शहजाद पूनावाला यांच्या विधानाने उडाली खळबळ
म. टा. विशेष प्रतिनिधी, पुणे
काँग्रेसच्या अध्यक्षपदाची निवड प्रक्रिया हे फिक्सिंग आहे, अशी टिप्पणी करून पुण्यातील शहजाद पूनावाला यांनी गुरुवारी खळबळ उडवून दिली. पूनावाला हे प्रियांका गांधी-वद्रा यांच्या सासरचे दूरचे नातेवाइक असल्याने त्यावर चर्चा सुरू झाली. मात्र, ते काँग्रेसचे प्राथमिक सदस्यही नाहीत, त्यामुळे त्यांच्या म्हणण्याला किंमत देत नसल्याचा पवित्रा काँग्रेस पक्षाने घेतला आहे.
काँग्रेस अध्यक्षपदाचा निव्वळ देखावा उभा करण्यात येत असून, राहुल गांधींना ‘इलेक्शन’च्या माध्यमातून अध्यक्ष करायचे आहे, की ‘सिलेक्शन’च्या माध्यमातून हे पक्षाने ठरवायला हवे, असे शहजाद यांचे म्हणणे आहे. शहजाद यांना राजकारणात राहुल गांधींनीच संधी दिली होती. काँग्रेस अध्यक्षपदाच्या निवडणुकीची प्रक्रिया उद्यापासून सुरू होत असून, उमेदवारी अर्ज दाखल करण्याची अंतिम तारीख ४ डिसेंबर आहे. ५ डिसेंबरला उमेदवारांच्या अर्जांची छाननी करून रिंगणात असलेल्या उमेदवारांची नावे जाहीर करण्यात येतील. केवळ राहुल गांधींचाच अर्ज दाखल होण्याची चिन्हे आहेत. दरम्यान, काँग्रेसचे प्रवक्ते अभिषेक मनू सिंघवी यांनी पूनावाला यांच्या या म्हणण्यास पक्ष काही किंमत देत नसल्याचे म्हटले आहे.
शहर काँग्रेसकडून निषेध
या प्रकारानंतर पुणे शहर काँग्रेसनेही शहजाद पूनावाला यांचा तीव्र निषेध केला आहे. ‘पूनावाला हे स्वतः निष्क्रिय असून, ते पक्षाचे साधे प्राथमिक सदस्यही नाहीत. अशा व्यक्तीला काँग्रेस पक्षाबद्दल बोलण्याचा कोणताही अधिकार नाही,’ असे शहराध्यक्ष रमेश बागवे यांनी म्हटले आहे. पूनावाला यांचे वक्तव्य पाहता त्यांनी मानसोपचार तज्ज्ञांकडून तपासून घेण्याची गरज आहे, असे त्यांनी नमूद केले.
तेहसीन पूनावालांनी संबंध तोडले
‘शहजाद पूनावाला यांच्या वक्तव्याने मला प्रचंड वेदना होत आहेत. गुजरातमध्ये काँग्रेस आघाडीला मजबूत करण्याची गरज असताना त्याने केलेले हे कृत्य अजिबात स्वीकारार्ह नाही. योग्य व्यासपीठावर तक्रारी मांडायला हव्या. मी आणि माझी पत्नी शहजादशी संबंध तोडत आहोत,’ असे ट्विट शहजाद पूनावाला यांचे बंधू आणि वद्रा घराण्याचे जावई तेहसीन पूनावाला यांनी केले आहे.
म. टा. विशेष प्रतिनिधी, पुणे
काँग्रेसच्या अध्यक्षपदाची निवड प्रक्रिया हे फिक्सिंग आहे, अशी टिप्पणी करून पुण्यातील शहजाद पूनावाला यांनी गुरुवारी खळबळ उडवून दिली. पूनावाला हे प्रियांका गांधी-वद्रा यांच्या सासरचे दूरचे नातेवाइक असल्याने त्यावर चर्चा सुरू झाली. मात्र, ते काँग्रेसचे प्राथमिक सदस्यही नाहीत, त्यामुळे त्यांच्या म्हणण्याला किंमत देत नसल्याचा पवित्रा काँग्रेस पक्षाने घेतला आहे.
काँग्रेस अध्यक्षपदाचा निव्वळ देखावा उभा करण्यात येत असून, राहुल गांधींना ‘इलेक्शन’च्या माध्यमातून अध्यक्ष करायचे आहे, की ‘सिलेक्शन’च्या माध्यमातून हे पक्षाने ठरवायला हवे, असे शहजाद यांचे म्हणणे आहे. शहजाद यांना राजकारणात राहुल गांधींनीच संधी दिली होती. काँग्रेस अध्यक्षपदाच्या निवडणुकीची प्रक्रिया उद्यापासून सुरू होत असून, उमेदवारी अर्ज दाखल करण्याची अंतिम तारीख ४ डिसेंबर आहे. ५ डिसेंबरला उमेदवारांच्या अर्जांची छाननी करून रिंगणात असलेल्या उमेदवारांची नावे जाहीर करण्यात येतील. केवळ राहुल गांधींचाच अर्ज दाखल होण्याची चिन्हे आहेत. दरम्यान, काँग्रेसचे प्रवक्ते अभिषेक मनू सिंघवी यांनी पूनावाला यांच्या या म्हणण्यास पक्ष काही किंमत देत नसल्याचे म्हटले आहे.
शहर काँग्रेसकडून निषेध
या प्रकारानंतर पुणे शहर काँग्रेसनेही शहजाद पूनावाला यांचा तीव्र निषेध केला आहे. ‘पूनावाला हे स्वतः निष्क्रिय असून, ते पक्षाचे साधे प्राथमिक सदस्यही नाहीत. अशा व्यक्तीला काँग्रेस पक्षाबद्दल बोलण्याचा कोणताही अधिकार नाही,’ असे शहराध्यक्ष रमेश बागवे यांनी म्हटले आहे. पूनावाला यांचे वक्तव्य पाहता त्यांनी मानसोपचार तज्ज्ञांकडून तपासून घेण्याची गरज आहे, असे त्यांनी नमूद केले.
तेहसीन पूनावालांनी संबंध तोडले
‘शहजाद पूनावाला यांच्या वक्तव्याने मला प्रचंड वेदना होत आहेत. गुजरातमध्ये काँग्रेस आघाडीला मजबूत करण्याची गरज असताना त्याने केलेले हे कृत्य अजिबात स्वीकारार्ह नाही. योग्य व्यासपीठावर तक्रारी मांडायला हव्या. मी आणि माझी पत्नी शहजादशी संबंध तोडत आहोत,’ असे ट्विट शहजाद पूनावाला यांचे बंधू आणि वद्रा घराण्याचे जावई तेहसीन पूनावाला यांनी केले आहे.