म. टा. प्रतिनिधी, पुणे
अनाथ बालकांसह महिलांसाठी जागतिक पातळीवर काम करता यावे, या हेतूने ज्येष्ठ समाजसेविका सिंधूताई सपकाळ यांनी ‘मदर ग्लोबल फाउंडेशन’ या संस्थेची धर्मादाय आयुक्तालयात नोंदणी केली.
आयुक्तालयानेही एका दिवसात त्यांना नोंदणीचे प्रमाणपत्र प्रदान केले. त्यामुळे जागतिक पातळीवर काम करण्याचा मार्ग सिंधूताईंसाठी मोकळा झाला असून शाळा, कॉलेज काढण्याचा त्यांचा मानस आहे.
ज्येष्ठ समाजसेविका आणि ‘अनाथांची माय’ म्हणविल्या जाणाऱ्या सिंधूताईंनी यापूर्वी दोन संस्था स्थापन केल्या. त्या संस्थांचे कार्य आणि उद्दिष्टे मर्यादित होती. परंतु, त्या संस्थांच्या माध्यमातून काम करताना जगभरात त्यांच्या कार्याची महती पोचली आहे. त्या कार्याच्या आधारावरच जगभरातून त्यांचे चाहते वाढत गेले. त्याच पार्श्वभूमीवर अनेक देशांचा त्यांनी दौराही केला.
संस्था स्थापन करण्यामागील भूमिका ‘मटा’कडे स्पष्ट करताना सिंधूताई म्हणाल्या, ‘माझ्या महाराष्ट्राच्या कार्यक्षेत्रापुरत्या संस्था सुरू आहेत. परंतु परदेशात गेल्यानंतर अनेकदा निधी मिळवायला आणि तेथील देणगीदारांना मदत करायला अनेक अडचणी येत होत्या. त्या वेळी जागतिक पातळीवर संस्था स्थापन करण्याचा विचार माझ्या मुलांनी सुरू केला. त्यामुळे त्यांच्या पंखात बळ देण्यासाठी ‘मदर ग्लोबल फाउंडेशन’ नावाची संस्था स्थापन केली. धर्मादाय आयुक्तालयात त्याची नोंदणी केली. दुपारी एका तासात त्याचे नोंदणी प्रमाणत्र देण्यात आले. रशियाच्या दौऱ्यावर असताना तेथील मदत करू इच्छिणाऱ्यांनी जागतिक पातळीवर संस्था काढण्याचा सल्ला दिला होता. त्यामुळे ही संस्था स्थापन केली आहे. या संस्थेच्या माध्यमातून आता महाराष्ट्रात अनाथ मुलांसाठी शाळा कॉलेज काढण्याचा मानस आहे.’
‘पूर्वी माझ्या संस्थांच्या उद्दिष्टांमध्ये महाराष्ट्रापर्यंतची मर्यादा होती. आता अनाथ बालकांसह निराधार महिलांच्या कार्याची व्याप्ती वाढली पाहिजे, हा जागतिक संस्था स्थापना करण्यामागचा हेतू आहे. आपल्या कामाला व्यापक स्वरूप देण्याचा हेतूने ही संस्था स्थापन करण्यात आली आहे,’ असेही त्यांनी सांगितले. सहायक धर्मादाय आयुक्त नवनाथ जगताप यांनी सिंधूताई सपकाळ यांना प्रमाणपत्र दिले.
अनाथ बालकांसह महिलांसाठी जागतिक पातळीवर काम करता यावे, या हेतूने ज्येष्ठ समाजसेविका सिंधूताई सपकाळ यांनी ‘मदर ग्लोबल फाउंडेशन’ या संस्थेची धर्मादाय आयुक्तालयात नोंदणी केली.
आयुक्तालयानेही एका दिवसात त्यांना नोंदणीचे प्रमाणपत्र प्रदान केले. त्यामुळे जागतिक पातळीवर काम करण्याचा मार्ग सिंधूताईंसाठी मोकळा झाला असून शाळा, कॉलेज काढण्याचा त्यांचा मानस आहे.
ज्येष्ठ समाजसेविका आणि ‘अनाथांची माय’ म्हणविल्या जाणाऱ्या सिंधूताईंनी यापूर्वी दोन संस्था स्थापन केल्या. त्या संस्थांचे कार्य आणि उद्दिष्टे मर्यादित होती. परंतु, त्या संस्थांच्या माध्यमातून काम करताना जगभरात त्यांच्या कार्याची महती पोचली आहे. त्या कार्याच्या आधारावरच जगभरातून त्यांचे चाहते वाढत गेले. त्याच पार्श्वभूमीवर अनेक देशांचा त्यांनी दौराही केला.
संस्था स्थापन करण्यामागील भूमिका ‘मटा’कडे स्पष्ट करताना सिंधूताई म्हणाल्या, ‘माझ्या महाराष्ट्राच्या कार्यक्षेत्रापुरत्या संस्था सुरू आहेत. परंतु परदेशात गेल्यानंतर अनेकदा निधी मिळवायला आणि तेथील देणगीदारांना मदत करायला अनेक अडचणी येत होत्या. त्या वेळी जागतिक पातळीवर संस्था स्थापन करण्याचा विचार माझ्या मुलांनी सुरू केला. त्यामुळे त्यांच्या पंखात बळ देण्यासाठी ‘मदर ग्लोबल फाउंडेशन’ नावाची संस्था स्थापन केली. धर्मादाय आयुक्तालयात त्याची नोंदणी केली. दुपारी एका तासात त्याचे नोंदणी प्रमाणत्र देण्यात आले. रशियाच्या दौऱ्यावर असताना तेथील मदत करू इच्छिणाऱ्यांनी जागतिक पातळीवर संस्था काढण्याचा सल्ला दिला होता. त्यामुळे ही संस्था स्थापन केली आहे. या संस्थेच्या माध्यमातून आता महाराष्ट्रात अनाथ मुलांसाठी शाळा कॉलेज काढण्याचा मानस आहे.’
‘पूर्वी माझ्या संस्थांच्या उद्दिष्टांमध्ये महाराष्ट्रापर्यंतची मर्यादा होती. आता अनाथ बालकांसह निराधार महिलांच्या कार्याची व्याप्ती वाढली पाहिजे, हा जागतिक संस्था स्थापना करण्यामागचा हेतू आहे. आपल्या कामाला व्यापक स्वरूप देण्याचा हेतूने ही संस्था स्थापन करण्यात आली आहे,’ असेही त्यांनी सांगितले. सहायक धर्मादाय आयुक्त नवनाथ जगताप यांनी सिंधूताई सपकाळ यांना प्रमाणपत्र दिले.