पुणे:
माजी राष्ट्रपती प्रतिभाताई पाटील यांच्या सत्काराला माजी राष्ट्रपती प्रणव मुखर्जी आले नाहीत, तरी भावी राष्ट्रपती शरद पवार उपस्थित आहेत, असे मिश्किल भाष्य माजी केंद्रीय मंत्री आणि काँग्रेस नेते सुशीलकुमार शिंदे यांनी केले. त्यावर पवार यांनीही हात दाखवत नकार दर्शवला. त्यावेळी पवार यांच्याकडे हात दाखवत 'त्याचा अर्थ हो असाच आहे, मी त्यांचेच बोट पकडून राजकारणात आल्याने मला ते ठाऊक आहे', असे सुशीलकुमार म्हणाले आणि बालगंधर्व रंगमंदिरात हास्याचे फवारे उडाले.
प्रतिभाताई पाटील जीवनगौरव ग्रंथ समितीतर्फे देशाच्या पहिल्या महिला राष्ट्रपती प्रतिभाताई पाटील यांच्या सामाजिक आणि राजकीय कारकीर्दीस ५० वर्षे पूर्ण झाल्याबद्दल त्यांच्या सत्काराचे आयोजन केले होते. त्यावेळी सुशीलकुमार बोलत होते. शरद पवार कार्यक्रमाच्या अध्यक्षस्थानी होते. यावेळी डॉ. देवीसिंह शेखावत, माजी केंद्रीय मंत्री शिवराज पाटील, माजी मुख्यमंत्री पृथ्वीराज चव्हाण, माजी मंत्री पतंगराव कदम, पुण्याचे पालकमंत्री गिरीश बापट, पद्मश्री डॉ. डी. वाय. पाटील, खासदार श्रीरंग बारणे, वंदना चव्हाण, आमदार शरद रणपिसे, ज्येष्ठ शास्त्रज्ञ डॉ. रघुनाथ माशेलकर, डॉ. त्रिपाठी आदी उपस्थित होते. या प्रसंगी प्रतिभाताई पाटील यांच्या जीवनावर आधारित 'भारताची प्रतिभा' हा जीवनगौरव ग्रंथ आणि संकेतस्थळाचे प्रकाशन करण्यात आले.
'प्रतिभाताई पाटील आणि शरद पवार यांच्याकडून मला बरेच शिकायला मिळाले. गरीब, शोषितांसाठी काम कसे करावे? माणसांची पारख कशी करावी? हे प्रतिभाताई यांच्याकडून शिकलो. तर कात्रजचा घाट कसा दाखवावा, हे शरद पवार यांच्याकडून शिकलो,' असे सुशीलकुमार यांनी सांगितले.
पुतीन यांनी केले अभिनंदन
राष्ट्रपती हे तिन्ही सेना दलांचे प्रमुख असतात. प्रतिभाताईंनी राष्ट्रपतिपदी असताना सुखोई या लढाऊ विमानाने प्रवास केला होता. त्याबद्दल रशियाचे राष्ट्राध्यक्ष व्लादिमिर पुतीन यांनी त्यांचे अभिनंदन केले होते, अशी आठवणही सुशीलकुमार यांनी सांगितली.
माजी राष्ट्रपती प्रतिभाताई पाटील यांच्या सत्काराला माजी राष्ट्रपती प्रणव मुखर्जी आले नाहीत, तरी भावी राष्ट्रपती शरद पवार उपस्थित आहेत, असे मिश्किल भाष्य माजी केंद्रीय मंत्री आणि काँग्रेस नेते सुशीलकुमार शिंदे यांनी केले. त्यावर पवार यांनीही हात दाखवत नकार दर्शवला. त्यावेळी पवार यांच्याकडे हात दाखवत 'त्याचा अर्थ हो असाच आहे, मी त्यांचेच बोट पकडून राजकारणात आल्याने मला ते ठाऊक आहे', असे सुशीलकुमार म्हणाले आणि बालगंधर्व रंगमंदिरात हास्याचे फवारे उडाले.
प्रतिभाताई पाटील जीवनगौरव ग्रंथ समितीतर्फे देशाच्या पहिल्या महिला राष्ट्रपती प्रतिभाताई पाटील यांच्या सामाजिक आणि राजकीय कारकीर्दीस ५० वर्षे पूर्ण झाल्याबद्दल त्यांच्या सत्काराचे आयोजन केले होते. त्यावेळी सुशीलकुमार बोलत होते. शरद पवार कार्यक्रमाच्या अध्यक्षस्थानी होते. यावेळी डॉ. देवीसिंह शेखावत, माजी केंद्रीय मंत्री शिवराज पाटील, माजी मुख्यमंत्री पृथ्वीराज चव्हाण, माजी मंत्री पतंगराव कदम, पुण्याचे पालकमंत्री गिरीश बापट, पद्मश्री डॉ. डी. वाय. पाटील, खासदार श्रीरंग बारणे, वंदना चव्हाण, आमदार शरद रणपिसे, ज्येष्ठ शास्त्रज्ञ डॉ. रघुनाथ माशेलकर, डॉ. त्रिपाठी आदी उपस्थित होते. या प्रसंगी प्रतिभाताई पाटील यांच्या जीवनावर आधारित 'भारताची प्रतिभा' हा जीवनगौरव ग्रंथ आणि संकेतस्थळाचे प्रकाशन करण्यात आले.
'प्रतिभाताई पाटील आणि शरद पवार यांच्याकडून मला बरेच शिकायला मिळाले. गरीब, शोषितांसाठी काम कसे करावे? माणसांची पारख कशी करावी? हे प्रतिभाताई यांच्याकडून शिकलो. तर कात्रजचा घाट कसा दाखवावा, हे शरद पवार यांच्याकडून शिकलो,' असे सुशीलकुमार यांनी सांगितले.
पुतीन यांनी केले अभिनंदन
राष्ट्रपती हे तिन्ही सेना दलांचे प्रमुख असतात. प्रतिभाताईंनी राष्ट्रपतिपदी असताना सुखोई या लढाऊ विमानाने प्रवास केला होता. त्याबद्दल रशियाचे राष्ट्राध्यक्ष व्लादिमिर पुतीन यांनी त्यांचे अभिनंदन केले होते, अशी आठवणही सुशीलकुमार यांनी सांगितली.