प्रवासी संघटनांकडून बस पास दरवाढीचा निषेध
म. टा. प्रतिनिधी, पुणे
पुणे महानगर परिवहन महामंडळाने ज्येष्ठ नागरिकांना दिल्या जाणाऱ्या सवलतीच्या पासमध्ये अचानक केलेली वाढ अन्यायकारक आहे. पीएमपी बसने प्रवास करणाऱ्यांमध्ये ज्येष्ठ नागरिकांची संख्या अधिक असून, ही वाढ त्यांच्यासाठी गैरसोयीची आहे. पीएमपीने ही दरवाढ मागे घेऊन ७५ टक्के सवलतीत ज्येष्ठ नागरिकांना पास द्यावेत, अशी मागणी ज्येष्ठ नागरिकांनी पीएमपी प्रवासी मेळाव्यात केली.
पीएमपी प्रवासी मंच आणि मध्यवर्ती ज्येष्ठ नागरिक संघटनेच्या वतीने म्हात्रे पुलाजवळील इंद्रधनुष्य सभागृहात पीएमपी प्रवासी मेळाव्याचे आयोजन करण्यात आले होते. या वेळी मध्यवर्ती ज्येष्ठ नागरिक संघटनेचे सचिव पांडुरंग केसकर, मंचाचे अध्यक्ष जुगल राठी, विवेक वेलणकर, संजय शितोळे, सतीश चितळे आदी उपस्थित होते.
‘ज्येष्ठ नागरिकांसाठी पीएमपी हे प्रवासाचे सुरक्षित साधन आहे, परंतु ज्येष्ठ नागरिकांच्या बस पासमध्ये दरवाढ करून त्यांना विनाकारण मनस्ताप दिला जात आहेत. पुण्यातील १५० ज्येष्ठ नागरिक संघाकडून पास दरवाढीचा आम्ही निषेध करीत आहोत. झालेली वाढ थांबवीत ७५ टक्के सवलत ज्येष्ठ नागरिकांच्या पासमध्ये द्यावी,’ अशी मागणी केसकर यांनी केली. ‘पीएमपीकडून ज्येष्ठ नागरिकांच्या बस पासमध्ये ५६ टक्के अनावश्यक आणि जाचक दरवाढ करण्यात आली आहे. जिल्हा परिवहन विभागाच्या मान्यतेशिवाय ही दरवाढ करणे अयोग्य आहे,’ असे वेलणकर म्हणाले. तर, ‘बस पास वापरणारे ज्येष्ठ नागरिक अधिक आहेत, तरी देखील दरवाढ करण्यात आली आहे. त्यामुळे संस्थाचे, आणि नागरिकांचे म्हणणे ऐकून घ्यावे,’ असे आवाहन राठी यांनी केले.
पीएमपीकडे सर्वाधिक तक्रारी नोंदविणारे अनिल घुले, सु. वा. फडके, यतीश देवाडिगा, नीळकंठ मांढरे, रूपेश केसरकर, जयदीप साठे, विपुल पाटील, देवधर, वैभव कामथ, संतोष विसाळ दत्तानंद कुलकर्णी यांचा मोफत पास देऊन सन्मान करण्यात आला.’
माजी महापौरांचा आरोप
‘पीएमपीचा होणारा तोटा भरून काढण्यासाठी दोन्ही महापालिका भक्कम आहेत. तरीही, पीएमपीचा तोटा होतोय म्हणून प्रवाशांच्या खिशात हात घातला जात आहे. तसेच, पीएमपीच्या अधिकाऱ्यांची प्रतिमा चांगली ठेवण्यासाठी चुकीचे आकडे दाखवून पुणेकरांची दिशाभूल केली जात आहे,’ असा आरोप माजी महापौर आणि पीएमपीचे माजी संचालक प्रशांत जगताप यांनी पीएमपी प्रशासनावर केला.
म. टा. प्रतिनिधी, पुणे
पुणे महानगर परिवहन महामंडळाने ज्येष्ठ नागरिकांना दिल्या जाणाऱ्या सवलतीच्या पासमध्ये अचानक केलेली वाढ अन्यायकारक आहे. पीएमपी बसने प्रवास करणाऱ्यांमध्ये ज्येष्ठ नागरिकांची संख्या अधिक असून, ही वाढ त्यांच्यासाठी गैरसोयीची आहे. पीएमपीने ही दरवाढ मागे घेऊन ७५ टक्के सवलतीत ज्येष्ठ नागरिकांना पास द्यावेत, अशी मागणी ज्येष्ठ नागरिकांनी पीएमपी प्रवासी मेळाव्यात केली.
पीएमपी प्रवासी मंच आणि मध्यवर्ती ज्येष्ठ नागरिक संघटनेच्या वतीने म्हात्रे पुलाजवळील इंद्रधनुष्य सभागृहात पीएमपी प्रवासी मेळाव्याचे आयोजन करण्यात आले होते. या वेळी मध्यवर्ती ज्येष्ठ नागरिक संघटनेचे सचिव पांडुरंग केसकर, मंचाचे अध्यक्ष जुगल राठी, विवेक वेलणकर, संजय शितोळे, सतीश चितळे आदी उपस्थित होते.
‘ज्येष्ठ नागरिकांसाठी पीएमपी हे प्रवासाचे सुरक्षित साधन आहे, परंतु ज्येष्ठ नागरिकांच्या बस पासमध्ये दरवाढ करून त्यांना विनाकारण मनस्ताप दिला जात आहेत. पुण्यातील १५० ज्येष्ठ नागरिक संघाकडून पास दरवाढीचा आम्ही निषेध करीत आहोत. झालेली वाढ थांबवीत ७५ टक्के सवलत ज्येष्ठ नागरिकांच्या पासमध्ये द्यावी,’ अशी मागणी केसकर यांनी केली. ‘पीएमपीकडून ज्येष्ठ नागरिकांच्या बस पासमध्ये ५६ टक्के अनावश्यक आणि जाचक दरवाढ करण्यात आली आहे. जिल्हा परिवहन विभागाच्या मान्यतेशिवाय ही दरवाढ करणे अयोग्य आहे,’ असे वेलणकर म्हणाले. तर, ‘बस पास वापरणारे ज्येष्ठ नागरिक अधिक आहेत, तरी देखील दरवाढ करण्यात आली आहे. त्यामुळे संस्थाचे, आणि नागरिकांचे म्हणणे ऐकून घ्यावे,’ असे आवाहन राठी यांनी केले.
पीएमपीकडे सर्वाधिक तक्रारी नोंदविणारे अनिल घुले, सु. वा. फडके, यतीश देवाडिगा, नीळकंठ मांढरे, रूपेश केसरकर, जयदीप साठे, विपुल पाटील, देवधर, वैभव कामथ, संतोष विसाळ दत्तानंद कुलकर्णी यांचा मोफत पास देऊन सन्मान करण्यात आला.’
माजी महापौरांचा आरोप
‘पीएमपीचा होणारा तोटा भरून काढण्यासाठी दोन्ही महापालिका भक्कम आहेत. तरीही, पीएमपीचा तोटा होतोय म्हणून प्रवाशांच्या खिशात हात घातला जात आहे. तसेच, पीएमपीच्या अधिकाऱ्यांची प्रतिमा चांगली ठेवण्यासाठी चुकीचे आकडे दाखवून पुणेकरांची दिशाभूल केली जात आहे,’ असा आरोप माजी महापौर आणि पीएमपीचे माजी संचालक प्रशांत जगताप यांनी पीएमपी प्रशासनावर केला.