म. टा. प्रतिनिधी, पुणे
पुणे मेट्रो प्रकल्पाच्या कर्वे रस्त्यावरील कामाला आज, शुक्रवारपासून सुरुवात होणार असून, सावरकर स्मारक ते गरवारे कॉलेजदरम्यान दोन्ही बाजूस वाहने उभी करण्यास आणि थांबविण्यास (नो पार्किंग/नो हॉल्टिंग) वाहतूक पोलिसांनी पूर्ण बंदी घातली आहे. खंडुजीबाबा चौक ते अभिनव चौकादरम्यान (नळ स्टॉप) राज्य परिवहन (एसटी) आणि सर्व प्रकारच्या खासगी वाहनांना 'प्रवेश बंद' असून, त्यांनी पर्यायी मार्गांचा वापर करण्याचे आवाहन वाहतूक पोलिसांनी केले आहे.
महाराष्ट्र मेट्रो रेल्वे कॉर्पोरेशनने (महामेट्रो) वनाझ ते शिवाजीनगर मार्गावर मेट्रोच्या खांब उभारणीचे काम यापूर्वीच सुरू केले आहे. पौड रस्ता पुरेसा रुंद असल्याने वाहतुकीला फारशी अडचण आली नाही. कर्वे रस्त्यावर वाहतुकीची प्रचंड वर्दळ असल्याने महामेट्रोला या रस्त्यावर टप्प्याटप्प्याने काम करावे लागणार आहे. त्यानुसार, पहिल्या टप्प्यात यशवंतराव चव्हाण चौक (रेल्वे आरक्षण केंद्र) ते मामा गोखले चौक (आयुर्वेद रसशाळा) दरम्यान मेट्रोच्या कामाला सुरुवात केली जाणार आहे. मेट्रोच्या खांबांची उभारणी करताना रस्त्याच्या मध्यभागी नऊ मीटरचा रस्ता व्यापला जाणार असल्याने दोन्ही बाजूस प्रत्येकी साडेसात मीटरचा रस्ताच वाहनांसाठी उपलब्ध असेल. त्यामुळे, वाहतूक पोलिसांनी या टप्प्यात दोन्ही बाजूल 'नो-पार्किंग/नो हाल्टिंग' केले असून त्याची अंमलबजावणी शुक्रवारपासून केली जाणार आहे. कर्वे रस्त्याने एसटी आणि खासगी बसची वाहतूक मोठ्या प्रमाणात असल्याने मेट्रोचे काम पूर्ण होईपर्यंत त्यावरही निर्बंध घालण्यात आले आहेत. खंडुजीबाबा चौकाकडून नळ स्टॉपपर्यंत सर्व प्रकारच्या बसच्या वाहतुकीला बंदी घालण्यात आल्याचे वाहतूक पोलिसांनी स्पष्ट केले आहे.
'पहिल्या टप्प्यात आयुर्वेद रसशाळेपर्यंतचे काम हाती घेण्यात येणार आहे. तर त्यानंतर स्वातंत्र्य चौकापर्यंतचे काम केले जाणार आहे. या दरम्यान वाहतूक पोलिसांनी जड वाहनांवर निर्बंध घातल्याने इतर वाहनांची वाहतूक सुरळीत राहू शकेल. वाहनचालक आणि नागरिकांच्या सोयीसाठी या ठिकाणी ट्रॅफिक वॉर्डनची नियुक्ती केली जाणार आहे', अशी माहिती महामेट्रोचे मुख्य प्रकल्प व्यवस्थापक (रिच-२) गौतम बिऱ्हाडे यांनी दिली.
ठळक वैशिष्ठ्ये:
- य. चव्हाण चौक ते आयुर्वेद रसशाळा सर्व वाहनांना नो-पार्किंग
- एसटी व खासगी बसच्या वाहतुकीवर निर्बंध
- मेट्रोच्या कामासाठी नऊ मीटरचा रस्ता
- इतर वाहनांसाठी दोन्ही बाजूस साडेसात मीटरचा रस्ता उपलब्ध
पुणे मेट्रो प्रकल्पाच्या कर्वे रस्त्यावरील कामाला आज, शुक्रवारपासून सुरुवात होणार असून, सावरकर स्मारक ते गरवारे कॉलेजदरम्यान दोन्ही बाजूस वाहने उभी करण्यास आणि थांबविण्यास (नो पार्किंग/नो हॉल्टिंग) वाहतूक पोलिसांनी पूर्ण बंदी घातली आहे. खंडुजीबाबा चौक ते अभिनव चौकादरम्यान (नळ स्टॉप) राज्य परिवहन (एसटी) आणि सर्व प्रकारच्या खासगी वाहनांना 'प्रवेश बंद' असून, त्यांनी पर्यायी मार्गांचा वापर करण्याचे आवाहन वाहतूक पोलिसांनी केले आहे.
महाराष्ट्र मेट्रो रेल्वे कॉर्पोरेशनने (महामेट्रो) वनाझ ते शिवाजीनगर मार्गावर मेट्रोच्या खांब उभारणीचे काम यापूर्वीच सुरू केले आहे. पौड रस्ता पुरेसा रुंद असल्याने वाहतुकीला फारशी अडचण आली नाही. कर्वे रस्त्यावर वाहतुकीची प्रचंड वर्दळ असल्याने महामेट्रोला या रस्त्यावर टप्प्याटप्प्याने काम करावे लागणार आहे. त्यानुसार, पहिल्या टप्प्यात यशवंतराव चव्हाण चौक (रेल्वे आरक्षण केंद्र) ते मामा गोखले चौक (आयुर्वेद रसशाळा) दरम्यान मेट्रोच्या कामाला सुरुवात केली जाणार आहे. मेट्रोच्या खांबांची उभारणी करताना रस्त्याच्या मध्यभागी नऊ मीटरचा रस्ता व्यापला जाणार असल्याने दोन्ही बाजूस प्रत्येकी साडेसात मीटरचा रस्ताच वाहनांसाठी उपलब्ध असेल. त्यामुळे, वाहतूक पोलिसांनी या टप्प्यात दोन्ही बाजूल 'नो-पार्किंग/नो हाल्टिंग' केले असून त्याची अंमलबजावणी शुक्रवारपासून केली जाणार आहे. कर्वे रस्त्याने एसटी आणि खासगी बसची वाहतूक मोठ्या प्रमाणात असल्याने मेट्रोचे काम पूर्ण होईपर्यंत त्यावरही निर्बंध घालण्यात आले आहेत. खंडुजीबाबा चौकाकडून नळ स्टॉपपर्यंत सर्व प्रकारच्या बसच्या वाहतुकीला बंदी घालण्यात आल्याचे वाहतूक पोलिसांनी स्पष्ट केले आहे.
'पहिल्या टप्प्यात आयुर्वेद रसशाळेपर्यंतचे काम हाती घेण्यात येणार आहे. तर त्यानंतर स्वातंत्र्य चौकापर्यंतचे काम केले जाणार आहे. या दरम्यान वाहतूक पोलिसांनी जड वाहनांवर निर्बंध घातल्याने इतर वाहनांची वाहतूक सुरळीत राहू शकेल. वाहनचालक आणि नागरिकांच्या सोयीसाठी या ठिकाणी ट्रॅफिक वॉर्डनची नियुक्ती केली जाणार आहे', अशी माहिती महामेट्रोचे मुख्य प्रकल्प व्यवस्थापक (रिच-२) गौतम बिऱ्हाडे यांनी दिली.
ठळक वैशिष्ठ्ये:
- य. चव्हाण चौक ते आयुर्वेद रसशाळा सर्व वाहनांना नो-पार्किंग
- एसटी व खासगी बसच्या वाहतुकीवर निर्बंध
- मेट्रोच्या कामासाठी नऊ मीटरचा रस्ता
- इतर वाहनांसाठी दोन्ही बाजूस साडेसात मीटरचा रस्ता उपलब्ध