म. टा. प्रतिनिधी, पुणे
पुण्या-मुंबईसह महाराष्ट्रात आणि देशात कला सादर करणाऱ्या ढोल-ताशा पथकाने नुकतेच सातासमुद्रापार वादन केले. अमेरिकेतच स्थायिक असलेल्या 'शिवशार्दुल पर्कशन्स'च्या वादकांनी न्यूयॉर्क येथील 'इंडिया डे'च्या शोभायात्रेमध्ये मराठमोळे वादन करून अमेरिकी नागरिकांना ताल धरायला लावला.
अमेरिकेतील न्यूयॉर्कमध्ये भारतीय स्वातंत्र्यदिन 'इंडिया डे' म्हणून साजरा करतात. त्या दिवशी तेथील भारतीय एकत्र येऊन एका शोभायात्रेचे आयोजन करतात. यंदा या शोभायात्रेमध्ये मुख्य आकर्षण होते ते म्हणजे 'शिवशार्दुल पर्कशन्स' या पथकाच्या वादनाचे. महाराष्ट्रातील विविध ठिकाणांहून अमेरिकेत स्थायिक झालेल्या मराठी तरुणांनी २०१५ मध्ये हे पथक सुरू केले. या पथकात अगदी पाच वर्षांपासून ते ७० वर्षे वयोगटातील वादक सहभागी आहेत. सद्यस्थितीत ३० ढोल आणि ८ ताशांचा संच पथकाकडे आहे. पथकातील सर्व वाद्ये सभासदांनी स्वखर्चाने भारतातून आणली आहेत. 'शिवशार्दुल'चे प्रमुख अनंत केंदळे, तुषार देसले आणि अजित कुलकर्णी यांच्यासह पथकाचा कार्यभार सांभाळतात. यंदा बरेच तरुण मुले, मुली पथकात सहभागी झाल्याने त्यांचा उत्साह आणि जोश द्विगुणित झाला होता.
शिवशार्दुल वाद्यपथक मिशिगन येथील आहे. ११०० किलोमीटर लांबचा प्रवास करून ते न्यूयॉर्कला आपली कला सादर करण्यासाठी गेले होते. या पथकामध्ये सुमेधा व अभिजित होशिंग, मुक्ता कुलकर्णी, प्रिया हरकरे, सिद्धार्थ कुलकर्णी, निकीता गोखले, चेतन बडगुजर, संदेश मोरे, ऐश्वर्य धवड, तनया शिवनामे, भूषण शिंदे आणि श्रेयस मुळे या सर्व वादकांचा समावेश होता.
ढोल म्हटले कि भारत आणि विशेषतः महाराष्ट्रची पारंपरिक संस्कृती आठवते. परंतु हेच ढोल-ताशे आता भारताबाहेरही दुमदुमु लागले आहेत. शिवशार्दुल पर्कशन्स हे अमेरिकेतील नावाजलेले पथक आहे. वादनाचा उत्कृष्ट दर्जा आणि अमेरिकेतील भारतीय तरुण वर्गात संस्कृती आणि वाद्यांची गोडी रुजवणे हा पथकाचा प्रमुख उद्देश आहे.
- अभिजित होशिंग, वादक, 'शिवशार्दुल पर्कशन्स'
पुण्या-मुंबईसह महाराष्ट्रात आणि देशात कला सादर करणाऱ्या ढोल-ताशा पथकाने नुकतेच सातासमुद्रापार वादन केले. अमेरिकेतच स्थायिक असलेल्या 'शिवशार्दुल पर्कशन्स'च्या वादकांनी न्यूयॉर्क येथील 'इंडिया डे'च्या शोभायात्रेमध्ये मराठमोळे वादन करून अमेरिकी नागरिकांना ताल धरायला लावला.
अमेरिकेतील न्यूयॉर्कमध्ये भारतीय स्वातंत्र्यदिन 'इंडिया डे' म्हणून साजरा करतात. त्या दिवशी तेथील भारतीय एकत्र येऊन एका शोभायात्रेचे आयोजन करतात. यंदा या शोभायात्रेमध्ये मुख्य आकर्षण होते ते म्हणजे 'शिवशार्दुल पर्कशन्स' या पथकाच्या वादनाचे. महाराष्ट्रातील विविध ठिकाणांहून अमेरिकेत स्थायिक झालेल्या मराठी तरुणांनी २०१५ मध्ये हे पथक सुरू केले. या पथकात अगदी पाच वर्षांपासून ते ७० वर्षे वयोगटातील वादक सहभागी आहेत. सद्यस्थितीत ३० ढोल आणि ८ ताशांचा संच पथकाकडे आहे. पथकातील सर्व वाद्ये सभासदांनी स्वखर्चाने भारतातून आणली आहेत. 'शिवशार्दुल'चे प्रमुख अनंत केंदळे, तुषार देसले आणि अजित कुलकर्णी यांच्यासह पथकाचा कार्यभार सांभाळतात. यंदा बरेच तरुण मुले, मुली पथकात सहभागी झाल्याने त्यांचा उत्साह आणि जोश द्विगुणित झाला होता.
शिवशार्दुल वाद्यपथक मिशिगन येथील आहे. ११०० किलोमीटर लांबचा प्रवास करून ते न्यूयॉर्कला आपली कला सादर करण्यासाठी गेले होते. या पथकामध्ये सुमेधा व अभिजित होशिंग, मुक्ता कुलकर्णी, प्रिया हरकरे, सिद्धार्थ कुलकर्णी, निकीता गोखले, चेतन बडगुजर, संदेश मोरे, ऐश्वर्य धवड, तनया शिवनामे, भूषण शिंदे आणि श्रेयस मुळे या सर्व वादकांचा समावेश होता.
ढोल म्हटले कि भारत आणि विशेषतः महाराष्ट्रची पारंपरिक संस्कृती आठवते. परंतु हेच ढोल-ताशे आता भारताबाहेरही दुमदुमु लागले आहेत. शिवशार्दुल पर्कशन्स हे अमेरिकेतील नावाजलेले पथक आहे. वादनाचा उत्कृष्ट दर्जा आणि अमेरिकेतील भारतीय तरुण वर्गात संस्कृती आणि वाद्यांची गोडी रुजवणे हा पथकाचा प्रमुख उद्देश आहे.
- अभिजित होशिंग, वादक, 'शिवशार्दुल पर्कशन्स'