बारामती : एका विचित्र अपघातात तीन वर्षीय निष्पाप चिमुकल्याचा दुर्दैवी अंत झाल्याची घटना शहरातील इंदापूर रोडवरील हॉटेल शिवम समोर घडली. अरहत थोरात असे या चिमुकल्याचे नाव आहे. याप्रकरणी शुभांगी कांबळे यांनी दिलेल्या फिर्यादीवरून संकेत प्रकाश खळदकर (रा. नानगाव, ता. दौड, जि. पुणे) यास ताब्यात घेतले आहे. अरहतच्या वाढदिवशीच ही घटना घडली. त्यामुळे चिमुकल्याच्या वाढदिवशीच त्याला अखेरचा निरोप देण्याची वेळ कुटुंबावर आली. या घटनेमुळे कुटुंबासह नातेवाईकांवर दु:खाचा डोंगर कोसळला आहे.
मिळालेल्या माहितीनुसार फिर्यादीची भाची प्रिती प्रमोद थोरात (रा. मळद, ता. बारामती, जि. पुणे; सध्या रा. सटवाजीनगर, बारामती जि. पुणे) यांचा मुलगा अरहत याचा वाढदिवस साजरा करून (९ ऑक्टोबर) रोजी रात्री साडेनऊ वाजता सुमारास येथील डॉ. बाबासाहेब आंबेडकर पुतळा स्मारक येथे बारामती बौद्ध युवक संघटनेने आयोजित केलेला मेळावा पाहण्यासाठी निघाले होते.
प्रिती थोरात या चिमुकल्या अरहत व कुटुंबासह एसटी स्टँड चौक ओलांडून इंदापूर रोडने जय शिवम हॉटेल समोरुन पुढे चालत येत होत्या. रस्त्यात असलेला लोखंडी अँगल ओलांडून पुढे निघाले असताना अचानक भरधाव वेगाने एक मोटारसायकल येऊन अँगलला धडकली. तो लोखंडी अँगल फिर्यादीच्या पायाला व तीन वर्षाच्या अरहतच्या डोक्याला लागला. त्याच्या डोक्यातून रक्तस्त्राव होऊ लागल्याने त्याला तात्काळ शहरातील वेगवेगळ्या नामांकित हॉस्पिटलमध्ये नेले. मात्र आम्ही अपघाताचे रुग्ण घेत नसल्याचे तेथील डॉक्टरांनी सांगितले. शेवटी एका हॉस्पिटलमध्ये चिमुकल्याला दाखल केले असता डॉक्टरांनी त्याला दवाखान्यात आणण्यास उशीर झाल्याचे सांगत मृत घोषित केले. दरम्यान अपघातास कारणीभूत ठरलेल्या मोटरसायकल स्वार संकेत खळदकरसह प्राथमिक उपचार न देणाऱ्या रुग्णालयावर कारवाई करण्याची मागणी फिर्यादीत नमूद केली आहे.
मिळालेल्या माहितीनुसार फिर्यादीची भाची प्रिती प्रमोद थोरात (रा. मळद, ता. बारामती, जि. पुणे; सध्या रा. सटवाजीनगर, बारामती जि. पुणे) यांचा मुलगा अरहत याचा वाढदिवस साजरा करून (९ ऑक्टोबर) रोजी रात्री साडेनऊ वाजता सुमारास येथील डॉ. बाबासाहेब आंबेडकर पुतळा स्मारक येथे बारामती बौद्ध युवक संघटनेने आयोजित केलेला मेळावा पाहण्यासाठी निघाले होते.
प्रिती थोरात या चिमुकल्या अरहत व कुटुंबासह एसटी स्टँड चौक ओलांडून इंदापूर रोडने जय शिवम हॉटेल समोरुन पुढे चालत येत होत्या. रस्त्यात असलेला लोखंडी अँगल ओलांडून पुढे निघाले असताना अचानक भरधाव वेगाने एक मोटारसायकल येऊन अँगलला धडकली. तो लोखंडी अँगल फिर्यादीच्या पायाला व तीन वर्षाच्या अरहतच्या डोक्याला लागला. त्याच्या डोक्यातून रक्तस्त्राव होऊ लागल्याने त्याला तात्काळ शहरातील वेगवेगळ्या नामांकित हॉस्पिटलमध्ये नेले. मात्र आम्ही अपघाताचे रुग्ण घेत नसल्याचे तेथील डॉक्टरांनी सांगितले. शेवटी एका हॉस्पिटलमध्ये चिमुकल्याला दाखल केले असता डॉक्टरांनी त्याला दवाखान्यात आणण्यास उशीर झाल्याचे सांगत मृत घोषित केले. दरम्यान अपघातास कारणीभूत ठरलेल्या मोटरसायकल स्वार संकेत खळदकरसह प्राथमिक उपचार न देणाऱ्या रुग्णालयावर कारवाई करण्याची मागणी फिर्यादीत नमूद केली आहे.