म. टा. प्रतिनिधी, पुणे
'थर्टी फस्ट'च्या सेलिब्रेशनवेळी मद्यपान करून बेशिस्तपणे वाहने चालविणाऱ्यांना अटकाव घालण्यासाठी शहर वाहतूक पोलिसांनी कंबर कसली आहे. गेल्या दोन दिवसांपासून 'ड्रंक अँड ड्राइव्ह'ची कारवाई तीव्र केली असून, ३१ डिसेंबरला मुख्य चौकातील सिग्नल रात्रभर सुरू ठेवण्यात येणार आहेत.
सरत्या वर्षाला निरोप व नवीन वर्षाचे स्वागत करण्यासाठी नागरिकांकडून वेगवेगळे बेत आणण्यात येत आहेत. उत्साहाच्या भरात मद्यपान करून अनेकजण वाहने चालवितात. त्यामुळे स्वतःबरोबरच ते इतरांना धोका निर्माण करतात. वर्षभरात वाहतूक पोलिसांकडून अधून-मधून महामार्गावर 'ड्रंक अँड ड्राइव्ह'ची कारवाई केली जाते. नववर्षाच्या अगोदर विशेष मोहीम राबविली जाते. या वर्षीदेखील ही मोहीम राबविली जात आहे. 'वाहतूक पोलिसांनी २९ डिसेंबरला ४८२ मद्यपी वाहनचालकांवर कारवाई केली आहे. त्यानंतर ३० डिसेंबरच्या दिवशी संविधान बचाव मोर्चाच्या बंदोबस्तामुळे ही कारवाई काही प्रमाणात शिथिल करण्यात आली होती. मात्र, ३१ डिसेंबर आणि एक जानेवारीला तीव्र कारवाई केली जाणार आहे,' असे अतिरिक्त पोलिस आयुक्त (वाहतूक) डॉ. संजय शिंदे यांनी दिली.
२९ सिग्नल २४ तास सुरू
शहरात ३१ डिसेंबरच्या रात्री वाहनांची वर्दळ गृहित धरून वाहतूक पोलिसांनी शहरातील २२ महत्त्वाच्या चौकातील सिग्नल २४ तास सुरू ठेवण्याचा निर्णय घेतला आहे. यामध्ये जुना बाजार, जेधे चौक, विद्यापीठ चौक, नळ स्टॉप चौक, टिळक चौक (डेक्कन), खंडोजी बाबा चौक (डेक्कन), पूरम चौक, बाजीराव रस्ता, मार्केटयार्ड चौक, सिंहगड रोड जंक्शन, राजाराम पूल चौक, ज्ञानेश्वर पादुका चौक, शास्त्रीनगर चौक, सादलबाबा चौक, गोखले चौक आदी प्रमुख चौकांचा समावेश आहे.
अशी होणार कारवाई
- वाहतूक पोलिसांच्या २२ विभागात ब्रेथ अॅनालायझरच्या माध्यमातून वाहनचालकांची होणार तापसणी
- अंतर्गत व प्रमुख रस्त्यांवर स्थानिक पोलिसांची पथके नाकाबंदी करणार
- दोन दिवसांत ५०० जणांवर 'ड्रंक अँड ड्राइव्ह'ची कारवाई
- 'ड्रंक अँड ड्राइव्ह'सह भरधाव वाहनांवरही होणार कारवाई
असा असेल वाहतूक बदल
कॅम्प
- पुलगेटकडून महात्मा गांधी रस्त्याने १५ ऑगस्ट चौकातून पुढे जाण्यास बंदी
- इस्कॉन मंदिर चौकाकडून आरोरा टॉवरकडे जाणारी वाहतूक बंद
- सरबतवाला चौकाकडून महावीर चौकाकडे जाणारी वाहतूक बंद
शिवाजी रस्ता
नववर्षानिमित्त श्रीमंत दगडुशेठ गणपती मंदिरात दर्शनासाठी मोठ्या प्रमाणावर गर्दी होते. त्यामुळे एक जानेवारीला सकाळी सातपासून गर्दी संपेपर्यंत शिवाजी रस्ता चारचाकी वाहने आणि बससाठी बंद असणार आहे.
'थर्टी फस्ट'च्या सेलिब्रेशनवेळी मद्यपान करून बेशिस्तपणे वाहने चालविणाऱ्यांना अटकाव घालण्यासाठी शहर वाहतूक पोलिसांनी कंबर कसली आहे. गेल्या दोन दिवसांपासून 'ड्रंक अँड ड्राइव्ह'ची कारवाई तीव्र केली असून, ३१ डिसेंबरला मुख्य चौकातील सिग्नल रात्रभर सुरू ठेवण्यात येणार आहेत.
सरत्या वर्षाला निरोप व नवीन वर्षाचे स्वागत करण्यासाठी नागरिकांकडून वेगवेगळे बेत आणण्यात येत आहेत. उत्साहाच्या भरात मद्यपान करून अनेकजण वाहने चालवितात. त्यामुळे स्वतःबरोबरच ते इतरांना धोका निर्माण करतात. वर्षभरात वाहतूक पोलिसांकडून अधून-मधून महामार्गावर 'ड्रंक अँड ड्राइव्ह'ची कारवाई केली जाते. नववर्षाच्या अगोदर विशेष मोहीम राबविली जाते. या वर्षीदेखील ही मोहीम राबविली जात आहे. 'वाहतूक पोलिसांनी २९ डिसेंबरला ४८२ मद्यपी वाहनचालकांवर कारवाई केली आहे. त्यानंतर ३० डिसेंबरच्या दिवशी संविधान बचाव मोर्चाच्या बंदोबस्तामुळे ही कारवाई काही प्रमाणात शिथिल करण्यात आली होती. मात्र, ३१ डिसेंबर आणि एक जानेवारीला तीव्र कारवाई केली जाणार आहे,' असे अतिरिक्त पोलिस आयुक्त (वाहतूक) डॉ. संजय शिंदे यांनी दिली.
२९ सिग्नल २४ तास सुरू
शहरात ३१ डिसेंबरच्या रात्री वाहनांची वर्दळ गृहित धरून वाहतूक पोलिसांनी शहरातील २२ महत्त्वाच्या चौकातील सिग्नल २४ तास सुरू ठेवण्याचा निर्णय घेतला आहे. यामध्ये जुना बाजार, जेधे चौक, विद्यापीठ चौक, नळ स्टॉप चौक, टिळक चौक (डेक्कन), खंडोजी बाबा चौक (डेक्कन), पूरम चौक, बाजीराव रस्ता, मार्केटयार्ड चौक, सिंहगड रोड जंक्शन, राजाराम पूल चौक, ज्ञानेश्वर पादुका चौक, शास्त्रीनगर चौक, सादलबाबा चौक, गोखले चौक आदी प्रमुख चौकांचा समावेश आहे.
अशी होणार कारवाई
- वाहतूक पोलिसांच्या २२ विभागात ब्रेथ अॅनालायझरच्या माध्यमातून वाहनचालकांची होणार तापसणी
- अंतर्गत व प्रमुख रस्त्यांवर स्थानिक पोलिसांची पथके नाकाबंदी करणार
- दोन दिवसांत ५०० जणांवर 'ड्रंक अँड ड्राइव्ह'ची कारवाई
- 'ड्रंक अँड ड्राइव्ह'सह भरधाव वाहनांवरही होणार कारवाई
असा असेल वाहतूक बदल
कॅम्प
- पुलगेटकडून महात्मा गांधी रस्त्याने १५ ऑगस्ट चौकातून पुढे जाण्यास बंदी
- इस्कॉन मंदिर चौकाकडून आरोरा टॉवरकडे जाणारी वाहतूक बंद
- सरबतवाला चौकाकडून महावीर चौकाकडे जाणारी वाहतूक बंद
शिवाजी रस्ता
नववर्षानिमित्त श्रीमंत दगडुशेठ गणपती मंदिरात दर्शनासाठी मोठ्या प्रमाणावर गर्दी होते. त्यामुळे एक जानेवारीला सकाळी सातपासून गर्दी संपेपर्यंत शिवाजी रस्ता चारचाकी वाहने आणि बससाठी बंद असणार आहे.