धानोरी रोडवरील अंबानगरी सोसायटीतील घटना
म. टा. प्रतिनिधी, येरवडा
एकट्या राहणाऱ्या ज्येष्ठ महिलेचा तीक्ष्ण हत्याराने गळा चिरून खून केल्याची घटना उघडकीस आली. धानोरी रोडवरील अंबानगरी सोसायटीत शनिवारी रात्री ही घटना घडल्याचा पोलिसांचा अंदाज आहे. खून केल्यानंतर चोर घरातील कपाटातून दीड लाखांचे दागिने घेऊन पसार झाला आहे. त्याला पकडण्यासाठी पोलिसांची सात पथके ठिकठिकाणी पाठविण्यात आली आहेत.
राधा माधवन नायर (वय ७१, रा. फ्लॅट क्रमांक १०, बिल्डिंग क्रमांक १०, अंबानगरी सोसायटी, धानोरी रोड) असे खून झालेल्या महिलेचे नाव आहे. या प्रकरणी राधा नायर यांचा नातू (मुलीचा मुलगा) मेहुल संजय निजवान (वय २१, रा. कॅम्प) यांनी विश्रांतवाडी पोलिसांत फिर्याद दिली आहे.
पोलिसांनी दिलेल्या माहितीनुसार, राधा नायर दिघी रस्त्यावरील विकास व संशोधन संस्थेतून निवृत्त झाल्या होत्या. त्यांचे पती माधवन नायर यांचा मृत्यू झाल्यापासून त्या अंबानगरी सोसायटीतील त्यांच्या फ्लॅटमध्ये एकट्याच राहत होत्या. त्यांचा मुलगा संजय आणि कुटुंबीय कॅम्पमध्ये राहतात. मेहुल आणि त्याचे आई-वडील (राधा नायर यांची मुलगी व जावई) दुपारी जेवणासाठी हॉटेलमध्ये गेले होते. त्या वेळी मेहुलच्या मोठ्या भावाचा, आदितचा मेहुलला फोन आला; त्याने आईशी बोलायचे असल्याचे सांगितले. आईशी बोलताना आदितने आजी फोन उचलत नसल्याचे सांगितले. त्यामुळे जेवणानंतर हे सर्व कुटुंब रात्री साडेदहाला अंबानगरी सोसायटीत आले. त्या वेळी नायर यांच्या घराचा लोखंडी सेफ्टी दरवाजा उघडा होता. मात्र, वारंवार डोअर बेल वाजवूनही दार उघडले गेले नाही. अखेर आदितकडे असलेल्या चावीने त्यांनी दरवाजा उघडला. बेडरूममधील दिवा लावला असता, राधा नायर रक्ताच्या थारोळ्यात पडलेल्या दिसल्या.
खून मालमत्तेसाठी?
राधा आणि त्यांचे पती माधवन नायर दिघी येथील संरक्षण विकास व संशोधन संस्थेत (डीआरडीओ) कामाला होते. माधवन यांच्या मृत्यूनंतर राधा अंबानगरी सोसायटीत एकट्याच राहत होत्या. नायर यांचा शनिवारी फ्लॅटमध्ये गळा कापून खून केल्यानंतर मारेकऱ्याने घरातील दीड लाखांचे दागिने चोरून नेले. मात्र, अवघ्या दीड लाखांच्या दागिन्यांसाठी नायर यांचा खून होईल का, अशी शंका पोलिसांनी व्यक्त केली असून, त्यांचा खून मालमत्तेसाठी झाला असण्याची शक्यता व्यक्त केली आहे.
म. टा. प्रतिनिधी, येरवडा
एकट्या राहणाऱ्या ज्येष्ठ महिलेचा तीक्ष्ण हत्याराने गळा चिरून खून केल्याची घटना उघडकीस आली. धानोरी रोडवरील अंबानगरी सोसायटीत शनिवारी रात्री ही घटना घडल्याचा पोलिसांचा अंदाज आहे. खून केल्यानंतर चोर घरातील कपाटातून दीड लाखांचे दागिने घेऊन पसार झाला आहे. त्याला पकडण्यासाठी पोलिसांची सात पथके ठिकठिकाणी पाठविण्यात आली आहेत.
राधा माधवन नायर (वय ७१, रा. फ्लॅट क्रमांक १०, बिल्डिंग क्रमांक १०, अंबानगरी सोसायटी, धानोरी रोड) असे खून झालेल्या महिलेचे नाव आहे. या प्रकरणी राधा नायर यांचा नातू (मुलीचा मुलगा) मेहुल संजय निजवान (वय २१, रा. कॅम्प) यांनी विश्रांतवाडी पोलिसांत फिर्याद दिली आहे.
पोलिसांनी दिलेल्या माहितीनुसार, राधा नायर दिघी रस्त्यावरील विकास व संशोधन संस्थेतून निवृत्त झाल्या होत्या. त्यांचे पती माधवन नायर यांचा मृत्यू झाल्यापासून त्या अंबानगरी सोसायटीतील त्यांच्या फ्लॅटमध्ये एकट्याच राहत होत्या. त्यांचा मुलगा संजय आणि कुटुंबीय कॅम्पमध्ये राहतात. मेहुल आणि त्याचे आई-वडील (राधा नायर यांची मुलगी व जावई) दुपारी जेवणासाठी हॉटेलमध्ये गेले होते. त्या वेळी मेहुलच्या मोठ्या भावाचा, आदितचा मेहुलला फोन आला; त्याने आईशी बोलायचे असल्याचे सांगितले. आईशी बोलताना आदितने आजी फोन उचलत नसल्याचे सांगितले. त्यामुळे जेवणानंतर हे सर्व कुटुंब रात्री साडेदहाला अंबानगरी सोसायटीत आले. त्या वेळी नायर यांच्या घराचा लोखंडी सेफ्टी दरवाजा उघडा होता. मात्र, वारंवार डोअर बेल वाजवूनही दार उघडले गेले नाही. अखेर आदितकडे असलेल्या चावीने त्यांनी दरवाजा उघडला. बेडरूममधील दिवा लावला असता, राधा नायर रक्ताच्या थारोळ्यात पडलेल्या दिसल्या.
खून मालमत्तेसाठी?
राधा आणि त्यांचे पती माधवन नायर दिघी येथील संरक्षण विकास व संशोधन संस्थेत (डीआरडीओ) कामाला होते. माधवन यांच्या मृत्यूनंतर राधा अंबानगरी सोसायटीत एकट्याच राहत होत्या. नायर यांचा शनिवारी फ्लॅटमध्ये गळा कापून खून केल्यानंतर मारेकऱ्याने घरातील दीड लाखांचे दागिने चोरून नेले. मात्र, अवघ्या दीड लाखांच्या दागिन्यांसाठी नायर यांचा खून होईल का, अशी शंका पोलिसांनी व्यक्त केली असून, त्यांचा खून मालमत्तेसाठी झाला असण्याची शक्यता व्यक्त केली आहे.