पुणेः पुण्यातील गणेशोत्सव हा नागरिकांचा उत्सव असून समर्पित भावनेने तो साजरा करण्यात येतो. यामध्ये कोणाचाही कसलाही स्वार्थ नसल्याने गणेशोत्सव काळातील स्वागत कमानी, रनिंग मंडपासाठी आकारण्यात येणारे शुल्क महापालिकेने माफ करावे, असा ठराव स्थायी समितीचे सदस्य हेमंत रासने यांनी स्थायी समितीसमोर सादर केला आहे. स्थायी समितीची बैठक तहकूब करण्यात आल्याने या ठरावावर समितीच्या बुधवारी होणाऱ्या बैठकीत निर्णय घेतला जाणार आहे.
पुणे शहरात गणेशोत्सव मोठ्या प्रमाणात साजरा केला जात असून हा उत्सव पाहण्यासाठी मोठ्या प्रमाणात नागरिक पुणे शहरात येत असतात. त्यांच्या स्वागतासाठी अनेक ठिकाणी स्वागत कमानी उभारण्यात येतात. या स्वागत कमानीसाठी महापालिकेतर्फे शुल्क आकारण्यात येत आहे. त्यांच्याबरोबर रनिंग मंडपासाठी ही शुल्क आकारण्यात येत आहे. गणेशोत्सव हा नागरिकांचा उत्सव असून नागरिक स्वयंस्फुर्तीसाठी समर्पित भावनेने साजरा करतात, यात कोणताही स्वार्थ नसतो. तरी, गणेशोत्सवाच्या काळातील स्वागत कमानी व रनिंग मंडपासाठी आकारण्यात येणारे शुल्क पूर्णपणे महापालिकेने माफ करावे, असे रासने यांनी दिलेल्या ठरावात म्हटले आहे.
पुणे शहरात गणेशोत्सव मोठ्या प्रमाणात साजरा केला जात असून हा उत्सव पाहण्यासाठी मोठ्या प्रमाणात नागरिक पुणे शहरात येत असतात. त्यांच्या स्वागतासाठी अनेक ठिकाणी स्वागत कमानी उभारण्यात येतात. या स्वागत कमानीसाठी महापालिकेतर्फे शुल्क आकारण्यात येत आहे. त्यांच्याबरोबर रनिंग मंडपासाठी ही शुल्क आकारण्यात येत आहे. गणेशोत्सव हा नागरिकांचा उत्सव असून नागरिक स्वयंस्फुर्तीसाठी समर्पित भावनेने साजरा करतात, यात कोणताही स्वार्थ नसतो. तरी, गणेशोत्सवाच्या काळातील स्वागत कमानी व रनिंग मंडपासाठी आकारण्यात येणारे शुल्क पूर्णपणे महापालिकेने माफ करावे, असे रासने यांनी दिलेल्या ठरावात म्हटले आहे.