म. टा. प्रतिनिधी, पुणे
स्मार्ट सिटी कंपनीने संपूर्ण शहरात 'ई-कॉरिडॉर' तयार करण्याचा निर्णय घेतला आहे. त्यामध्ये 'पीएमपी'साठी एक हजार स्मार्ट बसथांबे, स्मार्ट बस, पाचशे ई-टॉयलेट, दोन हजार स्मार्ट पोल, ५०० स्मार्ट डस्ट बिन, स्मार्ट दिशादर्शक तयार करण्याचा निर्णय घेतला आहे. या कॉरिडॉरमुळे नागरिकांना चौकाचौकात मोबाइलसाठी चार्जिंग पाँइंट, बिले भरण्यासाठी किऑक्स तयार करण्यात येणार आहे. या शिवाय येऊ घातलेल्या ई-बाइकसाठी चार्जिंग पाँईंट उभारण्यात येणार आहेत.
स्मार्ट सिटी कंपनीच्या गुरुवारी झालेल्या संचालक मंडळाच्या बैठकीत वरीलप्रमाणे निर्णय घेण्यात आला. हा प्रकल्प संपूर्ण शहरात राबविण्यात येणार असून त्यासाठी पुणे महानगरपालिका आणि पुणे महानगर परिवहन महामंडळ (पीएमपी) यांची परवानगी घेण्याचा निर्णय घेण्यात आला. समान पाणीपुरवठा योजनेंतर्गत टाकण्यात येणाऱ्या ऑप्टिकल फायबर केबल डक्टद्वारे ही योजना राबविण्यात येणार आहे, अशी माहिती स्मार्ट सिटी कंपनीचे सीईओ राजेंद्र जगताप यांनी दिली. स्मार्ट सिटी कंपनीने औंध-बाणेर-बालेवाडी या क्षेत्रासाठी या प्रकल्पाची निर्मिती केली होती. मात्र, हा प्रकल्प संपूर्ण शहरात राबविण्यात आला तर, त्याचा फायदा सर्वांनाच होईल, तसेच या प्रकल्पासाठी गुंतवणूक करण्यास अनेक कंपन्या समोर येतील. हा प्रकल्प 'पब्लिक प्रायव्हेट पार्टनरशिप' (पीपीपी) तत्वावर राबविण्यात येणार आहे, असेही जगताप म्हणाले.
स्मार्ट टॉयलेट
या प्रकल्पांर्तगत शहरात सुमारे पाचशे स्मार्ट टॉयलेट उभारण्यात येणार आहेत. या टॉयलेटवर सोलर पॅनल उभारले जातील. या शिवाय सीसीटीव्ही, ऑटो फ्लशिंग या सुविधा उपलब्ध असतील. टॉयलेटचा दरवाजा दहा मिनिटांहून अधिक वेळ बंद राहिला, तर अलार्म वाजेल. अशा प्रकारे शहरातील नागरिकांना चांगल्या दर्जाचे, स्वच्छ टॉयलेट उपलब्ध करून देण्याचा प्रयत्न करण्यात येणार आहे.
स्मार्ट बस स्टॉप
शहरात सुमारे एक हजार स्मार्ट बस स्टॉप उभारण्यात येणार आहेत. बसस्टॉप उपलब्ध जागेनुसार डिझाइन केले जाणार आहेत. यामध्ये विविध सुविधांचा अंतर्भाव करण्यात येणार आहे. त्यात प्रामुख्याने येणाऱ्या बसची नियोजित वेळ दिली जाणार आहे. प्रवाशांना मोबाइलसाठी चार्जिंग पॉईंट असणार आहे. बसस्टॉपवर जागा असेल तर त्या ठिकाणी ई-किऑक्सही उपलब्ध करून दिले जाणार आहे. पिण्याच्या पाण्याची सोयही बसस्टॉपवर असणार आहे. काही पीएमपी बसही स्मार्ट करण्याचा निर्णय घेण्यात आला आहे.
स्मार्ट पोल
शहरातील विविध चौकात दोन हजार स्मार्ट पोल उभारण्यात येणार आहे. त्यामध्ये सीसीटीव्ही, दिशादर्शक, मोबाइल चार्जिंग, जागा असेल तेथे ई-दुचाकींसाठी चार्जिंग पॉइंट दिले जाणार आहेत. या पोलवर सुमारे तीन हजार सीसीटीव्ही कॅमेरे बसविले जाणार आहेत.
'आयटीएमएस' कार्यान्वित
इंटलिजंट ट्रॅफिक मॅनेजमेंट सिस्टीम योजना पुन्हा राबविण्याचा निर्णय घेण्यात आला आहे. त्या द्वारे शहरातील सुमारत्तीनशे सिग्नल वाहतुकीच्या अनुषंगाने नियंत्रित केले जाणार आहेत. ही योजना प्रथमत: सोलापूर रस्ता, नगर रस्ता आणि सेव्हन लव्हज् चौक ते गंगाधाम चौक या तीन रस्त्यांवर प्रायोगिक तत्वावर राबविण्याचा निर्णय घेण्यात आला आहे. या योजनेच्या यशस्वीतेनंतरच ही योजना संपूर्ण शहरात कार्यान्वित करण्याचा निर्णय घेण्यात येणार असल्याची माहिती विरोधी पक्षनेते चेतन तुपे यांनी दिली.
स्मार्ट सिटी कंपनीने संपूर्ण शहरात 'ई-कॉरिडॉर' तयार करण्याचा निर्णय घेतला आहे. त्यामध्ये 'पीएमपी'साठी एक हजार स्मार्ट बसथांबे, स्मार्ट बस, पाचशे ई-टॉयलेट, दोन हजार स्मार्ट पोल, ५०० स्मार्ट डस्ट बिन, स्मार्ट दिशादर्शक तयार करण्याचा निर्णय घेतला आहे. या कॉरिडॉरमुळे नागरिकांना चौकाचौकात मोबाइलसाठी चार्जिंग पाँइंट, बिले भरण्यासाठी किऑक्स तयार करण्यात येणार आहे. या शिवाय येऊ घातलेल्या ई-बाइकसाठी चार्जिंग पाँईंट उभारण्यात येणार आहेत.
स्मार्ट सिटी कंपनीच्या गुरुवारी झालेल्या संचालक मंडळाच्या बैठकीत वरीलप्रमाणे निर्णय घेण्यात आला. हा प्रकल्प संपूर्ण शहरात राबविण्यात येणार असून त्यासाठी पुणे महानगरपालिका आणि पुणे महानगर परिवहन महामंडळ (पीएमपी) यांची परवानगी घेण्याचा निर्णय घेण्यात आला. समान पाणीपुरवठा योजनेंतर्गत टाकण्यात येणाऱ्या ऑप्टिकल फायबर केबल डक्टद्वारे ही योजना राबविण्यात येणार आहे, अशी माहिती स्मार्ट सिटी कंपनीचे सीईओ राजेंद्र जगताप यांनी दिली. स्मार्ट सिटी कंपनीने औंध-बाणेर-बालेवाडी या क्षेत्रासाठी या प्रकल्पाची निर्मिती केली होती. मात्र, हा प्रकल्प संपूर्ण शहरात राबविण्यात आला तर, त्याचा फायदा सर्वांनाच होईल, तसेच या प्रकल्पासाठी गुंतवणूक करण्यास अनेक कंपन्या समोर येतील. हा प्रकल्प 'पब्लिक प्रायव्हेट पार्टनरशिप' (पीपीपी) तत्वावर राबविण्यात येणार आहे, असेही जगताप म्हणाले.
स्मार्ट टॉयलेट
या प्रकल्पांर्तगत शहरात सुमारे पाचशे स्मार्ट टॉयलेट उभारण्यात येणार आहेत. या टॉयलेटवर सोलर पॅनल उभारले जातील. या शिवाय सीसीटीव्ही, ऑटो फ्लशिंग या सुविधा उपलब्ध असतील. टॉयलेटचा दरवाजा दहा मिनिटांहून अधिक वेळ बंद राहिला, तर अलार्म वाजेल. अशा प्रकारे शहरातील नागरिकांना चांगल्या दर्जाचे, स्वच्छ टॉयलेट उपलब्ध करून देण्याचा प्रयत्न करण्यात येणार आहे.
स्मार्ट बस स्टॉप
शहरात सुमारे एक हजार स्मार्ट बस स्टॉप उभारण्यात येणार आहेत. बसस्टॉप उपलब्ध जागेनुसार डिझाइन केले जाणार आहेत. यामध्ये विविध सुविधांचा अंतर्भाव करण्यात येणार आहे. त्यात प्रामुख्याने येणाऱ्या बसची नियोजित वेळ दिली जाणार आहे. प्रवाशांना मोबाइलसाठी चार्जिंग पॉईंट असणार आहे. बसस्टॉपवर जागा असेल तर त्या ठिकाणी ई-किऑक्सही उपलब्ध करून दिले जाणार आहे. पिण्याच्या पाण्याची सोयही बसस्टॉपवर असणार आहे. काही पीएमपी बसही स्मार्ट करण्याचा निर्णय घेण्यात आला आहे.
स्मार्ट पोल
शहरातील विविध चौकात दोन हजार स्मार्ट पोल उभारण्यात येणार आहे. त्यामध्ये सीसीटीव्ही, दिशादर्शक, मोबाइल चार्जिंग, जागा असेल तेथे ई-दुचाकींसाठी चार्जिंग पॉइंट दिले जाणार आहेत. या पोलवर सुमारे तीन हजार सीसीटीव्ही कॅमेरे बसविले जाणार आहेत.
'आयटीएमएस' कार्यान्वित
इंटलिजंट ट्रॅफिक मॅनेजमेंट सिस्टीम योजना पुन्हा राबविण्याचा निर्णय घेण्यात आला आहे. त्या द्वारे शहरातील सुमारत्तीनशे सिग्नल वाहतुकीच्या अनुषंगाने नियंत्रित केले जाणार आहेत. ही योजना प्रथमत: सोलापूर रस्ता, नगर रस्ता आणि सेव्हन लव्हज् चौक ते गंगाधाम चौक या तीन रस्त्यांवर प्रायोगिक तत्वावर राबविण्याचा निर्णय घेण्यात आला आहे. या योजनेच्या यशस्वीतेनंतरच ही योजना संपूर्ण शहरात कार्यान्वित करण्याचा निर्णय घेण्यात येणार असल्याची माहिती विरोधी पक्षनेते चेतन तुपे यांनी दिली.