म. टा. प्रतिनिधी, पुणे
स्वच्छ भारत मोहीम केवळ सरकारी कार्यक्रम अथवा वर्षातून एकदा साजरा करायचा इव्हेंट नाही, तर ती लोकचळवळ आणि जगण्याचा भाग व्हावी, अशी अपेक्षा संरक्षण राज्यमंत्री डॉ. सुभाष भामरे यांनी रविवारी व्यक्त केली.
केंद्र सरकारच्या स्वच्छता पंधरवडा उपक्रमांतर्गत डॉ. भामरे यांनी पुणे कँटोन्मेंट बोर्डाच्या नव्या मैलापाणी प्रक्रिया प्रकल्पाला भेट दिली. या वेळी बोर्डाचे अध्यक्ष मेजर जनरल प्रिती सिंह, दक्षिण मुख्यालयाच्या संरक्षण मालमत्ता विभागाचे प्रधान संचालक एल. के. पेगू, संचालक संजीव कुमार आणि विभा शर्मा, भामरे यांच्या पत्नी वीणा भामरे, बोर्डाच्या उपाध्यक्षा प्रियांका श्रीगिरी, मुख्य कार्यकारी अधिकारी डॉ. डी. एन. यादव, सदस्य डॉ. किरण मंत्री, रूपाली बिडकर, दिलीप गिरमकर आदी उपस्थित होते.
अस्वच्छतेमुळेच रोगराईचे प्रमाण वाढते व त्यामुळे होणाऱ्या आजारांवर उपचारापोटी एखाद्या कुटुंबाचे बजेट कोलमडते, अशी खंत व्यक्त करत डॉ. भामरे म्हणाले, 'उच्चभ्रू वर्गासकट सर्व स्तरातील नागरिक सर्रास रस्त्यावर थुंकतात, कचरा टाकतात. लहान मुलेही त्याचे अनुकरण करतात. या नव्या पिढीला स्वच्छ वातावरण उपलब्ध करून देणे हे आपले कर्तव्य आहे. त्यामुळे स्वच्छता मोहीम केवळ कागदावर न राहता लोकचळवळ झाली पाहिजे, तरच स्वच्छ भारताचे स्वप्न साकार होईल.' डॉ. यादव यांनी प्रास्ताविक केले, प्रियांका श्रीगिरी यांनी आभार मानले. तत्पूर्वी, डॉ. भामरे यांनी बोर्डाच्या पदाधिकाऱ्यांसोबत स्वच्छता मोहिमेत सहभाग नोंदवला.
मेट्रो, कँटोन्मेंटच्या प्रश्नांना बगल
पिंपरी ते स्वारगेट मेट्रोसाठी संरक्षण विभागाची जागा देण्यासंदर्भात, तसेच पुणे कँटोन्मेंट बोर्डाच्या मैलापाणी प्रक्रिया प्रकल्पासाठी घोषित अनुदानाची उर्वरित रक्कम देण्यासंदर्भात 'पाठपुरावा करू' असे मोघम उत्तर देत संरक्षण राज्यमंत्री डॉ. सुभाष भामरे यांनी रविवारी मेट्रो आणि कँटोन्मेंट बोर्डाबाबतच्या प्रश्नांना बगल दिली. 'महामेट्रो'ने पुणे मेट्रो प्रकल्पाच्या पिंपरी ते स्वारगेट दरम्यानच्या कामाला गेल्या वर्षीपासून सुरुवात केली आहे. परंतु, खडकीत मेट्रोचे काम करण्यासाठी संरक्षण खात्याच्या मालकीची दहा एकर जागा 'महामेट्रो'ला हवी आहे. ही जागा अद्याप मिळाली नसल्याने मेट्रोचे चार किलोमीटरचे काम रखडले असून त्यामुळे प्रकल्पच लांबणीवर पडण्याची भीती व्यक्त केली जात आहे. यासंदर्भात पुणे कँटोन्मेंट बोर्डातर्फे आयोजित स्वच्छता पंधरवडा कार्यक्रमानंतर विचारणा केली असता 'पाठपुरावा करू' असे उत्तर देत डॉ. भामरे यांनी त्यावर थेट बोलणे टाळले. दरम्यान, पुणे कँटोन्मेंट बोर्डातर्फे ९०० बुटी स्ट्रीट परिसरात नव्याने उभारलेल्या मैलापाणी प्रक्रिया प्रकल्पासाठी सुमारे ३७ कोटींचा निधी देण्याचे आश्वासन संरक्षण मंत्रालयाने दिले होते. त्यापैकी अद्याप दहा ते बारा कोटी रुपयांचा निधी प्रलंबित आहे. हा निधीही देण्याबाबत मंत्रालयाकडे पाठपुरावा केला जाईल, अशी ग्वाही डॉ. भामरे यांनी दिली.
स्वच्छ भारत मोहीम केवळ सरकारी कार्यक्रम अथवा वर्षातून एकदा साजरा करायचा इव्हेंट नाही, तर ती लोकचळवळ आणि जगण्याचा भाग व्हावी, अशी अपेक्षा संरक्षण राज्यमंत्री डॉ. सुभाष भामरे यांनी रविवारी व्यक्त केली.
केंद्र सरकारच्या स्वच्छता पंधरवडा उपक्रमांतर्गत डॉ. भामरे यांनी पुणे कँटोन्मेंट बोर्डाच्या नव्या मैलापाणी प्रक्रिया प्रकल्पाला भेट दिली. या वेळी बोर्डाचे अध्यक्ष मेजर जनरल प्रिती सिंह, दक्षिण मुख्यालयाच्या संरक्षण मालमत्ता विभागाचे प्रधान संचालक एल. के. पेगू, संचालक संजीव कुमार आणि विभा शर्मा, भामरे यांच्या पत्नी वीणा भामरे, बोर्डाच्या उपाध्यक्षा प्रियांका श्रीगिरी, मुख्य कार्यकारी अधिकारी डॉ. डी. एन. यादव, सदस्य डॉ. किरण मंत्री, रूपाली बिडकर, दिलीप गिरमकर आदी उपस्थित होते.
अस्वच्छतेमुळेच रोगराईचे प्रमाण वाढते व त्यामुळे होणाऱ्या आजारांवर उपचारापोटी एखाद्या कुटुंबाचे बजेट कोलमडते, अशी खंत व्यक्त करत डॉ. भामरे म्हणाले, 'उच्चभ्रू वर्गासकट सर्व स्तरातील नागरिक सर्रास रस्त्यावर थुंकतात, कचरा टाकतात. लहान मुलेही त्याचे अनुकरण करतात. या नव्या पिढीला स्वच्छ वातावरण उपलब्ध करून देणे हे आपले कर्तव्य आहे. त्यामुळे स्वच्छता मोहीम केवळ कागदावर न राहता लोकचळवळ झाली पाहिजे, तरच स्वच्छ भारताचे स्वप्न साकार होईल.' डॉ. यादव यांनी प्रास्ताविक केले, प्रियांका श्रीगिरी यांनी आभार मानले. तत्पूर्वी, डॉ. भामरे यांनी बोर्डाच्या पदाधिकाऱ्यांसोबत स्वच्छता मोहिमेत सहभाग नोंदवला.
मेट्रो, कँटोन्मेंटच्या प्रश्नांना बगल
पिंपरी ते स्वारगेट मेट्रोसाठी संरक्षण विभागाची जागा देण्यासंदर्भात, तसेच पुणे कँटोन्मेंट बोर्डाच्या मैलापाणी प्रक्रिया प्रकल्पासाठी घोषित अनुदानाची उर्वरित रक्कम देण्यासंदर्भात 'पाठपुरावा करू' असे मोघम उत्तर देत संरक्षण राज्यमंत्री डॉ. सुभाष भामरे यांनी रविवारी मेट्रो आणि कँटोन्मेंट बोर्डाबाबतच्या प्रश्नांना बगल दिली. 'महामेट्रो'ने पुणे मेट्रो प्रकल्पाच्या पिंपरी ते स्वारगेट दरम्यानच्या कामाला गेल्या वर्षीपासून सुरुवात केली आहे. परंतु, खडकीत मेट्रोचे काम करण्यासाठी संरक्षण खात्याच्या मालकीची दहा एकर जागा 'महामेट्रो'ला हवी आहे. ही जागा अद्याप मिळाली नसल्याने मेट्रोचे चार किलोमीटरचे काम रखडले असून त्यामुळे प्रकल्पच लांबणीवर पडण्याची भीती व्यक्त केली जात आहे. यासंदर्भात पुणे कँटोन्मेंट बोर्डातर्फे आयोजित स्वच्छता पंधरवडा कार्यक्रमानंतर विचारणा केली असता 'पाठपुरावा करू' असे उत्तर देत डॉ. भामरे यांनी त्यावर थेट बोलणे टाळले. दरम्यान, पुणे कँटोन्मेंट बोर्डातर्फे ९०० बुटी स्ट्रीट परिसरात नव्याने उभारलेल्या मैलापाणी प्रक्रिया प्रकल्पासाठी सुमारे ३७ कोटींचा निधी देण्याचे आश्वासन संरक्षण मंत्रालयाने दिले होते. त्यापैकी अद्याप दहा ते बारा कोटी रुपयांचा निधी प्रलंबित आहे. हा निधीही देण्याबाबत मंत्रालयाकडे पाठपुरावा केला जाईल, अशी ग्वाही डॉ. भामरे यांनी दिली.