्यामुळे खासगी शौचालयांचा वापर करण्यासाठी विनवणी करावी लागते. काही ठिकाणी तिही सोय नसल्यामुळे महिला पोलिसांच्या आरोग्याचा गंभीर प्रश्न निर्माण होतो. मासिक पाळीच्या काळात ही परिस्थिती अधिकच गंभीर असते, असे हा ठराव मांडताना राष्ट्रवादी काँग्रेसच्या नगरसेविका सुलक्षणा शिलवंत-धर व निकिता कदम यांनी सभागृहाच्या निदर्शनास आणले होते.
सर्वसाधारण सभेत मान्यता
पिंपरी-चिंचवड महापालिकेतर्फे महिला पोलिसांना सॅनिटरी नॅपकीन पुरविण्याचा निर्णय घेण्यात आला आहे. सध्या महापालिकेतर्फे शहरातील महाविद्यालये, शाळा आदी ठिकाणी मुली, विद्यार्थिनींसाठी सॅनिटरी नॅपकीन पुरविण्यात येत आहेत. त्याच धर्तीवर महिला पोलिसांनाही ही सुविधा उपलब्ध करून देण्याचा निर्णय महापालिकेतर्फे घेण्यात आला आहे. त्यासाठी पिंपरी-चिंचवड शहरातील सर्वच पोलिस स्टेशन आणि चौक्यांमध्ये सॅनिटरी नॅपकीन व्हेंडींग मशिन व डिस्पोजल मशिन बसविण्यात येणार आहेत. नुकत्याच झालेल्या सर्वसाधारण सभेत उपसूचनेद्वारे या विषयास मान्यता देण्यात आली.