पिंपरी : हिंजवडी-वाकड रोडवर आंबे विकणाऱ्याला कोयत्याचा धाक दाखवून लुटल्याची घटना उघडकीस आली आहे. आंबा खरेदी करण्याच्या बहाण्याने आलेल्या तिघांनी कोयत्याचा धाक दाखवून २२ हजारांचा मुद्देमाल चोरून नेला. फिटु शेख (३०, रा. हिंजवडी- वाकड रोड) यांनी हिंजवडी पोलिस ठाण्यात फिर्याद दिली आहे. पोलिसांनी अज्ञात तिघांविरोधात गुन्हा दाखल केला आहे. पोलिसांनी दिलेल्या माहितीनुसार, फिटु शेख यांचे हिंजवडी-वाकड रोडवरील पूजा फर्निचरच्या बाजूला आंबा विक्रीचे दुकान आहे. आंबे खरेदी करण्याच्या बहाण्याने तीन जण दुकानात आले. त्यांनी फिटु शेख यांना कोयत्याचा धाक दाखवत आंबे आणि त्याची विक्री करून जमा झालेले १५ हजार रुपये आणि मोबाइल असा एकूण २२ हजारांचा मुद्देमाल चोरून नेला. सहायक निरीक्षक जी. जे. धामणे तपास करीत आहेत.
आंबे विक्रेत्याला लुटले
हिंजवडी-वाकड रोडवर आंबे विकणाऱ्याला कोयत्याचा धाक दाखवून लुटल्याची घटना उघडकीस आली आहे...
Maharashtra Times 5 May 2018, 5:00 am