पुणे : घोडेगाव येथे स्कूल बसचा भीषण अपघात झाला आहे. या अपघातात ५ विद्यार्थी गंभीर तर ३९ विद्यार्थी जखमी झाले आहेत. ५ विद्यार्थी गंभीर जखमी असल्यामुळे त्यांना उपचारास पुणे येथे हलवण्यात आले आहे. वाहनचालकाचा बस वरील ताबा सुटल्याने बस दरीत कोसळली. ही सर्व विद्यार्थी पिंपळगाव घोडे येथील मुक्ताई प्रशालेचे आहेत. सर्व विद्यार्थी आयुका दुर्बीण पाहण्यासाठी गेले असताना हा भीषण अपघात घडला. या बसमध्ये तब्बल ४४ विद्यार्थी करत होते. (Pune Ghodegaon News)
ही मुले आयुका केंद्रावर दुर्बीण पाहण्यासाठी शालेय अभ्यासासाठी साठी गेले होते. अपघात मोठा होता परंतु सागाची झाले असल्याने सुदैवाने अनर्थ टळला. ३ मोठी झाडे तोडून ही बस दरीत कोसळली. घटनास्थळी पोलीस निरीक्षक जीवन माने यांनी पोलिसांच्या मदतीने व स्थानिक ग्रामस्थांच्या मदतीने मुले बाहेर काढून घोडेगाव व मंचर येथील दवाखान्यात हलवले. आंबेगाव विद्या विकास मंडळ या संस्थेच्या पदाधिकारींनी देखील घटनास्थळी दाखल होऊन मदत केली. (Pune Latest Accident News)