पुणे : पुणे इंटरनॅशनल सेंटर (पीआयसी) तर्फे शुक्रवार आणि शनिवारी (८ व ९ डिसेंबर) 'पुणे डायलॉग ऑन नॅशनल सिक्युरिटी' (पीडीएनएस) या राष्ट्रीय सुरक्षा परिषदेचे आयोजन करण्यात आले आहे. 'पीआयसी'तर्फे आयोजित ही सलग पाचवी सुरक्षा परिषद असून, यामध्ये संरक्षणतज्ज्ञ सहभागी होणार आहेत. परिषदेचा अहवाल केंद्र सरकार व इतर यंत्रणांना पाठवला जाणार आहे. पंतप्रधान नरेंद्र मोदी यांनी 'शांग्रिला डायलॉग' येथील भाषणात नमूद केलेल्या मुद्द्यांवर आधारित 'इंडो- पॅसिफिक' या विषयावर पहिल्या दिवशी, तर दुसऱ्या
दिवशी 'आर्थिक व हवामान सुरक्षा' यावर चर्चा होईल. माजी नौदल प्रमुख, माजी हवाई दल प्रमुख, माजी राजनैतिक अधिकारी, अर्थतज्ज्ञ, गुप्तचर विभागातील माजी अधिकारी, सुरक्षा सल्लागार आदी परिषदेत सहभागी होणार आहे. परिषद केवळ निमंत्रितांसाठीच आहे.