म. टा. प्रतिनिधी, पुणे
रस्त्यावर महिलांचे दागिने हिसकविणाऱ्या चोरट्यांचे धाडस आता चांगलेच वाढले आहे. रास्ता पेठेतील एका सोसायटीच्या आवारात शिरून ज्येष्ठ महिलेच्या गळ्यातील मंगळसूत्र चोरट्याने हिसकावून नेल्याची धक्कादायक घटना नुकतीच समोर आली आहे. या प्रकरणी सत्तर वर्षीय महिलेने दिलेल्या तक्रारीनुसार समर्थ पोलिस ठाण्यात अज्ञात चोरट्याविरोधात जबरी चोरीचा गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार महिला रास्ता पेठ भागातील लखेरी मारुती मंदिराजवळील एका सोसायटीत राहतात. सोमवारी सायंकाळी सहाच्या सुमारास त्या काही कामासाठी घराबाहेर पडल्या. त्यानंतर घरी परतताना त्यांच्या मागावर असलेला चोरटा सोसायटीत शिरला. त्याने तळमजल्यावर त्यांच्या गळ्यातील ४५ हजार रुपये किमतीचे मंगळसूत्र हिसकावून नेले.
महिलेने आरडाओरडा केला. त्यामुळे सोसायटीतील रहिवासी धावत तळमजल्यावर आले. परंतु, तोपर्यंत चोरटा दुचाकीवरून पसार झाला होता. पोलिस उपनिरीक्षक नितीन अतकरे या प्रकरणी
तपास करीत आहेत.
रास्ता पेठ भाग वर्दळीचा आहे. तरीदेखील सोसायटीत शिरून चोरट्याने महिलेचे दागिने हिसकाविल्याने रहिवासी भयभीत झाले आहेत. चोरट्याचा पोलिसांकडून माग काढण्यात येत असून, या भागातील 'सीसीटीव्ही' कॅमेऱ्यांचाही तपासासाठी वापर केला जात आहे.
रस्त्यावर महिलांचे दागिने हिसकविणाऱ्या चोरट्यांचे धाडस आता चांगलेच वाढले आहे. रास्ता पेठेतील एका सोसायटीच्या आवारात शिरून ज्येष्ठ महिलेच्या गळ्यातील मंगळसूत्र चोरट्याने हिसकावून नेल्याची धक्कादायक घटना नुकतीच समोर आली आहे. या प्रकरणी सत्तर वर्षीय महिलेने दिलेल्या तक्रारीनुसार समर्थ पोलिस ठाण्यात अज्ञात चोरट्याविरोधात जबरी चोरीचा गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार महिला रास्ता पेठ भागातील लखेरी मारुती मंदिराजवळील एका सोसायटीत राहतात. सोमवारी सायंकाळी सहाच्या सुमारास त्या काही कामासाठी घराबाहेर पडल्या. त्यानंतर घरी परतताना त्यांच्या मागावर असलेला चोरटा सोसायटीत शिरला. त्याने तळमजल्यावर त्यांच्या गळ्यातील ४५ हजार रुपये किमतीचे मंगळसूत्र हिसकावून नेले.
महिलेने आरडाओरडा केला. त्यामुळे सोसायटीतील रहिवासी धावत तळमजल्यावर आले. परंतु, तोपर्यंत चोरटा दुचाकीवरून पसार झाला होता. पोलिस उपनिरीक्षक नितीन अतकरे या प्रकरणी
तपास करीत आहेत.
रास्ता पेठ भाग वर्दळीचा आहे. तरीदेखील सोसायटीत शिरून चोरट्याने महिलेचे दागिने हिसकाविल्याने रहिवासी भयभीत झाले आहेत. चोरट्याचा पोलिसांकडून माग काढण्यात येत असून, या भागातील 'सीसीटीव्ही' कॅमेऱ्यांचाही तपासासाठी वापर केला जात आहे.