वडिलांसोबत तृप्ती शाळेसाठी निघाली पण वाटेत मृत्यूने गाठलं, क्षणात झालं होत्याचं नव्हतं

बारामती : रस्ते बांधकामावरील खडीने भरलेल्या डंपरने दुचाकीला पाठीमागून धडक दिल्याने शाळेत निघालेल्या १२ वर्षीय शाळकरी मुलीचा जागीच मृत्यू झाला. इंदापूर तालुक्यातील मौजे काठी गावामध्ये ही दुर्दैवी घटना घडली. तृप्ती नाना कदम असे मृत्युमुखी पडलेल्या विद्यार्थिनीचे नाव आहे. वाहन चालक विनोद महादेव जवरे (वय ४० वर्ष रा.खैरा जि. यवतमाळ ) याला पोलिसांनी ताब्यात घेतले आहे.

नानासाहेब कदम (रा.शेटफळ हवेली ता. इंदापूर) हे सकाळी दहा वाजेदरम्यान बुलेट मोटारसायकल (क्र.एम.एच ४२ ए.व्ही ३७६४) वरून कृष्णा (वय ११ वर्षे) व तृप्ती (वय १२ वर्षे) या मुलांना घेऊन शाळेत सोडण्यासाठी निघाले होते. यावेळी रस्ते बांधकामावरील खडीने भरलेल्या डंपने वाहन (क्र.एम.एच ४२ टी १६५३) ने पाठीमागून कदम यांच्या बुलेटला धडक मारली. या अपघातात तृप्तीचा ट्रकच्या मागच्या चाकाखाली सापडून जागीच मृत्यू झाला. तर नानासाहेब कदम, कृष्णा कदम हे किरकोळ जखम झाले.

Pune Crime: पुण्यात २ गटांमध्ये वाद; भरस्त्यात फ्री स्टाईल हाणामारीचा Video व्हायरल

दरम्यान, अपघाताच्या घटनेनंतर संतप्त जमावाने ट्रक पेटवून दिला होता. सदर घटनेची माहिती मिळताच पोलीस घटनास्थळी दाखल झाले. अग्निशमन दलाच्या वाहनाच्या मदतीने डंपरला लावलेली आग नियंत्रणात आणण्यात आली.

छोट्या बसमुळे प्रवाशांची कोंडी, दाटीवाटीत प्रवास करण्याची वेळ