उलगडणार प्रवास गीतकाराचा
गीतकार शलेंद्र यांचा चित्रपटसृष्टीतील प्रवास कसा सुरू झाला, राजकपूर यांच्याबरोबरील ऋणानुबंध आणि 'तिसरी कसम' या चित्रपटाची निर्मिती असा एका गीतकाराचा प्रवास, त्यांच्या गीतात प्रकटणारे त्यांचे व्यक्तिमत्त्व आणि कारकिर्दीचा शेवट याबद्दल 'गाता रहे मेरा दिल' हा दृक्श्राव्य कार्यक्रम आयोजिण्यात आला आहे. 'सिनेमायाचे जादूगार', 'गंगा आये कहां से', 'देवदास ते भुवनशोम', 'शेक्सपियर आणि सिनेमा', 'बखर गीतकारांची' यांसारख्या अभ्यासपूर्ण पुस्तकांचे लेखक विजय पाडळकर हा कार्यक्रम सादर करणार असून, पौड रस्त्यावरील किनारा हॉटेलजवळील साम्राज्यमधील 'एम' बिल्डिंगमधील फ्लॅट क्रमांक ५०३ येथे सायंकाळी पाच वाजता हा कार्यक्रम होणार आहे.
साम्राज्य, पौड रस्ता : सायं. ५
शांता शेळके यांच्याविषयी कार्यक्रम
क्रिसेंट क्राफ्ट्सतर्फे गीतकार शांता शेळके यांच्या कविता आणि गाण्यांच्या सादरीकरणाचा 'शब्द' हा कार्यक्रम आयोजिण्यात आला आहे. भारतीय विद्या भवन शाळेच्या सभागृहात सायंकाळी ५.३० वाजता होणाऱ्या या कार्यक्रमास डॉ. मीना प्रभू, योगेश गोगावले, प्रवीण जोशी, स्वाती दैठणकर यांची उपस्थिती असेल.
भारतीय विद्या भवन : सायं. ५.३०
गझल मैफल
साज प्रस्तुत 'गालिब से फैज तक : एक सफर' ही गझल मैफल आयोजिण्यात आली आहे. शायर क़तील शिफ़ाई यांच्या लोकप्रिय गझलांचे सादरीकरण या वेळी डॉ. शशिकला शिरगोपीकर, गायत्री सप्रे-ढवळे, श्रुती करंदीकर आणि कुमार करंदीकर करणार आहेत. घोले रस्त्यावरील पं. जवाहरलाल नेहरू सभागृह येथे सायंकाळी ५.३० वाजता होणाऱ्या या मैफलीस अरुण गवई तबला साथ करणार आहेत. निवेदन डॉ. सुनील देवधर करतील.
नेहरू सभागृह, घोले रस्ता : सायं. ५.३०
गायन व तबलावादन
स्वरायण पब्लिक चॅरिटेबल ट्रस्टतर्फे या वर्षातील तिसरी सांगीतिक मैफल आयोजिण्यात आली आहे. डॉ. वीणा सहस्रबुद्धे यांच्या शिष्या चिन्मयी आठले यांचे गायन आणि तालयोगी पं. सुरेश तळवलकर यांचे शिष्य अजिंक्य जोशी यांचे एकल तबलावादन या वेळी होणार आहे. 'स्वरायण'च्या सभासदांव्यतिरिक्त रसिकांसाठी कार्यक्रमास प्रवेशमूल्य आहे. नवी पेठेतील एस. एम. जोशी सभागृह येथे सायंकाळी सहा वाजता ही मैफल होणार आहे.
एस. एम. जोशी सभागृह : सायं. ६
योगिनी गांधी यांची नृत्यप्रस्तुती
भारतीय संगीत प्रसारक मंडळाच्या गांधर्व महाविद्यालयातर्फे आयोजित २०व्या विविद स्मृती संगीत समारोहात नृत्यांगना योगिनी गांधी यांचे ओडिसी नृत्य सादरीकरण होणार आहे. माधुरी आपटे त्यांच्याशी संवाद साधणार आहेत. शनिवार पेठेतील महाविद्यालयाच्या विष्णू विनायक स्वरमंदिरात सायंकाळी सहा वाजता ही मैफल होईल. पं. विष्णु दिगंबर पलुस्कर, पं. विनायकबुवा पटवर्धन, पं. द. वि. पलुस्कर यांच्या स्मृतीस अभिवादन करण्यासाठी हा महोत्सव आयोजिण्यात येतो. आज (दि. १ डिसेंबर) या महोत्सवाचा शेवटचा दिवस आहे.
गांधर्व महाविद्यालय : सायं. ६