म. टा. प्रतिनिधी, पुणे
जस्ट डायल व इतर ऑनलाइन वेबसाइटवर नोकर मिळतील अशी जाहिरात फसवणूक करणाऱ्या एका उच्चशिक्षित तरुणाला सायबर सेलच्या पोलिसांनी अटक केली आहे. याने चतुःश्रुंही परिसरातील एका आयटी इंजिनिअर महिलेची फसवणूक केल्याचा प्रकार समोर आल्यानंतर त्याला अटक सायबर सेलने केली. त्याने पुणे व इतर ठिकाणी अशा प्रकारे शंभर जणांची फसवणूक केल्याचे समोर आले आहे.
विक्रम अतार सिंग (वय ३१, रा. अक्षरा एलिमंटा, भूमकर चौक, वाकड) असे अटक केलेल्याचे नाव आहे. गेल्या आठवड्यात चतुःश्रृंगी परिसरातील एका इंजिनीअर महिलेने जस्ट डायलवर घरकामासाठी नोकर महिलेबाबात चौकशी केली. काही वेळातच त्यांना एकाने मोबाईल क्रमांकावरून एसएमएस पाठवला. घरकाम करण्यासाठी लेडीज व नर्स उपलब्ध असल्याचे सांगितले. त्यानंतर तक्रारदार यांनी एसएमएस आलेल्या क्रमांकावर संपर्क साधला. त्या वेळी त्याने साई समर्थ इंटरप्रायझेसमधून बोलत असल्याचे सांगितले. त्यांच्या व्हॉट्सअपवर घर काम करणाऱ्या काही महिलांचे फोटो पाठवून त्यांची माहिती दिली. तक्रारदार यांनी आरोपीला एका महिलेबाबात नोकरीस पाठविण्यास सांगितले. मात्र, त्या वेळी आरोपीने कमिशन व एक महिन्यांचा पगार अगोदर देण्यास सांगितले. त्यानुसार, त्यांनी आरोपीने दिलेल्या खात्यावर एकूण २५ हजार रुपये पैसे भरले. परंतु, त्यानंतर कोणीही नोकर आला नाही. तसेच, आरोपीने फोन घेतला नाही. तक्रादार यांना फसवणूक झाल्याचे लक्षात आले. त्यांनी सायबर सेलकडे तक्रार दिली.
सायबर सेलचे पोलिस उपायुक्त सुधीर हिरेमठ यांच्या मार्गदर्शनाखाली पोलिस निरीक्षक जयराम पायगुडे व उपनिरीक्षक प्रवीण स्वामी, रुपाली पवार यांच्या पथकाने तांत्रिक माहितीच्या आधारे आरोपीचा तपास सुरू केला. त्या वेळी आरोपी हा वाकडमध्ये असल्याचे समजले. त्यानुसार, पोलिसांना त्याला अटक केली. घरकामासाठी महिला मिळवून देण्याच्या बहाण्याने कोणाची अशा प्रकारे तसेच समर्थ इंटर प्रायजेस किंवा कृष्णा सोनवणे या नावाने शहरातील नागरिकांची फसवणूक झाली असल्यास सायबर पोलिसांशी संपर्क करावा, असे आवाहन सायबर सेलकडून करण्यात आले आहे.
नोकरी सोडून फसवणुकीचा धंदा
दिल्ली येथून आरोपी विक्रम सिंग याने पदवीचे शिक्षण घेतले आहे. त्यानंतर तो पुण्यात नोकरीसाठी आला. काही वर्ष पुण्यात नोकरी केली. त्यानंतर त्याने प्लेसमेंटची स्वत:ची कंपनी सुरू केली. मात्र, त्यात त्याला यश आले नाही. आठ महिन्यांपूर्वी ही कंपनी बंद पडली. त्यानंतर त्याने जस्ट डायलवर घर कामासाठी महिला मिळतील, अशी जाहिरात करून त्याची नोंदणी केली. त्याला संपर्क क्रमांक दिला. तर, क्विकर व इतर वेबसाइटवर जाहिरात करून फसवणूक करण्यास सुरुवात केली. त्याने अशा प्रकारे पुण्यासह देशातील शंभर जणांची फसवणूक केल्याचे प्राथमिक तपासात समोर आले आहे.
जस्ट डायल व इतर ऑनलाइन वेबसाइटवर नोकर मिळतील अशी जाहिरात फसवणूक करणाऱ्या एका उच्चशिक्षित तरुणाला सायबर सेलच्या पोलिसांनी अटक केली आहे. याने चतुःश्रुंही परिसरातील एका आयटी इंजिनिअर महिलेची फसवणूक केल्याचा प्रकार समोर आल्यानंतर त्याला अटक सायबर सेलने केली. त्याने पुणे व इतर ठिकाणी अशा प्रकारे शंभर जणांची फसवणूक केल्याचे समोर आले आहे.
विक्रम अतार सिंग (वय ३१, रा. अक्षरा एलिमंटा, भूमकर चौक, वाकड) असे अटक केलेल्याचे नाव आहे. गेल्या आठवड्यात चतुःश्रृंगी परिसरातील एका इंजिनीअर महिलेने जस्ट डायलवर घरकामासाठी नोकर महिलेबाबात चौकशी केली. काही वेळातच त्यांना एकाने मोबाईल क्रमांकावरून एसएमएस पाठवला. घरकाम करण्यासाठी लेडीज व नर्स उपलब्ध असल्याचे सांगितले. त्यानंतर तक्रारदार यांनी एसएमएस आलेल्या क्रमांकावर संपर्क साधला. त्या वेळी त्याने साई समर्थ इंटरप्रायझेसमधून बोलत असल्याचे सांगितले. त्यांच्या व्हॉट्सअपवर घर काम करणाऱ्या काही महिलांचे फोटो पाठवून त्यांची माहिती दिली. तक्रारदार यांनी आरोपीला एका महिलेबाबात नोकरीस पाठविण्यास सांगितले. मात्र, त्या वेळी आरोपीने कमिशन व एक महिन्यांचा पगार अगोदर देण्यास सांगितले. त्यानुसार, त्यांनी आरोपीने दिलेल्या खात्यावर एकूण २५ हजार रुपये पैसे भरले. परंतु, त्यानंतर कोणीही नोकर आला नाही. तसेच, आरोपीने फोन घेतला नाही. तक्रादार यांना फसवणूक झाल्याचे लक्षात आले. त्यांनी सायबर सेलकडे तक्रार दिली.
सायबर सेलचे पोलिस उपायुक्त सुधीर हिरेमठ यांच्या मार्गदर्शनाखाली पोलिस निरीक्षक जयराम पायगुडे व उपनिरीक्षक प्रवीण स्वामी, रुपाली पवार यांच्या पथकाने तांत्रिक माहितीच्या आधारे आरोपीचा तपास सुरू केला. त्या वेळी आरोपी हा वाकडमध्ये असल्याचे समजले. त्यानुसार, पोलिसांना त्याला अटक केली. घरकामासाठी महिला मिळवून देण्याच्या बहाण्याने कोणाची अशा प्रकारे तसेच समर्थ इंटर प्रायजेस किंवा कृष्णा सोनवणे या नावाने शहरातील नागरिकांची फसवणूक झाली असल्यास सायबर पोलिसांशी संपर्क करावा, असे आवाहन सायबर सेलकडून करण्यात आले आहे.
नोकरी सोडून फसवणुकीचा धंदा
दिल्ली येथून आरोपी विक्रम सिंग याने पदवीचे शिक्षण घेतले आहे. त्यानंतर तो पुण्यात नोकरीसाठी आला. काही वर्ष पुण्यात नोकरी केली. त्यानंतर त्याने प्लेसमेंटची स्वत:ची कंपनी सुरू केली. मात्र, त्यात त्याला यश आले नाही. आठ महिन्यांपूर्वी ही कंपनी बंद पडली. त्यानंतर त्याने जस्ट डायलवर घर कामासाठी महिला मिळतील, अशी जाहिरात करून त्याची नोंदणी केली. त्याला संपर्क क्रमांक दिला. तर, क्विकर व इतर वेबसाइटवर जाहिरात करून फसवणूक करण्यास सुरुवात केली. त्याने अशा प्रकारे पुण्यासह देशातील शंभर जणांची फसवणूक केल्याचे प्राथमिक तपासात समोर आले आहे.