पुणे : जुनी पेन्शन योजना लागू करण्यासोबतच इतर प्रलंबित मागण्यांसाठी आज, सोमवारी (९ सप्टेंबर) राज्यभरातील शिक्षकांकडून काम बंद आंदोलन करण्यात येणार आहे. दरम्यान, हे आंदोलन प्रामुख्याने ग्रामीण भागात होणार असल्याने, शहरातील शाळा सुरू राहणार आहेत, असे स्पष्ट करण्यात आले आहे. या आंदोलनाचा फटका स्थानिक स्वराज्य संस्थांच्या शाळांना बसणार आहे. जिल्हा परिषद आणि नगरपालिकेच्या शाळा बंद राहण्याची शक्यता वर्तविण्यात येत आहे. या आंदोलनात शिक्षक, लिपिक, परिचारिका, सरकारी कर्मचारी अशा घटकांच्या एकूण ३२ संघटना सहभागी होणार असल्याचे संयोजकांनी सांगितले. दरम्यान, आज सोमवारी शाळांना कोणत्याही प्रकारची सुट्टी नसल्याचे शिक्षण विभागाच्या वतीने मीनाक्षी राऊत यांनी सांगितले.
शाळा सुरू राहणार
जुनी पेन्शन योजना लागू करण्यासोबतच इतर प्रलंबित मागण्यांसाठी आज, सोमवारी (९ सप्टेंबर) राज्यभरातील शिक्षकांकडून काम बंद आंदोलन करण्यात येणार आहे...
महाराष्ट्र टाइम्स.कॉम 9 Sep 2019, 4:00 am