म. टा. प्रतिनिधी, पुणे
राज्यातील शिक्षकांना ‘सरल’ संगणकीय पोर्टलवर विद्यार्थ्यांची माहिती भरताना नाकीनऊ आले असतानाच आता केंद्र सरकारने सर्व शिक्षा अभयानांतर्गत शिक्षकांसाठी ‘शगुन’ नावाचे वेब पोर्टल विकसित केले आहे. शिक्षकांना या पोर्टलवर शाळांमधील शैक्षणिक, सामाजिक उपक्रम, प्रयोग, विद्यार्थ्यांची माहिती भरावी लागणार आहे. या पार्श्वभूमीवर आधीच ‘सरल’मुळे वैतागलेले शिक्षक आता ‘शगुन’ला विरोध करण्याची शक्यता आहे.
शाळांमधील उपक्रम आणि इतर माहिती देशभरातील शिक्षकांना उपलब्ध व्हावी या उद्देशाने हे ‘शगुन’ची निर्मिती करण्यात आली आहे. ‘श’ म्हणजे शाळा आणि ‘गुण’ म्हणजे गुणवत्ता असे एकत्रीकरण करून पोर्टलचे नामकरण करण्यात आले आहे. शाळांनी आपले चांगले उपक्रम या पोर्टलवर अपलोड करायचे आहेत. २६ जानेवारी ते ३१ डिसेंबरपर्यंत होणाऱ्या चांगल्या कार्यक्रमाचे व्हिडिओ पोर्टलवर अपलोड करण्याचे आदेश महाराष्ट्र प्राथमिक शिक्षण परिषदेच्या परिपत्रकात देण्यात आले आहेत.
शाळांमधील विविध बैठका, शिक्षकांचे प्रशिक्षण, स्वसंरक्षणाचे कार्यक्रम, क्रीडा स्पर्धा, परीक्षा, भिंत्तीचित्रे, विद्यार्थी उपस्थिती प्रमाण, शाळाबाह्य मुलांचे सर्वेक्षण, पालकांची बैठक, साहित्य वाटप, शाळा प्रवेशोत्सव, अध्ययन उपक्रम आदी उपक्रमांची माहिती शिक्षकांना अपलोड करायची आहे. तर, एखादा शिक्षक, विद्यार्थी, कर्मचारी तसेच शिपायाने केलेल्या चांगल्या कामाची माहिती ‘यशोगाथा’ या संकेतस्थळावर अपलोड करण्याची सूचनाही करण्यात आली आहे.
‘सरल’चा वाढला ताप
शिक्षण विभागाने विकसित केलेल्या सरल प्रणालीतच विद्यार्थ्यांची माहिती भरताना त्रास सहन करावा लागत आहे. सरल हे पोर्टल व्यवस्थित सुरू नसते, पोर्टल वेळोवेळी हॅँग होते, ग्रामीण भागात वीज पुरवठा नसतो अशा अनेक अडचणींचा सामना शिक्षकांना करावा लागत आहे. त्यामुळे विद्यार्थ्यांची माहिती पोर्टलवर भरताना दरदिवशी प्रचंड मनस्ताप सहन करावा लागतो.
राज्यातील शिक्षकांना ‘सरल’ संगणकीय पोर्टलवर विद्यार्थ्यांची माहिती भरताना नाकीनऊ आले असतानाच आता केंद्र सरकारने सर्व शिक्षा अभयानांतर्गत शिक्षकांसाठी ‘शगुन’ नावाचे वेब पोर्टल विकसित केले आहे. शिक्षकांना या पोर्टलवर शाळांमधील शैक्षणिक, सामाजिक उपक्रम, प्रयोग, विद्यार्थ्यांची माहिती भरावी लागणार आहे. या पार्श्वभूमीवर आधीच ‘सरल’मुळे वैतागलेले शिक्षक आता ‘शगुन’ला विरोध करण्याची शक्यता आहे.
शाळांमधील उपक्रम आणि इतर माहिती देशभरातील शिक्षकांना उपलब्ध व्हावी या उद्देशाने हे ‘शगुन’ची निर्मिती करण्यात आली आहे. ‘श’ म्हणजे शाळा आणि ‘गुण’ म्हणजे गुणवत्ता असे एकत्रीकरण करून पोर्टलचे नामकरण करण्यात आले आहे. शाळांनी आपले चांगले उपक्रम या पोर्टलवर अपलोड करायचे आहेत. २६ जानेवारी ते ३१ डिसेंबरपर्यंत होणाऱ्या चांगल्या कार्यक्रमाचे व्हिडिओ पोर्टलवर अपलोड करण्याचे आदेश महाराष्ट्र प्राथमिक शिक्षण परिषदेच्या परिपत्रकात देण्यात आले आहेत.
शाळांमधील विविध बैठका, शिक्षकांचे प्रशिक्षण, स्वसंरक्षणाचे कार्यक्रम, क्रीडा स्पर्धा, परीक्षा, भिंत्तीचित्रे, विद्यार्थी उपस्थिती प्रमाण, शाळाबाह्य मुलांचे सर्वेक्षण, पालकांची बैठक, साहित्य वाटप, शाळा प्रवेशोत्सव, अध्ययन उपक्रम आदी उपक्रमांची माहिती शिक्षकांना अपलोड करायची आहे. तर, एखादा शिक्षक, विद्यार्थी, कर्मचारी तसेच शिपायाने केलेल्या चांगल्या कामाची माहिती ‘यशोगाथा’ या संकेतस्थळावर अपलोड करण्याची सूचनाही करण्यात आली आहे.
‘सरल’चा वाढला ताप
शिक्षण विभागाने विकसित केलेल्या सरल प्रणालीतच विद्यार्थ्यांची माहिती भरताना त्रास सहन करावा लागत आहे. सरल हे पोर्टल व्यवस्थित सुरू नसते, पोर्टल वेळोवेळी हॅँग होते, ग्रामीण भागात वीज पुरवठा नसतो अशा अनेक अडचणींचा सामना शिक्षकांना करावा लागत आहे. त्यामुळे विद्यार्थ्यांची माहिती पोर्टलवर भरताना दरदिवशी प्रचंड मनस्ताप सहन करावा लागतो.