म. टा. प्रतिनिधी, पुणे
गुंतवणूकदारांची फसवणूक केल्याप्रकरणात शिवाजीनगर कोर्टात दाखल असलेल्या गुन्ह्यात प्रसिद्ध बांधकाम व्यावसायिक डीएसकेंचा मुलगा शिरीष कुलकर्णी यांचाही अटकपूर्व जामीन कोर्टाने फेटाळला आहे. विशेष न्यायाधीश जे. टी. उत्पात यांच्या कोर्टाने हा आदेश दिला.
शिवाजीनगर पोलिस स्टेशनमध्ये शिरीष यांच्यावर ठेवीदारांचे हितसंरक्षण, फसवणूक आणि अपहार प्रकरणात गुन्हा दाखल आहे. या प्रकरणी जितेंद्र मुळेकर यांनी फिर्याद दिली आहे. बांधकाम व्यावसायिक डी. एस. कुलकर्णी ब्रदर्स आणि डी.एस. कुलकर्णी सन्स यांच्याविरोधात फिर्याद दिली आहे. या प्रकरणात डीएसके दाम्पत्याने हायकोर्टातून अटकपूर्व जामीन मिळविला आहे. या प्रकरणात आर्थिक गुन्हे शाखेचे पोलिसांनी २४ जानेवारी २०१८ रोजी शिरीष यांना नोटीस बजावली आहे. या गुन्ह्यात २५ जानेवारी रोजी शिवाजीनगर पोलिस स्टेशनमध्ये तपासासाठी हजर राहण्यास शिरीष यांना सांगण्यात आले होते. या गुन्ह्यात अटक टाळण्यासाठी शिरीष यांनी विशेष न्यायालयात अटकपूर्व जामीन मिळावा म्हणून अर्ज दाखल केला होता. दरम्यान, शिरीष कुलकर्णी यांनी कंपन्या सोडल्या आहेत. त्यामुळे या गुन्ह्याशी त्यांचा काहीही संबंध नसल्याचा युक्तिवाद, बचाव पक्षाचे वकील अॅड. चिन्मय इनामदार यांनी कोर्टात केली.
या प्रकरणात ज्ञानेश्वर मुळेकर यांनी फसवणुकीबाबत फिर्याद दिली होती. त्यानंतर गुंतवणुकदारांच्या तक्रारीचा आकडा वाढत गेल्याचे दिसून येते आहे. या गुन्ह्यात फसवणूकीची रक्कम २०० कोटींहून अधिक झाली असल्याचे निरीक्षण कोर्टाने नोंदविले आहे. या गुन्ह्यात शिरीष कुलकर्णी हे आरोपी आहेत, की नाही हे ठरविणे तपास अधिकाऱ्यांचे काम असून यामध्ये वृद्ध, निवृत्त अधिकाऱ्यांची फसवणूक झाली आहे. त्यांनी लेखी म्हणणेदेखील सादर केले आहे. या गुन्ह्यात मोठ्या प्रमाणावर ठेवीदारांची फसवणूक झाली आहे. प्राथमिक तपासात फसवणुकीची रक्कमही मोठी असल्याचे दिसत असल्याचे कोर्टाने नमूद केले आहे.
गुंतवणूकदारांची फसवणूक केल्याप्रकरणात शिवाजीनगर कोर्टात दाखल असलेल्या गुन्ह्यात प्रसिद्ध बांधकाम व्यावसायिक डीएसकेंचा मुलगा शिरीष कुलकर्णी यांचाही अटकपूर्व जामीन कोर्टाने फेटाळला आहे. विशेष न्यायाधीश जे. टी. उत्पात यांच्या कोर्टाने हा आदेश दिला.
शिवाजीनगर पोलिस स्टेशनमध्ये शिरीष यांच्यावर ठेवीदारांचे हितसंरक्षण, फसवणूक आणि अपहार प्रकरणात गुन्हा दाखल आहे. या प्रकरणी जितेंद्र मुळेकर यांनी फिर्याद दिली आहे. बांधकाम व्यावसायिक डी. एस. कुलकर्णी ब्रदर्स आणि डी.एस. कुलकर्णी सन्स यांच्याविरोधात फिर्याद दिली आहे. या प्रकरणात डीएसके दाम्पत्याने हायकोर्टातून अटकपूर्व जामीन मिळविला आहे. या प्रकरणात आर्थिक गुन्हे शाखेचे पोलिसांनी २४ जानेवारी २०१८ रोजी शिरीष यांना नोटीस बजावली आहे. या गुन्ह्यात २५ जानेवारी रोजी शिवाजीनगर पोलिस स्टेशनमध्ये तपासासाठी हजर राहण्यास शिरीष यांना सांगण्यात आले होते. या गुन्ह्यात अटक टाळण्यासाठी शिरीष यांनी विशेष न्यायालयात अटकपूर्व जामीन मिळावा म्हणून अर्ज दाखल केला होता. दरम्यान, शिरीष कुलकर्णी यांनी कंपन्या सोडल्या आहेत. त्यामुळे या गुन्ह्याशी त्यांचा काहीही संबंध नसल्याचा युक्तिवाद, बचाव पक्षाचे वकील अॅड. चिन्मय इनामदार यांनी कोर्टात केली.
या प्रकरणात ज्ञानेश्वर मुळेकर यांनी फसवणुकीबाबत फिर्याद दिली होती. त्यानंतर गुंतवणुकदारांच्या तक्रारीचा आकडा वाढत गेल्याचे दिसून येते आहे. या गुन्ह्यात फसवणूकीची रक्कम २०० कोटींहून अधिक झाली असल्याचे निरीक्षण कोर्टाने नोंदविले आहे. या गुन्ह्यात शिरीष कुलकर्णी हे आरोपी आहेत, की नाही हे ठरविणे तपास अधिकाऱ्यांचे काम असून यामध्ये वृद्ध, निवृत्त अधिकाऱ्यांची फसवणूक झाली आहे. त्यांनी लेखी म्हणणेदेखील सादर केले आहे. या गुन्ह्यात मोठ्या प्रमाणावर ठेवीदारांची फसवणूक झाली आहे. प्राथमिक तपासात फसवणुकीची रक्कमही मोठी असल्याचे दिसत असल्याचे कोर्टाने नमूद केले आहे.