Pune News : तू तंबाखूसाठी पैसे दिले नाही तर...; जुन्नरमध्ये मुलाने केलं धक्कादायक कृत्य

पुणे : व्यसन हे किती वाईट असते आणि ते काय करायला भाग पाडते याचे उदाहरण म्हणजे ही पुण्यातील धक्कादायक घटना. मुलाने आईकडे तंबाखू घेण्यासाठी पैसे मागितले. मात्र, आईने पैसे देण्यास नकार दिला म्हणून याचा राग मनात धरून आपल्या पोटच्या मुलाने आईच्या डोक्यात फावडे घालून हत्या केल्याची धक्कादायक घटना समोर आली आहे. ही घटना जुन्नर तालुक्यातील शिरोली तर्फे आळे येथे घडली आहे. घटनेनंतर पोलिसांकडून आरोपी मुलाला अटक करण्यात आली आहे.

अंजनाबाई बारकु खिल्लारी (वय ६०) असे हत्या झालेल्या महिलेचे नाव असून अमोल बारकु खिल्लारी (वय २३) असे अटक करण्यात आलेल्या मुलाचे नाव आहे. याबाबत पती बारकू सखाराम खिलारी यांनी फिर्याद दिली आहे.

वडिलांनी साथ सोडली असेल पण माझा उद्धव-आदित्य ठाकरेंच्या नेतृत्वावर विश्वास, मरेपर्यंत त्यांच्यासोबत राहणार: अमोल कीर्तिकर
या प्रकरणी पोलिसांनी दिलेल्या माहितीनुसार, अमोल याला तंबाखू खाण्याचे व्यसन होते. तसेच गेल्या काही दिवसांपासून तो कामही करत नसल्याची माहिती समोर आली आहे. मंगळवारी दुपारच्या सुमारास आई घरात एकटी होती. वडील कामानिमित्त बाहेर गेले होते. त्याचा फायदा घेत त्याने तंबाखू आणण्यासाठी आईकडे पैशांची मागणी केली. त्यावेळी आईने त्याला सांगितले की, "माझ्याकडे पैसे नाहीत". त्यावर अमोल म्हणाला "तू तंबाखूसाठी पैसे दिले नाही तर मी घर सोडून निघून जाईल," अशी धमकी त्याने आईला दिली. त्याला उत्तर देत आई म्हणाली की, "तुला जायचे तिकडे जा, माझ्याकडे पैसे नाहीत". या गोष्टीचा राग अमोलच्या मनात बसला. त्याने रागाच्या भरात घरात असलेले फावडे आईच्या डोक्यात घातले आणि त्यातच आईच जागीच मृत्यू झाला.

घटनेची माहिती मिळताच नारायणाव पोलिसांनी घटनास्थळी दाखल होत माहिती घेतली आणि मुलाला आईची हत्या केल्याप्रकरणी अटक केली. या प्रकरणी पोलीस अधिक तपास करत आहेत.