म. टा. प्रतिनिधी, पुणे
पुणे कँन्टोन्मेंट बोर्डाच्या सरदार वल्लभभाई पटेल रुग्णालयात मानधन तत्त्वावर काम करणाऱ्या कन्सल्टंट डॉक्टरांवर प्रशासनातर्फे लक्ष ठेवले जाणार आहे. त्यामुळे केवळ मस्टरवर सही करून दांडी मारणाऱ्या डॉक्टरांना चाप बसणार आहे. त्याचबरोबर ठरावीक वेळेपेक्षा अधिक काम करणाऱ्या आणि वीसपेक्षा अधिक रुग्णांची तपासणी करणाऱ्या कन्सल्टंट डॉक्टरांना प्रोत्साहन देण्यासाठी मानधनाच्या रक्कमेत प्रतिरुग्ण ५० रुपयांची वाढ केली जाणार आहे. परिणामी अधिकाधिक रुग्णांना वेळेत उपचार मिळण्यास मदत होणार आहे.
कँन्टोन्मेंट बोर्डातर्फे चालविल्या जाणाऱ्या सरदार वल्लभभाई पटेल रुग्णालयात अनेक गरजू रुग्णांवर अल्प दरात उपचार केले जातात. या रुग्णालयात नियमित डॉक्टरांसह तब्बल २५ कन्सल्टंट डॉक्टर मानधन तत्त्वावर काम करतात. यामध्ये अस्थिरोगतज्ज्ञ, बालरोगतज्ज्ञ, स्त्रीरोगतज्त्र, छातीरोगतज्ज्ञ, कान-नाक-घसातज्ज्ञ, शल्यविशारद यांचा समावेश आहे. या डॉक्टरांनी किमान दोन तास उपस्थित राहून रुग्णांची तपासणी करणे अपेक्षित असून, त्यासाठी त्यांना एक हजार रुपयाचे मानधन दिले जाते. मात्र, अनेक डॉक्टर वेळेचे पालन करत नाहीत किंवा ठरावीक रुग्ण पाहून केवळ मस्टरवर स्वाक्षरी करून निघून जातात. काही कन्सल्टंट डॉक्टर नियमितपणे वेळेचे पालन करून अधिकाधिक रुग्णांना सेवा प्रदान करतात. त्या पार्श्वभू्मीवर दांडीबहाद्दर डॉक्टरांना चाप लावण्यासाठी रुग्ण तपासणीच्या संख्येच्या आधारे मानधन देण्यात यावे, असा प्रस्ताव प्रशासनाने बोर्डाच्या सर्वसाधारण सभेपुढे ठेवला होता. त्यावर कन्सल्टंट डॉक्टरांकडून वेळेचे पालन केले जात आहे की नाही, हे तपासण्यासाठी बायोमेट्रिक यंत्रणा बसवावी, अशी सूचना बोर्डाचे अध्यक्ष ब्रिगेडिअर राजीव सेठी यांनी केली. अखेर मानद डॉक्टरांना दोन तास उपस्थित राहणे बंधनकारक करण्यात आले असून, त्यानंतरच त्यांना हजार रुपये मानधन देण्यात यावे, तसेच डॉक्टरांनी वीस पेक्षा अधिक रुग्णांची तपासणी केल्यास प्रति रुग्ण ५० रुपये भत्ता प्रोत्साहन स्वरुपात देण्यात यावे, असा निर्णय बोर्डाच्या सर्वसाधारण सभेत घेण्यात आला.
रुग्णालयात २५ कन्सल्टंट डॉक्टर मानधन तत्त्वावर कार्यरत असून, त्यांनी दोन तास रुग्णालयात हजर राहून रुग्णांना तपासणे अपेक्षित आहे. त्यासाठी त्यांना एक हजार रुपये मानधन देण्यात येते. वीसपेक्षा अधिक रुग्ण पाहणाऱ्या डॉक्टरांना प्रति रुग्ण ५० रुपये मानधन प्रोत्साहन स्वरुपात देण्यात येणार आहे. तसेच नव्याने सुरू करण्यात आलेल्या बाह्य रुग्ण विभागामुळे अधिकाधिक रुग्णांना उपचार सुविधा उपलब्ध झाल्या आहेत, अशी माहिती रुग्णालयाचे निवासी वैद्यकीय अधिकारी डॉ. विद्याधर गायकवाड यांनी दिली.
सहा तज्ज्ञ डॉक्टर रुजू
सरदार पटेल रुग्णालयातील विविध विभागांमध्ये रुग्णांच्या उपचारांसाठी सहा तज्ज्ञ डॉक्टरांची नियुक्ती करण्यात आली आहे. त्यासाठी नियमानुसार जाहिरात देऊन मुलाखती घेण्यात आल्या होत्या. त्यानुसार बोर्ड प्रशासनाने अस्थिरोग, वैद्यकीय अधिकारी, भूलतज्ज्ञ, बालरोगतज्ज्ञ, जनरल सर्जन आणि रेडिओलॉजिस्ट असे तज्ज्ञ डॉक्टर रुजू झाले आहेत. त्यामुळे अधिकाधिक रुग्णांवर एकाच छताखाली विविध उपचार करणे शक्य झाले आहे.
पुणे कँन्टोन्मेंट बोर्डाच्या सरदार वल्लभभाई पटेल रुग्णालयात मानधन तत्त्वावर काम करणाऱ्या कन्सल्टंट डॉक्टरांवर प्रशासनातर्फे लक्ष ठेवले जाणार आहे. त्यामुळे केवळ मस्टरवर सही करून दांडी मारणाऱ्या डॉक्टरांना चाप बसणार आहे. त्याचबरोबर ठरावीक वेळेपेक्षा अधिक काम करणाऱ्या आणि वीसपेक्षा अधिक रुग्णांची तपासणी करणाऱ्या कन्सल्टंट डॉक्टरांना प्रोत्साहन देण्यासाठी मानधनाच्या रक्कमेत प्रतिरुग्ण ५० रुपयांची वाढ केली जाणार आहे. परिणामी अधिकाधिक रुग्णांना वेळेत उपचार मिळण्यास मदत होणार आहे.
कँन्टोन्मेंट बोर्डातर्फे चालविल्या जाणाऱ्या सरदार वल्लभभाई पटेल रुग्णालयात अनेक गरजू रुग्णांवर अल्प दरात उपचार केले जातात. या रुग्णालयात नियमित डॉक्टरांसह तब्बल २५ कन्सल्टंट डॉक्टर मानधन तत्त्वावर काम करतात. यामध्ये अस्थिरोगतज्ज्ञ, बालरोगतज्ज्ञ, स्त्रीरोगतज्त्र, छातीरोगतज्ज्ञ, कान-नाक-घसातज्ज्ञ, शल्यविशारद यांचा समावेश आहे. या डॉक्टरांनी किमान दोन तास उपस्थित राहून रुग्णांची तपासणी करणे अपेक्षित असून, त्यासाठी त्यांना एक हजार रुपयाचे मानधन दिले जाते. मात्र, अनेक डॉक्टर वेळेचे पालन करत नाहीत किंवा ठरावीक रुग्ण पाहून केवळ मस्टरवर स्वाक्षरी करून निघून जातात. काही कन्सल्टंट डॉक्टर नियमितपणे वेळेचे पालन करून अधिकाधिक रुग्णांना सेवा प्रदान करतात. त्या पार्श्वभू्मीवर दांडीबहाद्दर डॉक्टरांना चाप लावण्यासाठी रुग्ण तपासणीच्या संख्येच्या आधारे मानधन देण्यात यावे, असा प्रस्ताव प्रशासनाने बोर्डाच्या सर्वसाधारण सभेपुढे ठेवला होता. त्यावर कन्सल्टंट डॉक्टरांकडून वेळेचे पालन केले जात आहे की नाही, हे तपासण्यासाठी बायोमेट्रिक यंत्रणा बसवावी, अशी सूचना बोर्डाचे अध्यक्ष ब्रिगेडिअर राजीव सेठी यांनी केली. अखेर मानद डॉक्टरांना दोन तास उपस्थित राहणे बंधनकारक करण्यात आले असून, त्यानंतरच त्यांना हजार रुपये मानधन देण्यात यावे, तसेच डॉक्टरांनी वीस पेक्षा अधिक रुग्णांची तपासणी केल्यास प्रति रुग्ण ५० रुपये भत्ता प्रोत्साहन स्वरुपात देण्यात यावे, असा निर्णय बोर्डाच्या सर्वसाधारण सभेत घेण्यात आला.
रुग्णालयात २५ कन्सल्टंट डॉक्टर मानधन तत्त्वावर कार्यरत असून, त्यांनी दोन तास रुग्णालयात हजर राहून रुग्णांना तपासणे अपेक्षित आहे. त्यासाठी त्यांना एक हजार रुपये मानधन देण्यात येते. वीसपेक्षा अधिक रुग्ण पाहणाऱ्या डॉक्टरांना प्रति रुग्ण ५० रुपये मानधन प्रोत्साहन स्वरुपात देण्यात येणार आहे. तसेच नव्याने सुरू करण्यात आलेल्या बाह्य रुग्ण विभागामुळे अधिकाधिक रुग्णांना उपचार सुविधा उपलब्ध झाल्या आहेत, अशी माहिती रुग्णालयाचे निवासी वैद्यकीय अधिकारी डॉ. विद्याधर गायकवाड यांनी दिली.
सहा तज्ज्ञ डॉक्टर रुजू
सरदार पटेल रुग्णालयातील विविध विभागांमध्ये रुग्णांच्या उपचारांसाठी सहा तज्ज्ञ डॉक्टरांची नियुक्ती करण्यात आली आहे. त्यासाठी नियमानुसार जाहिरात देऊन मुलाखती घेण्यात आल्या होत्या. त्यानुसार बोर्ड प्रशासनाने अस्थिरोग, वैद्यकीय अधिकारी, भूलतज्ज्ञ, बालरोगतज्ज्ञ, जनरल सर्जन आणि रेडिओलॉजिस्ट असे तज्ज्ञ डॉक्टर रुजू झाले आहेत. त्यामुळे अधिकाधिक रुग्णांवर एकाच छताखाली विविध उपचार करणे शक्य झाले आहे.