पुणे : उन्हाळ्याच्या सुटीत लहान मुलांचे मनोरंजन व्हावे, या उद्देशाने १४ ते १९ एप्रिलदरम्यान राष्ट्रीय चित्रपट संग्रहालयात (एनएफएआय) बालचित्रपट महोत्सवाचे आयोजन करण्यात आले आहे. संवाद संस्था व कावरे आइस्क्रीम यांच्या वतीने दर वर्षीप्रमाणे यंदाही हा महोत्सव आयोजित करण्यात आल्याची माहिती 'संवाद'चे अध्यक्ष सुनील महाजन यांनी दिली. या वेळी संस्थेच्या निकिता मोघे आणि कावरे आइस्क्रीमचे संचालक राजू कावरे उपस्थित होते. फुलगाव येथील नेताजी सुभाषचंद्र बोस सैनिकी शाळेतील विद्यार्थी आशुतोष लोणकर आणि धनश्री पांडे यांच्या हस्ते रविवारी सकाळी १० वाजता या महोत्सवाचे उद्घाटन होणार आहे. या प्रसंगी 'एनएफएआय'चे संचालक प्रकाश मगदूम, चित्रपट जतन अधिकारी किरण धिवारी, मराठी बालकुमार साहित्य संस्थेच्या अध्यक्षा डॉ. संगीता बर्वे, बालसाहित्य लेखक राजीव तांबे, दीपक पायगुडे उपस्थित राहणार आहेत. यंदाच्या महोत्सवात 'छोटा शिपाई', 'पिकुली', 'दुसऱ्या जगातली', 'मुझसे दोस्ती करोगे', 'मुन्ना', 'श्यामची आई' हे चित्रपट दाखवण्यात येणार आहेत.
children's film festival: बालचित्रपट महोत्सवाची पर्वणी
उन्हाळ्याच्या सुटीत लहान मुलांचे मनोरंजन व्हावे, या उद्देशाने १४ ते १९ एप्रिलदरम्यान राष्ट्रीय चित्रपट संग्रहालयात (एनएफएआय) बालचित्रपट महोत्सवाचे ...
महाराष्ट्र टाइम्स.कॉम 10 Apr 2019, 10:40 am