'व्यसनांच्या आहारी जाऊन आयुष्याचे नुकसान करण्यापेक्षा तरुणांनी करिअरच्या दिशेने मार्गक्रमण करत आयुष्याचे सोने करावे,' असा सामाजिक संदेश देत डिझाइन मॅनियाक शैक्षणिक संस्थेने 'आत्मभान : कथा एका भरकटलेल्या मुलाची' लघुपट प्रदर्शित केला. या वेळी प्रमुख पाहुणे म्हणून अखिल भारतीय मराठी चित्रपट महामंडळाचे अध्यक्ष मेघराज राजेभोसले उपस्थित होते. करिअरसाठी हलाखीच्या परिस्थितीतून शहरात अनेक तरुण येतात. कुटुंबापासून दूर असताना त्यातील अनेक जण वाईट मित्रांच्या संगतीमुळे नशेच्या आहारी जातात आणि त्यातून प्रचंड नुकसान होते. हा संदेश पोहोचण्यासाठी या लघुपटाची निर्मिती करण्यात आली. लघुपटासोबत अभिनयाचे भरभरून कौतुक राजेभोसले यांनी केले. अशा उपक्रमांचे आयोजन संस्थेने करावे, असे आवाहन राजेभोसले यांनी केले. सामाजिक संदेश देणाऱ्या लघुपटाची निर्मिती परंपरा संस्थेने कायम ठेवली, असे संचालक स्वप्नील ओसवाल आणि दीपक गोरे यांनी सांगितले. हा लघुपट https://youtu.be/OCaxvKbDjS8 लिंकवर पाहून आपली प्रतिक्रिया व्यक्त करू शकता, असे आवाहन करण्यात आले.
लघुपटाचे प्रदर्शन
'व्यसनांच्या आहारी जाऊन आयुष्याचे नुकसान करण्यापेक्षा तरुणांनी करिअरच्या दिशेने मार्गक्रमण करत आयुष्याचे सोने करावे,' असा सामाजिक संदेश देत डिझाइन ...
MT 9 May 2019, 4:00 am