म. टा. प्रतिनिधी, पुणे
नेमणुकीच्या ठिकाणी न थांबता वेगळ्याच ठिकाणी थांबून कारवाईच्या नावाखाली एका मोटारचालकाकडून पैसे उकळणाऱ्या वाहतूक शाखेतील दोन पोलिसांवर निलंबनाची कारवाई करण्यात आली आहे. वाहतूक शाखेच्या पोलिस उपायुक्त तेजस्वी सातपुते यांनी हे आदेश दिले आहेत. दोघांचे वर्तन पोलिस खात्याची प्रतिमा मलीन करणारे असल्याने निलंबित करण्यात येत असल्याचे आदेशात म्हटले आहे.
दिनेश गजघाटे आणि मंगेश जाधव अशी निलंबित करण्यात आलेल्या पोलिसांची नावे आहेत. पोलिस शिपाई गजघाटे आणि जाधव बंडगार्डन वाहतूक शाखेत नेमणुकीस आहेत. दोन सप्टेंबर रोजी सायंकाळी श्रीकृष्ण जन्माष्टमीनिमित्त दोघांना लष्कर भागातील इस्कॉन मंदिर येथे वाहतुकीचे नियोजन करण्यासाठी नेमण्यात आले होते. मात्र, त्या ठिकाणी दोघे बंदोबस्तासाठी गेले नाहीत. गजघाटे आणि जाधव हे प्रादेशिक परिवहन कार्यालयानजीक चौकात थांबले होते. सायंकाळी सहाच्या सुमारास तेथे एक मोटार थांबली होती. त्या वेळी वाहतुकीस अडथळा होईल, अशा पद्धतीने मोटार लावल्याने दोघांनी मोटारचालकावर कारवाई करण्यास सुरुवात केली. त्यानंतर ई-चलन यंत्रात मोटारीचा क्रमांक टाकण्यात आला. त्या वेळी मोटारीची प्रादेशिक परिवहन कार्यालयात नोंदणी करण्यात आली नसल्याचे निदर्शनास आले. त्यानंतर दोघांनी मोटारचालक गणेश बुधवंत (रा. बाणेर) यांच्याकडे सहा हजार रुपयांची मागणी केली. बुधवंत यांच्याकडून दोघांनी पाचशे रुपये घेतले आणि कारवाई केली नाही. याबाबत वरिष्ठ पोलिस अधिकाऱ्याकडे तक्रार करण्यात आली होती. त्यानंतर वाहतूक शाखेच्या पोलिस उपायुक्त तेजस्वी सातपुते यांनी चौकशी केली. त्या वेळी जाधव आणि गजघाटे दोषी असल्याचे आढळून आल्यानंतर त्यांच्यावर निलंबनाची कारवाई करण्यात आली आहे.
नेमणुकीच्या ठिकाणी न थांबता वेगळ्याच ठिकाणी थांबून कारवाईच्या नावाखाली एका मोटारचालकाकडून पैसे उकळणाऱ्या वाहतूक शाखेतील दोन पोलिसांवर निलंबनाची कारवाई करण्यात आली आहे. वाहतूक शाखेच्या पोलिस उपायुक्त तेजस्वी सातपुते यांनी हे आदेश दिले आहेत. दोघांचे वर्तन पोलिस खात्याची प्रतिमा मलीन करणारे असल्याने निलंबित करण्यात येत असल्याचे आदेशात म्हटले आहे.
दिनेश गजघाटे आणि मंगेश जाधव अशी निलंबित करण्यात आलेल्या पोलिसांची नावे आहेत. पोलिस शिपाई गजघाटे आणि जाधव बंडगार्डन वाहतूक शाखेत नेमणुकीस आहेत. दोन सप्टेंबर रोजी सायंकाळी श्रीकृष्ण जन्माष्टमीनिमित्त दोघांना लष्कर भागातील इस्कॉन मंदिर येथे वाहतुकीचे नियोजन करण्यासाठी नेमण्यात आले होते. मात्र, त्या ठिकाणी दोघे बंदोबस्तासाठी गेले नाहीत. गजघाटे आणि जाधव हे प्रादेशिक परिवहन कार्यालयानजीक चौकात थांबले होते. सायंकाळी सहाच्या सुमारास तेथे एक मोटार थांबली होती. त्या वेळी वाहतुकीस अडथळा होईल, अशा पद्धतीने मोटार लावल्याने दोघांनी मोटारचालकावर कारवाई करण्यास सुरुवात केली. त्यानंतर ई-चलन यंत्रात मोटारीचा क्रमांक टाकण्यात आला. त्या वेळी मोटारीची प्रादेशिक परिवहन कार्यालयात नोंदणी करण्यात आली नसल्याचे निदर्शनास आले. त्यानंतर दोघांनी मोटारचालक गणेश बुधवंत (रा. बाणेर) यांच्याकडे सहा हजार रुपयांची मागणी केली. बुधवंत यांच्याकडून दोघांनी पाचशे रुपये घेतले आणि कारवाई केली नाही. याबाबत वरिष्ठ पोलिस अधिकाऱ्याकडे तक्रार करण्यात आली होती. त्यानंतर वाहतूक शाखेच्या पोलिस उपायुक्त तेजस्वी सातपुते यांनी चौकशी केली. त्या वेळी जाधव आणि गजघाटे दोषी असल्याचे आढळून आल्यानंतर त्यांच्यावर निलंबनाची कारवाई करण्यात आली आहे.