सेनेची घोडदौड सुरुच राहणार
खासदार संजय जाधव यांचा विश्वास
परभणी - शिवसेना हा केवळ राजकीय पक्ष नसून एक धगधगता विचार आहे. शिवसेनाप्रमुखांचे ज्वलंत विचार व कार्यकर्ता ताकदीवर शिवसेनेला यशापासून कोणीही रोखू शकणार नाही. शिवसेना प्रमुखांचा विचार महाराष्ट्रातील घराघरात पोहचलेला आहे. या विचाराला शिवसैनिकांसोबत हितचिंतकांची ताकद जोडल्यास आगामी निवडणुकांमध्ये विजयी घोडदौड निश्चित आहे, असा विश्वास खासदार संजय जाधव यांनी शनिवारी (३ नोंव्हेबर) व्यक्त केला.
येथील अक्षदा मंगल कार्यालयात परभणी विधानसभा कार्यकर्ता प्रशिक्षण शिबीराच्या उदघाटनपर भाषणात खासदार संजय जाधव बोलत होते. व्यासपीठावर मार्गदर्शक राम भोजने, जिल्हाप्रमुख विशाल कदम, विधानसभा प्रमुख माणिक पोंढे पाटील, युवा अधिकारी अर्जुन सामाले, अतुल सरोदे, महिला जिल्हा संघटक सखुबाई लटपटे, संजय सारणीकर, सदाशिव देशमुख, तालुका प्रमुख नंदु आवचार, सोपानराव आवचार,
सविता मठपती, कुसूम पिल्लेवाड यांची उपस्थिती होती.
पुढे बोलतांना खासदार संजय जाधव म्हणाले, 'सामान्य कार्यकर्त्यांना व्यासपीठ देणारा पक्ष शिवसेना आहे. शिवसेना प्रमुखांच्या ज्वलंत विचारावर येथील मतदार व कार्यकर्ता प्रभावीत झालेला आहे. १९९० पासून ते आजतागायत ही विधानसभा तर १९८९ पासून लोकसभा शिवसेनेच्या ताब्यात आहे. ती कायम अशीच राहणार आहे. सर्वांनी प्रामाणिकपणे आप-आपली जबाबदारी स्वीकारून ते पूर्ण केल्यास यश आपलेच आहे, असा विश्वासही त्यांनी यावेळी व्यक्त केला.
मुख्य मार्गदर्शक राम भोजने म्हणाले, 'सर्व सामान्य कार्यकर्ता हा पक्षाची ताकद आहे. कार्यकर्त्याच्या बळावरच पक्ष उभा आहे. एका कार्यकर्त्यांने २५ हितचिंतक सोबत घ्यावे. शिवसेनेचा गोतावळा मोठा आहे. त्याला हितचिंतकाची जोड मिळाल्यास यशाचा मार्ग प्रशस्त होऊ शकतो. आगामी काळात पक्ष बुथ समित्याची आखणी करणार आहे. त्यासाठी कार्यकर्त्यांनी सज्ज रहावे असे आवाहन भोजने यांनी यावेळी केले. वेळी परभणी विधान सभेतील पदाधिकारी व कार्यक मोठ्या संखेने उपस्थित होते. शिवसेनेच्यावतीने असे शिबीरे जिल्ह्यातील चार ही विधानसभा मतदार संघात आयोजित केली आहेत.