शिरूर : बेट भागातील फाकटे (ता. शिरूर) येथे शनिवारी रात्री भक्ष्याच्या शोधात विहिरीत पडलेल्या बिबट्याला वन विभागाच्या रेस्क्यू टिमने सुरक्षितपणे बाहेर काढले.
फाकटे येथील गावडेवस्ती येथे भक्ष्यांच्या शोधात आलेला बिबट्या रामदास काशिनाथ भालेकर यांच्या विहिरीत पडला. रविवारी सकाळी सातच्या सुमारास विहिरीत बिबट्या असल्याचे समजताच वन विभागाला कळविण्यात आले. त्यानंतर वन विभागाच्या माणिकडोह बिबट निवारण केंद्राचे वैद्यकीय अधिकारी डॉ. अजय देशमुख, शिरूर वनपरीक्षेत्र अधिकारी मनोहर म्हसेकर, तसेच वन विभागाची स्थानिक रेस्क्यू टीम आणि गावकरी यांनी बिबट्याला सकाळी दहा वाजता विहिरीबाहेर काढले. या बिबट्याला माणिकडोह बिबट निवारण केंद्रात दाखल केले आहे.
...
फाकटे (ता. शिरूर) येथे विहिरीत पडलेल्या बिबट्याला वन विभागाच्या रेस्क्यू टिमने रविवारी सकाळी सुरक्षितपणे बाहेर काढले.