म. टा. प्रतिनिधी, पुणे
परदेशात जाऊन वैद्यकीय शिक्षण घेऊ इच्छिणाऱ्या विद्यार्थ्यांना योग्य मार्गदर्शन मिळावे, या हेतूने 'महाराष्ट्र टाइम्स'च्या 'प्लॅनेट कॅम्पस' या उपक्रमांतर्गत 'परदेशातून एमबीबीएस : समज, गैरसमज' या विषयावरील सेमिनारचे आयोजन करण्यात आले आहे. 'फ्युचर डॉक्टर एज्युकेशनल सर्व्हिसेस'चे संचालक डॉ. अमित बोराडे या वेळी मार्गदर्शन करतील. बृहन्महाराष्ट्र कॉलेज ऑफ कॉमर्समध्ये (बीएमसीसी) ३० जून रोजी सकाळी ११ वाजता हे सेमिनार होईल.
वैद्यकीय शिक्षणासाठी अभ्यासातील मेहनत महत्त्वाची आहेच; पण मेहनतीबरोबर आपण शिक्षण घेत असलेले कॉलेजही चांगले असणे महत्त्वाचे आहे. अनेक विद्यार्थ्यांना परदेशात जाऊन अद्ययावत तंत्रज्ञानातील वैद्यकीय शिक्षण घेण्याची इच्छा असते; परंतु माहितीच्या अभावामुळे किंवा काही गैरसमजांमुळे विद्यार्थी या संधींपासून माघार घेतात. मात्र, योग्य मार्गदर्शन, माहिती असेल, तर चांगल्या कॉलेजांमध्ये वैद्यकीय शिक्षणासाठी प्रवेश घेणे विद्यार्थ्याच्या हिताचे ठरू शकते. या अनुषंगाने या सेमिनारमध्ये परदेशातील वैद्यकीय शिक्षणाबाबत असलेले समज, गैरसमज, करिअर, संधी, सुरक्षितता, होस्टेल, मेस, परदेशातील अभ्यासपद्धती, शुल्काची रचना आदी विषयांवर मार्गदर्शन करण्यात येणार आहे. त्यामुळे सर्वसमावेशक माहिती या सेमिनारमधून मिळू शकणार आहे. विद्यार्थ्यांनी या सेमिनारसाठी येताना बारावी व नीट परीक्षेची गुणपत्रिका घेऊन यावी.
सेमिनारविषयी...
कधी : ३० जून
कुठे : बीएमसीसी
किती वाजता : सकाळी ११