पुणे टाइम्स टीम
देवश्रीला फॅशनचं भारी वेड. दसरा, दिवाळीला तर तिच्यासाठी खास कारण असतं. विविध ऑनलाइन साइटवरून ती चिक्कार खरेदी करते. कॅज्युअल म्हणा, एथनिक म्हणा किंवा वेस्टर्न म्हणा सगळं काही तिला भावतं. शिवाय, विंडो शॉपिंग केली नाही किंवा प्रत्यक्ष बाजारात जाऊन बार्गेनिंगचा आनंद घेतला नाही म्हणून तिथंही एक-दोनवेळा फेरफटका असतोच. सगळी नवी फॅशन एकदा का वॉर्डरोबमध्ये भरली, की तिच्या मनाला समाधान मिळतं. यावेळीही तिनं अशीच भरपूर खरेदी केली. मात्र, इतके कपडे आपण खरंच एकट्या दिवाळीला घालणार का, याच्या पेचातही ती पडते. दिवाळी पाचेक जोड फक्त वापरता येतील. कामाच्या ठिकाणी ऑफिस वेअर घालणं बंधनकारक असल्यानं मोहापायी घेतलेले इतके कपडे कुठं वापरायचे हा प्रश्न तिला सतवू लागला आणि आवडीनं घेतलेले कपडे असेच वॉर्डरोबच्या कोपऱ्यात जाऊन पडले.
देवश्रीप्रमाणे अनेकाचंही असंच होत असावं. हौसेपोटी सणावाराला खूप खरेदी केली जाते आणि नंतर त्या सगळ्या कपड्यांचा वापर होतोच असं नाही. कॉलेज तरुणाईला तरी निमित्त मिळू शकतं; पण आठवड्याच्या चक्रात अडकलेल्या ऑफिस कर्मचारयांवर बंधनं येतात. घरगुती सणवार किंवा ऑफिस गेट टुगेदर आणि इतर कार्यक्रमांना संधी मिळाली तरी क्वचितच. त्यामुळे सणवाराच्या निमित्तानं सेलचा फायदा घेत भरपूर खरेदी करण्याची संधी मिळत असली, तरी ती खरेदी अनेकांना नको वाटते; पण आता मनसोक्त खरेदी करा. मोहामुळे खरेदी केलेले कपडे, ज्वेलरी, शूज वर्षभर कसे वापरायचे याच्या काही टिप्स देतो आहोत; त्यामुळे तुमचं नवं कलेक्शन कपाटात पडून राहणार नाही.
पुढील वर्षांत येणारे मित्रमंडळींचे वाढदिवस, एंगेजमेंट, लग्न, पार्टी अशा इव्हेंटचं एक कॅलेंडर बनवा. या सीझनमध्ये खरेदी केलेले कपडे या दिवसांसाठी राखून ठेवा. म्हणजे त्या खास दिवसांसाठी घडी न मोडलेले कपडे घालता येतील. आवडत्या व्यक्तीला गिफ्ट देण्यासाठी म्हणून एखादा जोड ठेवता येईल.
सध्याचा जमाना मिक्स अँड मॅचचा आहे. त्यामुळे कल्पना वापरा आणि इंडोवेस्टर्न असं कॉम्बिनेशन करा. पलाझोवर कुडता किंवा स्कर्टवरही प्लेन कुडता शोभून दिसेल. एखाद्या शुक्रवारी ऑफिसला असं भन्नाट फ्युजन घालता येईल. क्रॉप टॉप जीन्स आणि त्यावर एखादं ऑफिशियल जॅकेटही घालू शकता. ब्लाउज म्हणून क्रॉप टॉप आणि साडीही उठून दिसेल. ऑफिसच्या पार्टीत किंवा एखाद्या सांस्कृतिक कार्यक्रमात हे फ्युजन चांगला पर्याय आहे.
पुढच्या वर्षी दिवाळीपर्यंत खरेदी करायची नाही, असा नियम करा. म्हणजे वॉर्डरोब नुसता खचाखच भरणार नाही. त्यात मध्येच एखादा ट्रेंड आला, तर फॅशन होलिक होऊन किंवा घ्यायचं आहे या हट्टानं खरेदी करू नका. खरंच, तो आपल्याला साजेसा दिसेल का याचा विचार करा. प्रत्येक महिन्याला नव्या खरेदीतला एक भरजरी ड्रेस घालायचाच, असं ठरवा. यासाठी निमित्ताची वाट पाहू नका. मग यासाठी ऑफिसचा शुक्रवार निवडा किंवा सोमवार.
ऑफिसमधल्या खास मैत्रिणींची मिळून एक ‘क्लोदिंग बँक’ तयार करा, ज्यायोगे एकमेकींच्या कपड्यांची देवाणघेवाण करता येईल. तुमच्या कपाटातील कपड्यांना बाहेरची हवा लागेल आणि मैत्रिणींच्या आवडीचे कपडेही तुम्हाला मिरवता येतील. सगळे कपडे दिसतील असे वॉर्डरोबमध्ये लावा, जेणेकरून आपल्याकडे नेमके कोणते कपडे आहेत हे समजेल आणि ते नजरेसमोर असले, की आवर्जून वापरले जातील. एखाद्या आठवड्याला स्वतः कलर थीमचं नियोजन करा. वारानुसार रंग ठरवा, यामुळे सगळे कपडे वापरात येतील.
देवश्रीला फॅशनचं भारी वेड. दसरा, दिवाळीला तर तिच्यासाठी खास कारण असतं. विविध ऑनलाइन साइटवरून ती चिक्कार खरेदी करते. कॅज्युअल म्हणा, एथनिक म्हणा किंवा वेस्टर्न म्हणा सगळं काही तिला भावतं. शिवाय, विंडो शॉपिंग केली नाही किंवा प्रत्यक्ष बाजारात जाऊन बार्गेनिंगचा आनंद घेतला नाही म्हणून तिथंही एक-दोनवेळा फेरफटका असतोच. सगळी नवी फॅशन एकदा का वॉर्डरोबमध्ये भरली, की तिच्या मनाला समाधान मिळतं. यावेळीही तिनं अशीच भरपूर खरेदी केली. मात्र, इतके कपडे आपण खरंच एकट्या दिवाळीला घालणार का, याच्या पेचातही ती पडते. दिवाळी पाचेक जोड फक्त वापरता येतील. कामाच्या ठिकाणी ऑफिस वेअर घालणं बंधनकारक असल्यानं मोहापायी घेतलेले इतके कपडे कुठं वापरायचे हा प्रश्न तिला सतवू लागला आणि आवडीनं घेतलेले कपडे असेच वॉर्डरोबच्या कोपऱ्यात जाऊन पडले.
देवश्रीप्रमाणे अनेकाचंही असंच होत असावं. हौसेपोटी सणावाराला खूप खरेदी केली जाते आणि नंतर त्या सगळ्या कपड्यांचा वापर होतोच असं नाही. कॉलेज तरुणाईला तरी निमित्त मिळू शकतं; पण आठवड्याच्या चक्रात अडकलेल्या ऑफिस कर्मचारयांवर बंधनं येतात. घरगुती सणवार किंवा ऑफिस गेट टुगेदर आणि इतर कार्यक्रमांना संधी मिळाली तरी क्वचितच. त्यामुळे सणवाराच्या निमित्तानं सेलचा फायदा घेत भरपूर खरेदी करण्याची संधी मिळत असली, तरी ती खरेदी अनेकांना नको वाटते; पण आता मनसोक्त खरेदी करा. मोहामुळे खरेदी केलेले कपडे, ज्वेलरी, शूज वर्षभर कसे वापरायचे याच्या काही टिप्स देतो आहोत; त्यामुळे तुमचं नवं कलेक्शन कपाटात पडून राहणार नाही.
पुढील वर्षांत येणारे मित्रमंडळींचे वाढदिवस, एंगेजमेंट, लग्न, पार्टी अशा इव्हेंटचं एक कॅलेंडर बनवा. या सीझनमध्ये खरेदी केलेले कपडे या दिवसांसाठी राखून ठेवा. म्हणजे त्या खास दिवसांसाठी घडी न मोडलेले कपडे घालता येतील. आवडत्या व्यक्तीला गिफ्ट देण्यासाठी म्हणून एखादा जोड ठेवता येईल.
सध्याचा जमाना मिक्स अँड मॅचचा आहे. त्यामुळे कल्पना वापरा आणि इंडोवेस्टर्न असं कॉम्बिनेशन करा. पलाझोवर कुडता किंवा स्कर्टवरही प्लेन कुडता शोभून दिसेल. एखाद्या शुक्रवारी ऑफिसला असं भन्नाट फ्युजन घालता येईल. क्रॉप टॉप जीन्स आणि त्यावर एखादं ऑफिशियल जॅकेटही घालू शकता. ब्लाउज म्हणून क्रॉप टॉप आणि साडीही उठून दिसेल. ऑफिसच्या पार्टीत किंवा एखाद्या सांस्कृतिक कार्यक्रमात हे फ्युजन चांगला पर्याय आहे.
पुढच्या वर्षी दिवाळीपर्यंत खरेदी करायची नाही, असा नियम करा. म्हणजे वॉर्डरोब नुसता खचाखच भरणार नाही. त्यात मध्येच एखादा ट्रेंड आला, तर फॅशन होलिक होऊन किंवा घ्यायचं आहे या हट्टानं खरेदी करू नका. खरंच, तो आपल्याला साजेसा दिसेल का याचा विचार करा. प्रत्येक महिन्याला नव्या खरेदीतला एक भरजरी ड्रेस घालायचाच, असं ठरवा. यासाठी निमित्ताची वाट पाहू नका. मग यासाठी ऑफिसचा शुक्रवार निवडा किंवा सोमवार.
ऑफिसमधल्या खास मैत्रिणींची मिळून एक ‘क्लोदिंग बँक’ तयार करा, ज्यायोगे एकमेकींच्या कपड्यांची देवाणघेवाण करता येईल. तुमच्या कपाटातील कपड्यांना बाहेरची हवा लागेल आणि मैत्रिणींच्या आवडीचे कपडेही तुम्हाला मिरवता येतील. सगळे कपडे दिसतील असे वॉर्डरोबमध्ये लावा, जेणेकरून आपल्याकडे नेमके कोणते कपडे आहेत हे समजेल आणि ते नजरेसमोर असले, की आवर्जून वापरले जातील. एखाद्या आठवड्याला स्वतः कलर थीमचं नियोजन करा. वारानुसार रंग ठरवा, यामुळे सगळे कपडे वापरात येतील.