वाळूजमहानगर : गंगापूर तालुक्यातील कासोडा शिवारातील गायरानात शनिवारी सकाळी साडेआठच्या सुमारास अंदाजे ७५ वर्षीय महिलेचा मृतदेह आढळला. शांताबाई मदर काळे (वय ७५ रा. कासोडा ता. गंगापूर )असे मृत महिलेचे नाव आहे. ही महिला गायरानात एकटीच राहात होती. या घटनेची माहिती वाळूज एमआयडीसी पोलिसांना मिळताच सहायक फौजदार नामदेव सुरडकर, पोलिस हवालदार काकासाहेब जगदाळे, रमेश गायकवाड आणि वसंत जिवडे आदींनी घटनास्थळी जाऊन पाहणी केली. यावेळी पोलिसांनी नागरिकांच्या मदतीने मृतदेह घाटी रुग्णालयात दाखल केला. या महिलेचा मृत्यू दोन दिवसांपूर्वी झाला असावा असा प्राथमिक अंदाज पोलिसांनी वर्तवला असून उन्हामुळे तिचा चेहरा काळा पडलेला होता. या प्रकरणी वाळूज एमआयडीसी पोलिस ठाण्यात अकस्मात मृत्यूची नोंद करण्यात आली असून पुढील तपास फौजदार भास्कर खरात हे करत आहेत.
कासोडा शिवारात आढळला मृतदेह
गंगापूर तालुक्यातील कासोडा शिवारातील गायरानात शनिवारी सकाळी साडेआठच्या सुमारास अंदाजे ७५ वर्षीय महिलेचा मृतदेह आढळला शांताबाई मदर काळे (वय ७५ रा...
महाराष्ट्र टाइम्स.कॉम 2 Jun 2019, 4:00 am