म. टा. प्रतिनिधी, पुणे केंद्र सरकारच्या महत्त्वाकांक्षी 'स्टँड अप इंडिया' या मोहिमेच्या अंमलबजावणीसाठी स्वावलंबन संकल्प अभियान राबविण्यात येणार आहे. या अभियानांतर्गत देशात सिडबी, एससी-एसटी हब आणि दलित चेंबर ऑफ कॉमर्स अँड इंडस्ट्रीजच्या (डिक्की) वतीने ३० कार्यक्रमांचे आयोजन करण्यात येत आहे. या अंतर्गत आज, मंगळवारी २५ फेब्रुवारी रोजी अल्पबचत भवन येथे सकाळी १० ते सायंकाळी पाचपर्यंत स्वावलंबन संकल्प अभियान राबविण्यात येणार आहे. या अभियानात तरुण-तरुणींना केंद्र सरकारचे प्रतिनिधी, कार्यक्रम अधिकारी, बँकांचे अधिकारी मार्गदर्शन करणार आहेत. 'या अभियानाच्या उद्घाटनप्रसंगी जिल्हाधिकारी नवल किशोर राम, 'डिक्की'चे अध्यक्ष डॉ. मिलिंद कांबळे, सदाशिव सुरवसे, अजितनाथ झा आदी उपस्थित राहणार आहेत,' अशी माहिती 'डिक्की'चे सचिव सुशील कदम यांनी दिली.
स्वावलंबन संकल्प
म टा प्रतिनिधी, पुणेकेंद्र सरकारच्या महत्त्वाकांक्षी 'स्टँड अप इंडिया' या मोहिमेच्या अंमलबजावणीसाठी स्वावलंबन संकल्प अभियान राबविण्यात येणार आहे...
महाराष्ट्र टाइम्स.कॉम 25 Feb 2020, 4:00 am