शिवसेनेचा आरोप; कारवाईची मागणी
म. टा. प्रतिनिधी, पुणे
सावित्रीबाई फुले पुणे विद्यापीठाबद्दल अपप्रचार व खोटी माहिती देऊन आमदार मेधा कुलकर्णी या विद्यापीठाची सातत्याने बदनामी करीत आहेत, असा आरोप शिवसेनेने केला आहे. त्यामुळे कुलकर्णी यांच्यावर कारवाई करावी, अशी मागणी शिवसेनेतर्फे करण्यात आली आहे.
राज्यपाल, तसेच विद्यापीठाचे कुलपती सी. विद्यासागर राव यांच्याकडे निवेदनाद्वारे ही मागणी करण्यात आली आहे. शिवसेनेचे पुणे संपर्कप्रमुख डॉ. अमोल कोल्हे, शहरप्रमुख विनायक निम्हण, शहर संघटक श्याम देशपांडे, संदीप मोरे, गजानन थरकुडे, राजेश पळसकर, उमेश भेलके आदींनी ही मागणी केली आहे.
‘देश विदेशातील लाखो विद्यार्थ्यांमध्ये सावित्रीबाई फुले पुणे विद्यापीठ हे ‘ऑक्सफर्ड ऑफ द इस्ट’ असल्याचे आकर्षण कायम आहे. आतापर्यंत लाखो विद्यार्थी येथे शिक्षण घेऊन देश व परदेशात विविध महत्त्वाच्या पदांवर यशस्वीपणे काम करत आहेत. ‘टाइम्स हायर एज्युकेशन’ या जागतिक नामवंत संस्थेने पुणे विद्यापीठाला देशातील दुसरे स्थान दिलेले आहे. केंद्रीय मनुष्यबळ विकास मंत्री प्रकाश जावडेकर यांनी देखील विद्यापीठाच्या पदवी प्रदान समारंभात विद्यापीठाबद्दल गौरोद्गार काढले होते. असे असताना कुलकर्णी यांनी विद्यापीठाची बदनामी करून मानव विकास मंत्रालय आणि कुलगुरूंची नेमणूक करणाऱ्या कुलपती यांच्या प्रमाणिकपणाबद्दल शंका घेतली आहे,’ असे निवेदनाद्वारे सांगितले आहे.
दरम्यान, कुलकर्णी या विद्यापीठाची सातत्याने बदनामी करीत असल्याच्या निषेधार्थ उद्या, गुरुवारी दुपारी १२ वाजता विद्यापीठातील महात्मा ज्योतिराव फुले यांच्या पुतळ्याजवळ निषेध सभा होणार आहे. पुणेकर म्हणून आणि विद्यापीठाचे आजी-माजी विद्यार्थी या बदनामीच्या विरोधात एकत्र येऊन निषेध करणार आहेत. त्यामुळे विद्यार्थ्यांनी निषेध सभेस उपस्थित राहावे, असे आवाहनही शिवसेनेतर्फे करण्यात आले आहे.
म. टा. प्रतिनिधी, पुणे
सावित्रीबाई फुले पुणे विद्यापीठाबद्दल अपप्रचार व खोटी माहिती देऊन आमदार मेधा कुलकर्णी या विद्यापीठाची सातत्याने बदनामी करीत आहेत, असा आरोप शिवसेनेने केला आहे. त्यामुळे कुलकर्णी यांच्यावर कारवाई करावी, अशी मागणी शिवसेनेतर्फे करण्यात आली आहे.
राज्यपाल, तसेच विद्यापीठाचे कुलपती सी. विद्यासागर राव यांच्याकडे निवेदनाद्वारे ही मागणी करण्यात आली आहे. शिवसेनेचे पुणे संपर्कप्रमुख डॉ. अमोल कोल्हे, शहरप्रमुख विनायक निम्हण, शहर संघटक श्याम देशपांडे, संदीप मोरे, गजानन थरकुडे, राजेश पळसकर, उमेश भेलके आदींनी ही मागणी केली आहे.
‘देश विदेशातील लाखो विद्यार्थ्यांमध्ये सावित्रीबाई फुले पुणे विद्यापीठ हे ‘ऑक्सफर्ड ऑफ द इस्ट’ असल्याचे आकर्षण कायम आहे. आतापर्यंत लाखो विद्यार्थी येथे शिक्षण घेऊन देश व परदेशात विविध महत्त्वाच्या पदांवर यशस्वीपणे काम करत आहेत. ‘टाइम्स हायर एज्युकेशन’ या जागतिक नामवंत संस्थेने पुणे विद्यापीठाला देशातील दुसरे स्थान दिलेले आहे. केंद्रीय मनुष्यबळ विकास मंत्री प्रकाश जावडेकर यांनी देखील विद्यापीठाच्या पदवी प्रदान समारंभात विद्यापीठाबद्दल गौरोद्गार काढले होते. असे असताना कुलकर्णी यांनी विद्यापीठाची बदनामी करून मानव विकास मंत्रालय आणि कुलगुरूंची नेमणूक करणाऱ्या कुलपती यांच्या प्रमाणिकपणाबद्दल शंका घेतली आहे,’ असे निवेदनाद्वारे सांगितले आहे.
दरम्यान, कुलकर्णी या विद्यापीठाची सातत्याने बदनामी करीत असल्याच्या निषेधार्थ उद्या, गुरुवारी दुपारी १२ वाजता विद्यापीठातील महात्मा ज्योतिराव फुले यांच्या पुतळ्याजवळ निषेध सभा होणार आहे. पुणेकर म्हणून आणि विद्यापीठाचे आजी-माजी विद्यार्थी या बदनामीच्या विरोधात एकत्र येऊन निषेध करणार आहेत. त्यामुळे विद्यार्थ्यांनी निषेध सभेस उपस्थित राहावे, असे आवाहनही शिवसेनेतर्फे करण्यात आले आहे.