ज्येष्ठ महिला
हडपसरमधून बेपत्ता
म. टा. प्रतिनिधी, पुणे
शकिला मुजावर या ५२ वर्षीय महिला हडपसर येथील ड्रीम्स अवनी, शेवाळवाडी येथून बेपत्ता झाल्या आहेत. याबाबत माहिती मिळाल्यास ९८२३०७४३१५ या क्रमांकावर अजीज मुजावर यांच्याशी संपर्क साधावा.
................
नागरिक बेपत्ता
गणेश पेठेतील राहत्या घरातून नितीन पालव हे ४४ वर्षीय इसम बेपत्ता झाले आहेत.त्यांचा पांढऱ्या रंगाचा पूर्ण शर्ट तर चॉकलेटी रंगाची पॅन्ट असा पोशाख असून त्यांची उंची ५ फूट ३ आहे व बांधा मध्यम असल्याचे कळवण्यात आले आहे. याबाबत माहिती मिळाल्यास ९९२१३५२०२१ या क्रमांकावर संपर्क साधावा.
...........
राष्ट्रमाता जिजाऊ पुरस्कार
जिल्हा फेन्सिंग असोसिएशनच्या वतीने विविध क्रीडा प्रकारातील राष्ट्रीय खेळाडूंच्या मातांचा 'राष्ट्रमाता जिजाऊ पुरस्कार' देऊन सन्मान करण्यात आला. याप्रसंगी विजयकांत कोठारी, अलकनंदा सेनगुप्तां, किशोर चव्हाण, शरद चव्हाण, अविनाश दुधाने आदी मान्यवर उपस्थित होते.
...........
नेत्र तपासणी शिबिर
निमी आय केअर ट्रीटमेंट अँड रिसर्च इन आयुर्वेदतर्फे सेवा आरोग्य फाउंडेशनच्या सहकार्याने नेत्रतपासणी शिबिर घेण्यात आले. यात ९० रुग्णांची तपासणी करण्यात आली व गरजूंना चष्मेवाटप करण्यात आले. डॉ. प्रीती अभ्यंकर व डॉ. श्वेता गांधी यांनी नेत्रतपासणी केली.
..........
प्रवचनाचे आयोजन
पर्वती गावातील मारुती मंदिरात ह.भ.प. प्राचार्य सोनोपंत दांडेकर संत वाङ्मय प्रसारक मंडळातर्फे 'संत ज्ञानदेव आणि संत नामदेव अनुबंध' याविषयावरील संगीत प्रवचनाचे आयोजन करण्यात आले होते. मुक्ता गरसोळे-कुलकर्णी यांनी ज्ञानदेव आणि नामदेवांच्या जीवनपट निरुपणाद्वारे उलगडला.
...........
कविता संग्रह प्रकाशित
श्रद्धा प्रकाशनाच्या 'शब्दपालवी' या प्रातिनिधिक कवितासंग्रहाचे प्रकाशन संपन्न झाले. यात २१ कवींच्या निरनिराळ्या विषयांवरील १२६ कवितांचा समावेश करण्यात आला आहे.या प्रसंगी अनुजा कल्याणकर, चारुशीला बेलसरे, ऋतुजा देशपांडे, शरद अत्रे, निर्मला केतकर, लता कुलकर्णी, रमेश भागवत, रवींद्र गाडगीळ, सीमा शिंदे, हेमंत परब आदी उपस्थित होते.
.......