म. टा. प्रतिनिधी, पुणे
वीकएंडच्या संचारबंदीचे निमित्त साधून अतिउत्साही पर्यटकांनी दोन दिवस फार्मफाउसवर पार्ट्यांचे नियोजन केले आहे. शहर परिसरातील लहान-मोठ्या फार्महाउस चालकांनी नागरिकांना आकर्षित करण्यासाठी लॉकडाउननिमित्त दोन रात्रींवर एक रात्र मोफत, तर काहींनी मोठ्या 'फॅमिली ग्रुप'साठी सवलती जाहीर केल्या आहेत.
लॉकडाउनमुळे शहरात पार्ट्या, गेट टुगेदर करता येत नाहीत; म्हणून लोकांनी फार्म हाउसवर एकत्र येण्याचे बेत रचले आहेत. करोनाचा वाढता प्रसार रोखण्यासाठी राज्य सरकारने जाहीर केलेली वीकएंड संचारबंदी आज (शुक्रवार) सायंकाळी सहापासून लागू होणार आहे. पुढील दोन दिवस हॉटेलसह सगळीच दुकाने बंद राहणार आहेत. फिरण्यावर मर्यादा येणार आहेत. त्यामुळे घरात बसून कंटाळण्यापेक्षा ताम्हिणी, मुळशी, लोणावळा-खंडाळा, सिंहगड परिसरातील खासगी बंगले; तसेच फार्म हाउसमध्ये राहण्याचा पर्याय अनेकांनी निवडला आहे.
गेल्या आठवडाभरापासून सोशल मीडियावर 'लॉकडाउन पर्यटना'ची जोरदार चर्चा आहे. फार्म हाउसचालक त्यांच्याकडील बंगल्यांचे, स्वीमिंगपूल, निसर्गरम्य वातावारणाचे फोटो टाकत आहेत. शुक्रवारी सायंकाळी सहा ते सोमवारी सकाळी सात या वेळेची खास पॅकेज त्यांनी जाहीर केली आहेत. निसर्ग पर्यटनासह ज्यांना बंगल्यात बसून ऑफिसचे काम करायचे आहे, अशांसाठी फार्महाउस चालकांनी वाय़फाय, टेबल-खुर्चीची व्यवस्थाही केली आहे.
गर्दीमुळे करोनाचा प्रसार वाढला आहे. ही साखळी तोडण्यासाठीच सरकारने लॉकडाउनचा निर्णय घेतला आहे. आठवड्यातील किमान दोन दिवस तरी लोकांनी कुटुंबाशिवाय एकमेकांच्या संपर्कात येऊ नये, हा संचारंबदीचा उद्देश आहे; पण दोन दिवसांच्या संचारबंदीचा फायदा मिळविण्यासाठी पर्यटक प्रशासनाचे नियमच बाजूला ठेवून पर्यटनाला जाणार आहेत. धक्कादायक बाब म्हणजे काही मोजके अपवाद वगळता यातील कोणत्याही फार्म हाउसचालकाने येण्यापूर्वी करोनाची चाचणी बंधनकारक असल्याचा नियम सांगितलेला नाही. वेगवेगळ्या कुटुंबांतून एकत्र येणाऱ्या या मंडळींमध्ये सुरक्षित अंतराचा नियम पाळला जाणार नाही. दिवसभर ही मंडळी फार्म हाउसवर मास्कशिवाय बसणार, स्विमिंग पूलमध्ये खेळणार. हे सगळे माहिती असतानाही फार्म हाउसचालकांचा केवळ व्यावहारिक दृष्टिकोन ठेवून लॉकडाउन पर्यटनाची संकल्पना रेटण्याचा प्रयत्न सुरू आहे.
'यांच्यावर कारवाई होणार का?'
शहरात सायंकाळी सहानंतर रस्त्यावर फिरण्यास बंदी, दिवसभरात पाचपेक्षा जास्त माणसांनी एकत्र येण्यास बंदी आहे. नियम तोडणाऱ्यांवर कठोर कारवाई केली जाते आहे. मग फार्महाउसवर पार्ट्यांसाठी जाणाऱ्यांना निर्बंध नाहीत का, करोनाची चाचणीही न करता एकत्र येणाऱ्या पर्यटकांमुळे संसर्ग पसरणार नाही का, याचा तोटा फार्म हाउसमध्ये काम करणाऱ्या स्थानिक कर्मचाऱ्यांना होणार नाही का, लॉकडाउन पर्यटन करणाऱ्यांवर प्रशासन कारवाई करणार का, असे प्रश्न शहरातील हॉटेल, रिसॉर्ट चालकांकडून विचारले जात आहेत.
नागरिकांना शनिवार आणि रविवारी लॉकडाउनकाळात फार्म हाउसवर जाण्यास मनाई नाही. मर्यादित कुटुंबे एकत्र जाऊन राहू शकतात. मात्र, त्यांना लॉकडाउनकाळात फार्म हाउसबाहेर पडण्यास बंदी आहे; तसेच फार्म हाउसच्या बाहेर लॉन असेल, तर त्या ठिकाणी पार्टी करता येणार नाही. मोठा बंदिस्त हॉल असेल, तर त्या ठिकाणीही जास्त लोकांनी गर्दी करण्यास मनाई आहे.
- डॉ. जयश्री कटारे,
निवासी उपजिल्हाधिकारी
वीकएंडच्या संचारबंदीचे निमित्त साधून अतिउत्साही पर्यटकांनी दोन दिवस फार्मफाउसवर पार्ट्यांचे नियोजन केले आहे. शहर परिसरातील लहान-मोठ्या फार्महाउस चालकांनी नागरिकांना आकर्षित करण्यासाठी लॉकडाउननिमित्त दोन रात्रींवर एक रात्र मोफत, तर काहींनी मोठ्या 'फॅमिली ग्रुप'साठी सवलती जाहीर केल्या आहेत.
लॉकडाउनमुळे शहरात पार्ट्या, गेट टुगेदर करता येत नाहीत; म्हणून लोकांनी फार्म हाउसवर एकत्र येण्याचे बेत रचले आहेत. करोनाचा वाढता प्रसार रोखण्यासाठी राज्य सरकारने जाहीर केलेली वीकएंड संचारबंदी आज (शुक्रवार) सायंकाळी सहापासून लागू होणार आहे. पुढील दोन दिवस हॉटेलसह सगळीच दुकाने बंद राहणार आहेत. फिरण्यावर मर्यादा येणार आहेत. त्यामुळे घरात बसून कंटाळण्यापेक्षा ताम्हिणी, मुळशी, लोणावळा-खंडाळा, सिंहगड परिसरातील खासगी बंगले; तसेच फार्म हाउसमध्ये राहण्याचा पर्याय अनेकांनी निवडला आहे.
गेल्या आठवडाभरापासून सोशल मीडियावर 'लॉकडाउन पर्यटना'ची जोरदार चर्चा आहे. फार्म हाउसचालक त्यांच्याकडील बंगल्यांचे, स्वीमिंगपूल, निसर्गरम्य वातावारणाचे फोटो टाकत आहेत. शुक्रवारी सायंकाळी सहा ते सोमवारी सकाळी सात या वेळेची खास पॅकेज त्यांनी जाहीर केली आहेत. निसर्ग पर्यटनासह ज्यांना बंगल्यात बसून ऑफिसचे काम करायचे आहे, अशांसाठी फार्महाउस चालकांनी वाय़फाय, टेबल-खुर्चीची व्यवस्थाही केली आहे.
गर्दीमुळे करोनाचा प्रसार वाढला आहे. ही साखळी तोडण्यासाठीच सरकारने लॉकडाउनचा निर्णय घेतला आहे. आठवड्यातील किमान दोन दिवस तरी लोकांनी कुटुंबाशिवाय एकमेकांच्या संपर्कात येऊ नये, हा संचारंबदीचा उद्देश आहे; पण दोन दिवसांच्या संचारबंदीचा फायदा मिळविण्यासाठी पर्यटक प्रशासनाचे नियमच बाजूला ठेवून पर्यटनाला जाणार आहेत. धक्कादायक बाब म्हणजे काही मोजके अपवाद वगळता यातील कोणत्याही फार्म हाउसचालकाने येण्यापूर्वी करोनाची चाचणी बंधनकारक असल्याचा नियम सांगितलेला नाही. वेगवेगळ्या कुटुंबांतून एकत्र येणाऱ्या या मंडळींमध्ये सुरक्षित अंतराचा नियम पाळला जाणार नाही. दिवसभर ही मंडळी फार्म हाउसवर मास्कशिवाय बसणार, स्विमिंग पूलमध्ये खेळणार. हे सगळे माहिती असतानाही फार्म हाउसचालकांचा केवळ व्यावहारिक दृष्टिकोन ठेवून लॉकडाउन पर्यटनाची संकल्पना रेटण्याचा प्रयत्न सुरू आहे.
'यांच्यावर कारवाई होणार का?'
शहरात सायंकाळी सहानंतर रस्त्यावर फिरण्यास बंदी, दिवसभरात पाचपेक्षा जास्त माणसांनी एकत्र येण्यास बंदी आहे. नियम तोडणाऱ्यांवर कठोर कारवाई केली जाते आहे. मग फार्महाउसवर पार्ट्यांसाठी जाणाऱ्यांना निर्बंध नाहीत का, करोनाची चाचणीही न करता एकत्र येणाऱ्या पर्यटकांमुळे संसर्ग पसरणार नाही का, याचा तोटा फार्म हाउसमध्ये काम करणाऱ्या स्थानिक कर्मचाऱ्यांना होणार नाही का, लॉकडाउन पर्यटन करणाऱ्यांवर प्रशासन कारवाई करणार का, असे प्रश्न शहरातील हॉटेल, रिसॉर्ट चालकांकडून विचारले जात आहेत.
नागरिकांना शनिवार आणि रविवारी लॉकडाउनकाळात फार्म हाउसवर जाण्यास मनाई नाही. मर्यादित कुटुंबे एकत्र जाऊन राहू शकतात. मात्र, त्यांना लॉकडाउनकाळात फार्म हाउसबाहेर पडण्यास बंदी आहे; तसेच फार्म हाउसच्या बाहेर लॉन असेल, तर त्या ठिकाणी पार्टी करता येणार नाही. मोठा बंदिस्त हॉल असेल, तर त्या ठिकाणीही जास्त लोकांनी गर्दी करण्यास मनाई आहे.
- डॉ. जयश्री कटारे,
निवासी उपजिल्हाधिकारी