पुणे : महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने येत्या मार्चमध्ये घेण्यात येणाऱ्या दहावीच्या परीक्षांसाठी ऑनलाइन अर्ज भरण्यासाठी १६ नोव्हेंबरपर्यंतची मुदतवाढ देण्यात आली आहे. माहिती भरताना काही शाळांना अडचणी येत असल्याचे निदर्शनास आले आहे. यामुळे आता माध्यमिक शाळांना नियमित शुल्कासह ऑनलाइन अर्ज भरण्यासाठी ही मुदतवाढ दिली आहे. दहावीच्या परीक्षांसाठी नियमित विद्यार्थ्यांचे अर्ज सरल डेटाबेसवरून ऑनलाइन नियमित शुल्क भरण्यासाठी १५ ऑक्टोंबर ते ५ नोव्हेंबर अशी मुदत देण्यात आली होती. नव्या निर्णयानुसार एक डिसेंबरपर्यंत शाळांनी बँकेत चलनाद्वारे शुल्क भरावयाचे आहे. तर, ५ डिसेंबरला शाळांनी विभागीय मंडळाकडे शुल्क भरल्याच्या चलनासह विद्यार्थ्यांच्या याद्या जमा कराव्यात. विद्यार्थ्यांच्या याद्यांची प्रिंट काढण्यासाठी २६ नोव्हेंबर ते १ डिसेंबर, अशी मुदत देण्यात आलेली आहे. अर्ज ऑनलाइन पद्धतीनेच स्वीकारण्यात येणार असल्याने विद्यार्थ्यांनी त्यांच्या माध्यमिक शाळांमार्फतच अर्ज भरावेत, असा सूचना मंडळाचे सचिव डॉ. अशोक भोसले यांनी माध्यमिक शाळांना दिल्या आहेत.
दहावी ऑनलाइन अर्जला मुदतवाढ
महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने येत्या मार्चमध्ये घेण्यात येणाऱ्या दहावीच्या परीक्षांसाठी ऑनलाइन अर्ज भरण्यासाठी १६ ...
Maharashtra Times 7 Nov 2018, 4:00 am