पुणे : मालवाहतुकीच्या वाहनांतून जनावरांची वाहतूक करताना संबंधितांना परिवहन विभागाकडून विशेष परवाना घ्यावा लागणार आहे. त्यासाठी वाहनांच्या बांधणीमध्ये सुयोग्य बदल करावे लागणार असून, परवान्यासोबतच 'अॅनिमल वेल्फेअर बोर्डा'चे प्रमाणपत्र आवश्यक असल्याचे प्रादेशिक परिवहन कार्यालयाने स्पष्ट केले आहे. वाहतुकीदरम्यान जनावरांना इजा होते, असे निदर्शनास आले आहे. केंद्रीय मोटार वाहन कायद्यातील १९८९ च्या नियमातील १२५-ई तरतुदीनुसार जनावरांची वाहतूक करण्यासाठी विशेष परवाना आवश्यक आहे. मात्र, अनेक वाहनचालक यासंदर्भातील परवाना घेत नव्हते. त्यामुळे आरटीओने कारवाईचा आदेश दिला आहे. त्यानुसार वायुवेग पथकाची नेमणूक करण्यात येणार असून राज्य महामार्ग, शहरांतर्गत तथा ग्रामीण भागात कारवाई करण्यात येणार आहे.
जनावरे वाहतुकीसाठीविशेष परवाना
मालवाहतुकीच्या वाहनांतून जनावरांची वाहतूक करताना संबंधितांना परिवहन विभागाकडून विशेष परवाना घ्यावा लागणार आहे...
महाराष्ट्र टाइम्स.कॉम 24 Aug 2019, 4:00 am